14-Dec-2020

ବଲାଙ୍ଗିର(ସନ୍ତୋଷ କୁମାର ଠାକୁର)ବଲାଙ୍ଗିର ଜିଲ୍ଲା ୨୯୮ ସମେତ ଓଡିଶାର ୧୪୫୦୦ ପ୍ରାଥମିକ ବିଦ୍ୟାଳୟ, ବଲାଙ୍ଗିର ବିଏଡ କଲେଜ ସମେତ ୧୫ଗୋଟି ମହାବିଦ୍ୟାଳୟ, ବରଗଡ ଓ ଦେଓଗାଁ ବିଜୟାନନ୍ଦ ଚିନୀ କଳ, ସୋନପୁର ଓ ବରଗଡ ସୂତାକଳ, କେସିଙ୍ଗା ଚିନୀକଳ ଓ କଟନ ଫେକ୍ଟରୀ, ଆସ୍କା ଓ ତ୍ରିତୋଳ ଚିନୀକଳ ସମେତ ୩୦୦ କୃଷିଭିତ୍ତିକ ଶିଳ୍ପ ଏବଂ ବଲାଙ୍ଗିର ଶୀତଳ ଭଣ୍ଡାର ସହ ୧୦୦ଗୋଟି ଶୀତଳ ଭଣ୍ଡାର, ବଲାଙ୍ଗିର ଲୋୟର ସୁକତେଲ ପ୍ରକଳ୍ପ ସହ ୧୦୦ ରୁ ଊର୍ଦ୍ଧ୍ୱ ଚେକ ଡ୍ୟାମ ଓ ଜନ ସେଚନ ପ୍ରକଳ୍ପ ସମେତ ଓଡିଶାର ଏକମାତ୍ର ନିଳାଚଳ ଇସ୍ପାତ କାରଖାନା ବନ୍ଦ ବିରୁଦ୍ଧରେ ଭିଲେଜର୍ସ ଇଣ୍ଡିଆ ପାର୍ଟି ଦ୍ୱାରା ଆଜି ବଲାଙ୍ଗିର ଜିଲ୍ଲାପାଳ ସମ୍ମୁଖରେ ଶହ ଶହ କାର୍ଯ୍ୟକର୍ତ୍ତାଙ୍କ ସହ ବିକ୍ଷୋଭ ପ୍ରଦର୍ଶନ କରି ବନ୍ଦର ନିଷ୍ପତି ପୁନଃବିଚାର ପାଇଁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦି ଏବଂ ଓଡିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ବଲାଙ୍ଗିର ଜିଲ୍ଲାପାଳ ଶ୍ରୀ ଚଂଚଳ ରଣାଙ୍କ ଜରିଆରେ ଦାବିପତ୍ର ଦିଆଯାଇଛି । ଭିଲେଜର୍ସ ଇଣ୍ଡିଆ ପାର୍ଟି ଅଧ୍ୟକ୍ଷ ଡ. ବିପିନ କୁଶୁଲିଆଙ୍କ ସହ ଦଶ ଗୋଟି ବନ୍ଦ ହେବାକୁ ଥିବା ପ୍ରାଥମିକ ବିଦ୍ୟାଳୟର ଅଧ୍ୟକ୍ଷ, ଭିଆଇପି କାର୍ଯ୍ୟକାରୀ ଅଧ୍ୟକ୍ଷ ସୁକାନ୍ତ କୁମାର ମହାପାତ୍ର, ଭୁବନେଶ୍ୱର ଖୋର୍ଦ୍ଧା ଜିଲ୍ଲା ଅଧ୍ୟକ୍ଷ ଶ୍ରୀମତୀ ସୁଧାଂଶବାଳା ମିଶ୍ର, ପ୍ରଦେଶ ମହାସଚୀବ ଶ୍ରୀ ନରେନ୍ଦ୍ର କୁମାର ପଟେଲ ସହ ଶତାଧିକ କାର୍ଯ୍ୟକର୍ତ୍ତା ପ୍ରଧାନମନ୍ତ୍ରୀ, ଓଡିଶାର ମୁଖ୍ୟମନ୍ତ୍ରୀ, ଗଣଶିକ୍ଷା ମନ୍ତ୍ରୀ ଏବଂ ନିତୀ ଆୟୋଗ କୁ ଆସନ୍ତା ୩୦, ଡିସେମ୍ବରରେ ଓଡିଶା ବନ୍ଦ ଡାକରା ଏବଂ ପ୍ରତ୍ୟେକ ଜିଲ୍ଲା କାର୍ଯୟାଳୟ ସମ୍ମୁଖରେ ବନ୍ଦ ହେବାକୁ ଥିବା ପ୍ରାଥମିକ ବିଦ୍ୟାଳୟର ଛାତ୍ର ଛାତ୍ରୀ ଏବଂ ଅଭିଭାବକଙ୍କ ଦ୍ୱାରା ବିକ୍ଷୋଭ ଏବଂ ଧାରଣା ଦିଆଯିବ ବୋଲି ଚୋତାବନୀ ଦେଇଛନ୍ତି ।