10-Sep-2023

ବଲାଙ୍ଗୀର, ପ୍ରେରଣା ନ୍ୟୁଜ୍ ପୋର୍ଟଲର ଚତୁର୍ଥ ବାର୍ଷିକୋତ୍ସବ ଅବସରରେ ଆଜି  ମହିଳା ମାନଙ୍କ ପାଇଁ ଏକ ରଙ୍ଗୋଲି ପ୍ରତିଯୋଗିତା ସ୍ଥାନୀୟ ଟାଉନ ବାଳିକା ଉଚ୍ଚ ବିଦ୍ୟାଳୟ ଠାରେ ଅନୁଷ୍ଠିତ ହୋଇଥିଲା । ସ୍ୱେଚ୍ଛାସେବୀ ଅନୁଷ୍ଠାନ ସଂପୂର୍ଣ୍ଣା ଓ ପ୍ରେରଣାର ମିଳିତ ସହଯୋଗରେ ଅନୁଷ୍ଠିତ ଏହି ପ୍ରତିଯୋଗିତାରେ ବହୁ ମହିଳା ଓ ଛାତ୍ରୀ ଭାଗ ନେଇଥିଲେ ।

ରଙ୍ଗୋଲି ପ୍ରତେଯଗିତାରେ ବିଚାରକ ଭାବେ ଶ୍ରୀମତୀ ଆଶାଲତା ସେଠୀ, ହିମାନୀ ତ୍ରିପାଠୀ ଓ ଧୀରେନ୍ଦ୍ର ନାରାୟଣ ସିଂଦେଓ ଯୋଗ ଦେଇ କୃତୀ ପ୍ରତିଯୋଗିନୀ ମାନଙ୍କ ନାମ ଘୋଷଣା କରିଥିଲେ । ରଙ୍ଗୋଲି ପ୍ରତିଯୋଗିତାରେ ଶୀଖା ମେହେର ପ୍ରଥମ, ନେହା କୁମ୍ଭାର ଦ୍ୱିତୀୟ ଓ ଅନୀତା ଦୀପ୍ ତୃତୀୟ ସ୍ଥାନ ହାସଲ କରିଥିଲେ । ଶ୍ରୀମତୀ ସୌଦାମିନୀ ମିଶ୍ରଙ୍କୁ ଏକ ସ୍ୱତନ୍ତ୍ର ପୁରସ୍କର ପ୍ରଦାନ ପାଇଁ ନାମ ଘୋଷଣା କରାଯାଇଥିଲା । କାର୍ଯ୍ୟକ୍ରମକୁ ସଫଳ କରିବାରେ ପ୍ରେରଣା ତରଫରୁ ନେସନାଲ୍ ପିସ୍ ୟୁନିସନର ସତ୍ୟ ରଂଜନ ମିଶ୍ର, ଶିକ୍ଷକ ରାମନାରାୟଣ ଦାସ, କୃପାସିନ୍ଧୁ ମିଶ୍ର ,ସାମ୍ବାଦିକ ସନ୍ତୋଷ ଠାକୁର, ବାବୁ ପୁଝାରୀ, ଯୁଧିଷ୍ଟିର ମେହେର, ଶିକ୍ଷାବିତ୍ ମନୋରଂଜନ ସାହୁ ପ୍ରମୁଖ ସହଯୋଗ କରିଥିଲେ ।  ସଂପୂର୍ଣ୍ଣା ଅନୁଷ୍ଠାନର ରଶ୍ମି ପାତ୍ର, ସଂଜଳୀ ଶତପଥୀ, ସନ୍ତୋଷୀ ମେହେର, ନଳିନୀପ୍ରଭା ଶତପଥୀ, ମମତା ବେହେରା ଓ  ଅନ୍ୟ ମାନେ ସହଯୋଗ କରିଥିଲେ । ଆସନ୍ତା ୧୫ ତାରିଖ ଦିନ

ମଣ୍ଟେଶୋରୀ ପବ୍ଲକ ସ୍କୁଲ ଠାରେ କଲେଜସ୍ତରୀୟ ଓଡ଼ିଆ ଓ ଇଂରାଜୀ ବକ୍ତୃତା ପ୍ରତିଯୋଗିତା, ୧୬ ତାରିଖ ପି.ପି. ଏକାଡେମୀ ଠାରେ ପ୍ରଥମରୁ ଦଶମ ଶ୍ରେଣୀ ଛାତ୍ରଛାତ୍ରୀଙ୍କ ପାଇଁ ତିନୋଟି ବିଭାଗରେ  ଚିତ୍ରାଙ୍କନ ପ୍ରତିଯୋଗିତା ଓ ୨୩ ତାରିଖ ଦିନ ପ୍ରଥମରୁ ପଂଚମ ଶ୍ରେଣୀ ଓ ଅଷ୍ଟମରୁ ଦଶମ ଶ୍ରେଣୀ ପିଲାଙ୍କ ପାଇଁ ଓଡ଼ିଆ ପ୍ରବନ୍ଧ ପ୍ରତିଯୋଗିତା ଅନୁଷ୍ଠିତ ହେବ ବୋଲି ପ୍ରେରଣର ସଂପାଦକ ରଘୁ ନନ୍ଦନ ସିଂହ ସୂଚନା ଦେଇଛନ୍ତି ।

   ସମସ୍ତ କୃତୀ ପ୍ରତିଯୋଗୀ ମାନଙ୍କୁ ଆସନ୍ତା ଅକ୍ଟୋବର ୨ ତାରିଖ ପବିତ୍ର ଗାନ୍ଧୀ ଓ ଶାସ୍ତ୍ରୀ ଜୟନ୍ତୀ ଅବସରରେ ସ୍ଥାନୀୟ ସାମ୍ବାଦିକ ଭବନ ଠାରେ ପାଳିତ ହେବାକୁ ଥିବା ପ୍ରେରଣା ନ୍ୟୁଜ୍ ପୋର୍ଟାଲର ଚତୁର୍ଥ ବାର୍ଷିକୋତ୍ସବରେ ପୁରସ୍କୃତ କରାଯିବ ବୋଲି ପ୍ରେରଣା ପକ୍ଷରୁ କୁହାଯାଇଛି ।