05-Sep-2023

ବୋଡ଼େନ(ଡୋଲେଶ୍ଵର ବାଗ ): ନୂଆପଡା ଜିଲ୍ଲା ବୋଡ଼େନ ବ୍ଲକ ମହୁଲପଡା ସେବାଶ୍ରମ ଓ ମହୁଲପଡା ଉଚ୍ଚ ପ୍ରାଥମିକ ବିଦ୍ୟାଳୟ ମିଳିତ ଆନୁକୁଲ୍ୟରେ ବହୁ ଆଡମ୍ବର ସହ ଗୁରୁ ଦିବସ  ପାଳିତ ହୋଇଛି । ଅନୁଷ୍ଠାନର ବରିଷ୍ଠ ଶିକ୍ଷକ ମହାବୀର ଯୋକ୍ଷୀଙ୍କ ସଭାପତିତ୍ବରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବରେ ପୂର୍ବତନ  ଗୋଷ୍ଠୀ ଶିକ୍ଷା ଅଧିକାରୀ ଜଗଦିଶ ପ୍ରସାଦ‌ ଖମାରୀ , ସମ୍ମାନିତ ଅତିଥି ପୂର୍ବତନ କ୍ରୀଡା ଶିକ୍ଷା କୁମ୍ଭରାଜ କଟା ,ଉପ୍ରା ବିଦ୍ୟାଳୟ ପ୍ରଧାନ ଶିକ୍ଷକ ଜିତେନ୍ଦ୍ର ହଂସ, ସେବାଶ୍ରମ ବିଦ୍ୟାଳୟ ର ପ୍ରଧାନ ଶିକ୍ଷକ କମଲ ସିଂ ମାଝୀ ମଞ୍ଚାସିନ ହୋଇଥିଲେ ।ପ୍ରଥମେ ଅତିଥି ଦେବ ପୂଜନ ଓ‌ ସର୍ବପଲ୍ଲୀ ରାଧାକୃଷ୍ଣନ ଙ୍କ ଫୋଟୋ ଚିତ୍ରରେ ମାଲ୍ୟାର୍ପଣ କରି ପୂଜନ କରିଥିଲେ ପରେ  ଛାତ୍ରଛାତ୍ରୀ ମାନଙ୍କ ଦ୍ଵାରା  ଗୁରୁ ପୂଜନ କାର୍ଯ୍ୟକ୍ରମ ହୋଇଥିଲା । ଅତିଥି ଗଣ ଗୁରୁ ଶିଷ୍ୟ ସଂପର୍କ କୁ ନେଇ ସୁନ୍ଦର ଅଭିଭାଷଣ ପ୍ରଦାନ କରିଥିଲେ ଓ ଗୁରୁ ଶିଷ୍ୟ ସଂପର୍କ ସୁଦୃଢ଼ ରଖିବାକୁ ଉପଦେଶ ଦେଇଥିଲେ ।ଏହି କାର୍ଯ୍ୟକ୍ରମ ଶିକ୍ଷକ ଡିସମ୍ବର ମେହେର ପରିଚାଳନା କରୁଥିବା ବେଳେ ବରିଷ୍ଠ ଶିକ୍ଷକ ସତ୍ୟବାଦୀ ମଲ୍ଲିକ ଧନ୍ୟବାଦ ଅର୍ପଣ କରିଥିଲେ ।