05-Sep-2023

ବଲାଙ୍ଗୀର , ଆଜି ସ୍ଥାନୀୟ ଟାଉନ ବାଳିକା ଉଚ୍ଚ ବିଦ୍ୟାଳୟ ଠାରେ ବଲାଙ୍ଗିର ନାଗରିକ କମିଟି ପକ୍ଷରୁ କମିଟିର ସଭାପତି ଇଂ. ବେଲାରସିଂ ଭୋଇଙ୍କ ସଭାପତିତ୍ୱରେ ଗୁରୁ ଦିବସ ପାଳିତ ହୋଇଯାଇଛି । ଏଥିରେ ନାଗରିକ କମିଟିର ସଦସ୍ୟ, ସ୍କୁଲର ଛାତ୍ରୀ ଓ କର୍ମଚାରୀ ମାନେ ଅଂଶଗ୍ରହଣ କରିଥିଲେ । ମୁଖ୍ୟ ଅତିଥି ରୂପେ ପ୍ରଫେସର ମଧୁସୂଦନ ପତି ଯୋଗ ଦେଇ ଗୁରୁ ଓ ଶିଷ୍ୟ ର ସଂପର୍କ ଠିକ ରହି ନିଜର ତ୍ତ୍‌ର୍ବ୍ୟ କରି ଶିକ୍ଷାଦାନର ମହତ୍ତ୍ୱ ବୁଝିଲେ ଭାରତବର୍ଷ  ପୂର୍ବ ପର ଜଗତଗୁରୁ ହୋଇପାରିବ ବୋଲି କହିଥିଲେ । ମୁଖ୍ୟ ବକ୍ତା ରୂପେ ମହିଳା ମହାବିଦ୍ୟାଳୟର  ଅଧ୍ୟାପକ ରତିକାନ୍ତ ନାଏକ ଭାରତବର୍ଷରେ ଗୁରୁଶିଷ୍ୟର ସଂପର୍କ ବହୁତ ଉଚ୍ଚକୋଟିର, ବର୍ତ୍ତମାନ ତାର ପ୍ରାସଙ୍ଗିକତା ରହିଛି ବୋଲି ବକ୍ତବ୍ୟ ପ୍ରଦାନ କରିଥିଲେ ।

କମିଟିର ସାଧାରଣ ସଂପାଦକ ମନୋରଂଜନ ସାହୁ ଙ୍କ ପରିଚାଳନାରେ ଆୟୋଜିତ ଏହି ଉତ୍ସବରେ ଶିକ୍ଷା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ  ପ୍ରଧାନ ଶିକ୍ଷକ ନରେନ୍ଦ୍ର ନାଥ ମିଶ୍ର ଓ ଶିକ୍ଷୟିତ୍ରୀ ଭାରତୀ ପଟ୍ଟନାୟକଙ୍କୁ  କମିଟି ତରଫରୁ ସମ୍ବର୍ଦ୍ଧିତ କରାଯାଇଥିଲା । ଏଥିରେ ଅଧ୍ୟାପକ ସଦାଶିବ ମଲ୍ଲିକ, ସାମ୍ବାଦିକ  ଅଖିଳ ଚନ୍ଦ୍ର ହୋତା, ଡ. ରାଧାକାନ୍ତ ମିଶ୍ର ଉପସ୍ଥିତ ରହି  କମିଟିର ସଭ୍ୟ ଓ ଛାତ୍ରୀ ମାନଙ୍କୁ ଉତ୍ସାହିତ କରିଥିଲେ । ବରିଷ୍ଠ ସଭ୍ୟ ଗୋପଭୂଷଣ ନାଥ ସ୍ୱାଗତ ଅଭିଭାଷଣ ପ୍ରଦାନ କରିଥିବା ବେଳେ ବିମଳ ଚନ୍ଦ୍ର ଚୋପଦାର ଧନ୍ୟବାଦ ଅର୍ପଣ କରିଥିଲେ ।  

ସଭା ପରିଚାଳନାରେ ସଭ୍ୟ ଗଜେନ୍ଦ୍ର ଭ୍ରମର, ପୀତବାସ ପଣ୍ଡା, କସ୍ତୁରୀ ରଥ,  ଜୟରାମ ମିଶ୍ର, ଧର୍ମବ୍ରତ ରଥ, ରଘୁ ନନ୍ଦନ ସିଂହ, ଦିବାକର ହୋତା, ସରୋଜ ଚୋପଦାର, ସଲିମ୍ ଖାନ, ପର୍ଶୁରାମ ନାୟକ, ସୁବାଷ ଶତପଥୀ, ବାଦଲ ମହାକୁର, ଗୋବିନ୍ଦ ମିଶ୍ର, ହରେକୃଷ୍ଣ ପଟେଲ  ପ୍ରମୁଖ ଆୟୋଜନରେ ସହାୟତା କରିଥିଲେ ।