25-Sep-2023

ବଲାଙ୍ଗୀର,-ଗତ ସେପ୍ଟେମ୍ବର ୧୩ ରୁ ୨୪ ତାରିଖ ପର୍ଯ୍ୟନ୍ତ ବଲାଙ୍ଗୀର ଜିଲ୍ଲା କାରାଗାରର ୱାର୍ଡର ମାନେ ବିଭିନ୍ନ ଦାବି ପୂରଣ ନେଇ କଳା ବ୍ୟାଚ୍ ପିନ୍ଧି ଥିଲେ । ଦୀର୍ଘ ୧୦ ଦିନ ପରେ ମଧ୍ୟ ଜେଲ୍ ୱାର୍ଡର ମାନଙ୍କର ଦାବି ପ୍ରତି ସରକାର କର୍ଣ୍ଣପାତ ନ କରିବାରୁ ଆଜି ଜେଲ ୱାର୍ଡର ମାନେ ଜିଲ୍ଲା କାରାଗାର ସମ୍ମୁଖରେ ଅମରଣ ଅନଶନରେ ବସିଛନ୍ତି ।  ଜେଲର ୱାର୍ଡର ମାନଙ୍କ ଗ୍ରେଡ୍ ପେ ୧୯୦୦ ରୁ ୨୦୦୦ ଟଙ୍କାକୁ ବୃଦ୍ଧି, ଚିଫ୍ ୱାର୍ଡର ମାନଙ୍କ ଗ୍ରେଡ ୍‌ପେ ୨ଠଠଠ ରୁ ୨୪ଠଠକୁ ବୃଦ୍ଧି, ଉପଖଣ୍ଡସ୍ତରୀୟ ବଦଳି ନିୟମକୁ କୋହଳ କରିବା, ୧୩ ମାସିଆ ଦରମା ଲାଗୁ କରିବା, ପୁରୁଣା ପଦୋନ୍ନତି ନିୟମ- ୨୦୧୨ କୁ ଲାଗୁ କରିବା ଓ ଖାଦ୍ୟ ଭତ୍ତା ୪ଠଠ ରୁ ୧୪ଠଠ ଟଙ୍କାକୁ ବୃଦ୍ଧ କରିବା ଆଦି ଦାବି ନେଇ ଆଜି ଶତାଧିକ ଜେଲ୍ ୱାର୍ଡର ବଲାଙ୍ଗୀର ଜିଲ୍ଲା କାରାଗାର ସମ୍ମ୍‌ୁଖରେ କଳା ବ୍ୟାଚ୍ ପିନ୍ଧି ଅମରଣ ଅନଶନରେ ବସିଛନ୍ତି । ଦାବି ପୂରଣ ନ ହେବା ଯାଏ ସେମାନେ ଅନଶନରୁ ହଟିବେ ନାହିଁ ବୋଲି କଡା  ଚେତାବନୀ ଦେଇଛନ୍ତି ।