27-Sep-2023

ବୀରମହାରାଜପୁର,(ବିନୋଦ ପାଣ୍ଡେ ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଉଫୁଲା ପଞ୍ଚାୟତ ଅନ୍ତର୍ଗତ ରଥପୁର ଦୁର୍ଗା ପୂଜା କମିଟି ପକ୍ଷରୁ ନୂଆଁଖାଇ ଭେଟଘାଟ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। କମିଟି ଉପଦେଷ୍ଟା ତଥା ସମାଜସେବୀ ମୀନକେତନ ମହାକୁର ଙ୍କ ସଭାପତିତ୍ବରେ ଅନୁଷ୍ଠିତ ନୂଆଁଖାଇ ଭେଟଘାଟ କାର୍ଯ୍ୟକ୍ରମ ରେ ସମ୍ମାନିତ ଅତିଥି ଭାବରେ ବିଶିଷ୍ଟ ହାସ୍ୟକବି ବେନ୍ଦ୍ର ସାହୁ, ହାସ୍ୟକବି ହରିଲାଲ ସାହୁ, ହାସ୍ୟ କବି ମୁନିରାମ କୁମ୍ଭାର, ରାଜ୍ୟ ପୁରସ୍କାର ପ୍ରାପ୍ତ ଶିକ୍ଷକ ଭୂଷଣ ପାତ୍ର, ବୀରମହାରାଜପୁର କଲେଜ ଓଡ଼ିଆ ଅଧ୍ୟାପକ ପ୍ରକାଶ ସେଠ୍, ଶିକ୍ଷକ ଲକ୍ଷ୍ମୀନାରାୟଣ ସାହୁ, ସପ୍ତଦୀପ ସାହିତ୍ୟ ସଂସଦ ସଭାପତି କବି ଦ୍ବିତୀକୃଷ୍ଣ ପଣ୍ଡା,କୋଶଲି କବି ଅଧ୍ୟାପକ ଯଜ୍ଞେଶ୍ଵର ବିଶି, ବୀରମହାରାଜପୁର ଜେଳର ଅଞ୍ଜଳି ପଟେଲ ପ୍ରମୁଖ ଅତିଥି ଭାବରେ ଯୋଗଦେଇ ଥିଲେ। ଶିକ୍ଷକ ଅରବିନ୍ଦ ରଣା ମଞ୍ଚ ପରିଚାଳନା କରିଥିବା ବେଳେ ଶିକ୍ଷକ ମଳୟ ଅମାତ ଧନ୍ୟବାଦ ଅର୍ପଣ କରିଥିଲେ। କମିଟି ପକ୍ଷରୁ ୨୦୨୩ ରେ ବୀରମହାରାଜପୁର ଉପଖଣ୍ଡରେ ମାଟ୍ରିକ ଟପ୍ପର ଛାତ୍ରୀ ବିଶ୍ଵରୂପା ସାହୁ ,ତାଏକଣ୍ଡୋ ଖେଳାଳି ଏହେସାସ୍ ହୋତା, ବିଶିଷ୍ଟ ଚାଷୀ ଶାନ୍ତନୁ କ୍ଷେତି, ଶିକ୍ଷକ ଲକ୍ଷ୍ମୀନାରାୟଣ ସାହୁ, ସାହିତ୍ୟ ସଂଗଠକ ଦ୍ବିତୀକୃଷ୍ଣ ପଣ୍ଡା, କବି ଯଜ୍ଞେଶ୍ଵର ବିଶି ଓ ଶ୍ରେଷ୍ଠ ସଂଚାଳକ ଅବିନାଶ ହୋତାଙ୍କୁ ସମ୍ମାନିତ କରାଯାଇ ଥିଲା।‌ ଅଞ୍ଚଳର ଶିଶୁ ମାନେ ଡାଳଖାଇ,ମାଇଲାଜଡ, ରସରକେଲି ନୃତ୍ୟ ପରିବେଷଣ କରିଥିଲେ। ପରେ ମେଲୋଡି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ରଥପୁର ଦୁର୍ଗା ପୂଜା କମିଟି ର ସମସ୍ତ ସଦସ୍ୟ ସହଯୋଗ କରିଥିଲେ।