05-Sep-2023

ବରଗଡ:-ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ଅଧିନସ୍ଥ ପାଇକମାଲ ବ୍ଲକ ଅନ୍ତର୍ଗତ ଟେମରୀ ଗ୍ରାମ ପଞ୍ଚାୟତର ଶତାଧିକ ଭତ୍ତା ପାଉଥିବା ହିତାଧିକାରୀ ମାନେ ପହଞ୍ଚି ଏକ ଶୋଭାଯାତ୍ରା ଧର୍ମଶାଳାରୁ ବାହାରି ବ୍ଲକ କାର୍ଯ୍ୟଳୟ ଆଗରଜ ପହଞ୍ଚିଥିଲେ।ଟେମରୀ ଗ୍ରାମ ପଞ୍ଚାୟତର ବୃଦ୍ଧ ବୃଦ୍ଧା ,ବିଧବା,ସ୍ବାମୀ ପରିତକ୍ତା , ଦିବ୍ୟାଙ୍ଗ ଭତ୍ତା ପାଉଥିବା ହିତାଧିକାରୀ ମାନେ ଏକତ୍ରିତ ହୋଇ ଥିଲେ।ଏକ ନିଆରା ପରମ୍ପରା ଶୋଭାଯାତ୍ରା ରେ ପହଞ୍ଚି ରାଜ୍ୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉଦ୍ଦେଶ୍ୟରେ ପାଇକମାଲ ବିଡ଼ିଓ ସୁରେନ୍ଦ୍ର ନାଥ ସାହୁଙ୍କୁ ୫ ଦଫା ସମ୍ବଳିତ ଦାବୀ ପତ୍ର ସରପଞ୍ଚ ଦିଲୀପ କୁମାର ବେହେରା ପ୍ରଦାନ କରିଛନ୍ତି। (୧) ଆଜିର ଏ ମହଙ୍ଗା ମାଡ଼, ଦରଦାମ ବୃଦ୍ଧି ଦିନରେ ୫ରୁ୬ ଶହ ପାଉଥିବା ମାସିକ ଭତ୍ତାକୁ ୩ହଜାର ଟଙ୍କା କୁ ବୃଦ୍ଧି କରାଯିବା(୨) ବିଧବା ଭତ୍ତା ପାଇଥିବା ସମସ୍ତଙ୍କୁ ଅନ୍ତୋଦୟ ଅନ୍ନ ଯୋଜନାରେ ସାମିଲ(୩) ଛତା, କମ୍ବଳ,ଚପଳ ର ଦରଦାମ ବୃଦ୍ଧି ଅନୁଯାୟୀ ଏହାର ଅର୍ଥରାଶି ବୃଦ୍ଧି(୪)ସମସ୍ତ ଭତ୍ତା ହିତାଧିକାରୀ ଙ୍କୁ ହାତକୁ ହାତ ଭତ୍ତା ପ୍ରଦାନ।(୫) ଆବାସ ଯୋଜନାରେ ବଞ୍ଚିତ ଥିବା ହିତାଧିକାରୀଙ୍କୁ ସାମିଲ କରାଯାଇ ଯୁଦ୍ଧ କାଳୀନ ଭିତ୍ତିରେ ଘର ଯୋଗାଇବାର ବ୍ୟବସ୍ଥା କରାଯିବାକୁ ଦାବୀ କରାଯାଇଛି।ସରପଞ୍ଚ ଶ୍ରୀ ବେହେରାଙ୍କ ନେତୃତ୍ବରେ ଅନୁଷ୍ଠିତ ଏହି କାର୍ଯ୍ୟକ୍ରମ ଓଡ଼ିଶାରେ ଏହା ହିତାଧିକାରୀ ଙ୍କ ପାଇଁ ପ୍ରଥମପ୍ରୟାସ ଅଟେ।ଜନସାଧାରଣରେ ଏହି ଦାବିକୁ ଯୁକ୍ତିଯୁକ୍ତ ବୋଲି ଗନ୍ଧମାର୍ଦ୍ଦନ ସୁରକ୍ଷା ଯୁବ ପରିଷଦ ର ଆବାହକ ଦୁର୍ଯୋଧନ ପୁଟା ଉପସ୍ଥାପନ କରି ଆଗାମୀ ଦିନରେ ସରକାର ଦାବୀପ୍ରତି ଗୁରୁତ୍ବ ନ ଦେଲେ ବ୍ୟାପକ ଜନ ଆନ୍ଦୋଳନ କରାଯିବ ବୋଲି ଚେତାବନୀ ଦେଇଛନ୍ତି। ବର୍ତ୍ତମାନ ସମୟରେ ସରକାର ବୁଢ଼ା ବୁଢ଼ୀ ବିଧବା ଦିବ୍ୟାଙ୍ଗ ମାନଙ୍କୁ ୫୦୦ରୁ ୬୦୦ଟଙ୍କା ଏହା କେତେ ଯୁକ୍ତି ଯୁକ୍ତ ତାହା ପାଇକମାଲ ବ୍ଲକ ଟେମରୀ ଗ୍ରାମ ପଞ୍ଚାୟତ ବୁଢ଼ା ବୁଢ଼ୀ ମାନଙ୍କ ଦାବିରୁ ଜଣାପଡିଛି।ନେତୃତ୍ୱ ନେଇଥିବା ସରପଞ୍ଚଙ୍କୁ ଉପସ୍ଥିତ ଥିବା ବୁଢ଼ା ବୁଢ଼ୀ ମାନେ ଯେଉଁ ଆଶୀର୍ବାଦ ପ୍ରଦାନ କରିଛନ୍ତି ହିତାଧିକାରୀଙ୍କ ମୁହଁ ରୁ ନ ଶୁଣିଲେ ବିଶ୍ବାସ ହେବନି।ସରପଞ୍ଚ ବୁଢ଼ା ବୁଢ଼ୀଙ୍କ ସହ ବିଡ଼ିଓ ଙ୍କୁ ଦାବୀ ପତ୍ର ପ୍ରଦାନ ପରେ ଶ୍ରୀଶ୍ରୀ ନୃସିଂହନାଥ ଧାମକୁ ଆନ୍ଦୋଳନ କାରୀଙ୍କୁ ନେଇ ଠାକୁର ଦର୍ଶନ କରାଇ ନୃସିଂହନାଥ ମହାପ୍ରଭୁଙ୍କ ଅନ୍ନ ଭୋଗ ପ୍ରଦାନ କରାଇଥିଲେ। ତ୍ରିନାଥ ବରିହା(୭୦)- ଙ୍କୁ ପଚାରିବାରୁ ସେ କହିଛନ୍ତି ଯେ ୫ଶହ ଟଙ୍କା ଭତ୍ତା ଅମାପାଖକୁ ଠିକ ସମୟରେ ଆସୁନାହିଁ।ବ୍ୟାଙ୍କ କୁ ଗଲେ ଆମେ ଟଙ୍କା ମଧ୍ୟ ପାଇପାରୁ ନାହୁଁ।ତେଣୁ ହିତାଧିକାରୀ ମାନଙ୍କ ଘର ମାନଙ୍କରେ ଟଙ୍କା ପ୍ରଦାନ କଲେ ଆମେ ଖୁସି ହେବୁ।

ବେଲମତି ବରିହା (୭୦)- ସରକାର ଆମକୁ ଦେଉଥିବା ୫ଶହ ଟଙ୍କା ସବୁ ଔଷଧ ଖର୍ଚ୍ଚକୁ ପୁରୁନାହି।ଆମେ ଖାଇବୁ କଣ ? ଆମେ ଦେଉଥିବା ଦାବୀ ସରକାର ପୁରଣ କଲେ ଭଲ ହୁଅନ୍ତା। ପୁନେଇ ସିଂ(୬୬)- ଆମେ ଟଙ୍କା ବଢ଼ାଇବା ପାଇଁ ସରକାରଙ୍କୁ ଦାବି ପତ୍ର ଦେଇଛୁଁ। ବର୍ତ୍ତମାନ ପାଇଥିବା ଭତ୍ତା ରେ ନା ଖାଇ ପିଇ ପାରୁଛୁ ନା ଉଷ କଷା କିଣି ପରୁଛୁ, ନା ଶାଢ଼ୀ ଖଣ୍ଡେ କିଣି ପାରୁଛୁ। ସୌକିଲାଲ ପ୍ରଧାନ (୮୦) - ଆମେ ସରପଞ୍ଚ ଖର୍ଚ୍ଚରେ ପାଇକମାଲ ବ୍ଲକକୁ ଆସି ବୁଢ଼ା ବୁଢ଼ୀ ମାନଙ୍କ ଭତ୍ତା ବଢିବା ବୋଲି କରି ଦାବି ଦେଇଛୁ, ସରକାର ଇ ଦାବୀ କେ ମାନି କରି ସବୁ ଭତ୍ତା ବାଲାକେ ୩ ହଜାର ଟଙ୍କା ଲେଖାଁ ଦେଉ ୫ ଶହ ଟଙ୍କା ଥି ଆମେ କେନ୍ତା କରି ଜିିଇଁମୁ। ସରକାର ଇଟା ବିଚାର କରୁଁ ବୋଲି ମତ ପ୍ରକାଶ ପାଇଥିଲା।