15-Dec-2020

ଆଗଲପୁର, (ପ୍ରେରଣା ଖବର) : ବଲାଙ୍ଗୀର ଜିଲ୍ଲା ଆଗଲପୁର ଗ୍ରୀଡ ଅଧୀନରେ ଥିବା  ଅନେକ ଏଲଆଇ ପଏଣ୍ଟରେ ଗତ ୧୮ ତାରିଖ ବିଦ୍ୟୁତ କାଟ କରାଯାଇଛି  ବିଦ୍ୟୁତ କାଟକୁ ନେଇ ଚାଷୀ ମାନେ ତୀବ୍ର ବିରୋଧ କରିଛନ୍ତି ସେପଟେ ଅନେକ ଏଲଆଇ ପଏଣ୍ଟରେ ବିଦ୍ୟୁତ ସଂଯୋଗ ନହୋଇ ବିଲ ଆସିଥିବାର ଅଭିଯୋଗ ହୋଇଛି  l ଗତ ବର୍ଷେ ୨ ବର୍ଷ ହେବ ଚାଷୀ ମାନେ ସରକାରଙ୍କ ଯୋଜନା ଅନୁସାରେ 10 ହଜାର ଟଙ୍କା ଲେଖାଏଁ ଜମାକରି ଗଭୀର ନଳକୁପ ଖନନ କରାଯାଇ ବିଦ୍ୟୁତ ସଂଯୋଗ କରାଯାଇଥିଲା କିନ୍ତୁ ମାର୍ଚ୍ଚ ମାସଠାରୁ ମହାମାରୀ କୋରନା ପାଇଁ କଟକଣା ଲଗାଗଲା ଏହି କଟକଣା ପାଇଁ ଚାଷୀ  ମାନେ ତାଙ୍କର ଉତ୍ପାଦିତ ଫସଲ ଗୁଡିକୁ ଠିକ ଭାବରେ ବିକ୍ରି କରିପାରିଲେ ନାହିଁ ଏନେଇ ବାରମ୍ବାର ଚାଷି ମାନଙ୍କୁ ସହାୟତା କରିବା ପାଇଁ ଗଣମାଧ୍ୟମ ଗୁଡିକରେ ଖବର ପ୍ରସାରଣ କରାଯାଇଥିଲା ପୁଣି ଅଗଷ୍ଟ ୨୫ ୨୬ ୨୭ ତିନିଦିନ ଲଗାଣ ବର୍ଷା ହେବା ଫଳରେ ଅନେକ ଗୁଡିଏ ଏଲଆଇ ପଏଣ୍ଟରୁ ବିଦ୍ୟୁତ ବିଛିନ୍ନ ହେବା ସହିତ ବିଭିନ୍ନ ଯନ୍ତ୍ରାଂଶ କ୍ଷତି ହୋଇଥିଲା ଏହି ସମୟରେ ଚାଷୀ ମାନେ ଏଲଆଇ ପଏଣ୍ଟ ଗୁଡିକର ବିଦ୍ୟୁତ ବିଲ ଛାଡ଼ କରିବା ପାଇଁ ବ୍ଲକ ଓ ଜିଲ୍ଲା ପ୍ରଶାସନର ଦୁଷ୍ଟି ଆକର୍ଷଣ କରିଥିଲେ ବନ୍ୟାରେ ଫସଲ କ୍ଷତି ହୋଇଥିବା ନେଇ ମଧ୍ୟ ଅଭିଯୋଗ କରିଥିଲେ ଆଗଲପୁର ତହସିଲଦାର ଓ ବିଡ଼ିଓଙ୍କୁ ସର୍ଜମିନ ତଦନ୍ତ କରି ଚାଷି ମାନଙ୍କୁ ସହାୟତା ଦେବା ପାଇଁ ସରକାର ପାଖକୁ ରିପୋର୍ଟ ପ୍ରଦାନ କରିବା ପାଇଁ କୁହାଯାଇଥିଲା ବନ୍ୟା ସହାୟତା ପାଇବା ପାଇଁ ଚାଷୀ ମାନେ ଆଗଲପୁର ତହସିଲଦାରଙ୍କୁ ପଚାବାରୁ ସରକାର ପାଖକୁ କ୍ଷୟକ୍ଷତି ରିପୋର୍ଟ ପଠାଯାଇଛି ସରକାର ସହାୟତା ରାଶି ପଠାଇଲେ ଦିଆଯିବ ବୋଲି କହିଥିଲେ ସରକାରୀ ସହାୟତା ଆଜିପଯ୍ୟନ୍ତ ଚାଷୀ ମାନଙ୍କୁ ମିଳିନାହିଁ