16-Oct-2023

କଣ୍ଟାମାଳ, (ପ୍ରେରଣା ଖବର )  ଓଡ଼ିଶାର ମାନ୍ୟବର ମୁଖ୍ୟମନ୍ତ୍ରୀ ଶ୍ରୀଯୁକ୍ତ ନବୀନ ପଟ୍ଟନାୟକ ଙ୍କ 78ତମ ଜନ୍ମଜୟନ୍ତୀ ଅବସରରେ ବୌଦ୍ଧ ଜିଲ୍ଲା କଣ୍ଟାମାଳ ନିର୍ବାଚନ ମଣ୍ଡଳୀର କଣ୍ଟାମାଳ ଗ୍ରାମପଞ୍ଚାୟତ କାର୍ଯ୍ୟାଳୟରେ ଏକ ସ୍ବେଛାକୃତ ରକ୍ତଦାନ ଶିବିର ଆୟୋଜିତ ହୋଇଯାଇଛି  l  ଅନୁଷ୍ଠିତ ଉକ୍ତ ରକ୍ତଦାନ ଶିବିରରେ କଣ୍ଟାମାଳ ବିଧାୟକ ତଥା

ଜିଲ୍ଲା ଯୋଜନା ବୋର୍ଡ ଅଧ୍ୟକ୍ଷ ମହୀଧର ରଣା ମୁଖ୍ୟଅତିଥି ଭାବେ ଯୋଗଦେଇ ରକ୍ତଦାନ ଏକ ମହତ ଦାନ ବୋଲି କହିବା ସହ ଏଭଳି ମହତ କାର୍ଯ୍ୟରେ ସମସ୍ତେ ସ୍ବେଛାକୃତ ଭାବେ ସାମିଲ ହୋଇ ରକ୍ତ ଅଭାବରୁ ଜୀବନ ଯାଉଥିବା ରୋଗୀଙ୍କ ମୁହଁରେ ହସ ଫୁଟାଇବାକୁ ଆହ୍ୱାନ ଦେଇଥିଲେ  l   ଶିବିରରେ ଅନ୍ୟମାନଙ୍କ ମଧ୍ୟରେ ଜିଲ୍ଲାପରିଷଦ ସଭ୍ୟା ଶ୍ରୀମତୀ ସୁମିତ୍ରା ସାହୁ ,କଣ୍ଟାମାଳ ବ୍ଲକ ଯୁବ ବିଜେଡି ସଭାପତି ଶମ୍ଭୁ  ପ୍ରସାଦ ସାହୁ, ବ୍ଲକ ବିଜେଡି ସଭାପତି ପ୍ରେମରାଜ ରଣା, ଜିଲ୍ଲା ବିଜେଡି

ସାଧାରଣ ସମ୍ପାଦକ ପ୍ରଶାନ୍ତ ରଣା,,ରାଧାବଲ୍ଲଭ ପ୍ରଧାନ, ସୁରେଶ ଚନ୍ଦ୍ର ରଣା,ସନ୍ତୋଷ ଦନ୍ତା, ଜାନି ସେନାପତି, କଣ୍ଟାମାଳ ସରପଞ୍ଚ ପ୍ରତିନିଧି ପ୍ରକାଶ ଖଟୁଆ ସମେତ ବିଜେଡି କର୍ମକର୍ତ୍ତା, ନେତା ଓ ସୁଭେଛୁ ମାନେ ଉପସ୍ଥିତ ଥିଲେ  l  ଉକ୍ତ ଶିବିରରେ ମୋଟ 35ୟୁନିଟ ରକ୍ତ ସଂଗୃହିତ ହୋଇଥିଲା   l  ଶିବିରରେ ବୌଦ୍ଧ ଜିଲ୍ଲା ଚିକିତ୍ସାଳୟର ଡାକ୍ତର ଓ ଟେକନିସିଆନ ଟିମ ଯୋଗଦେଇ ରକ୍ତ ସଂଗ୍ରହ କାର୍ଯ୍ୟ ପରିଚାଳନା କରିଥିଲେ  l