02-Sep-2023

ଧମା ତା ୦୨/୦୯, ମା ଝାଡେଶ୍ବରୀ ମହାବିଦ୍ୟାଳୟରେ ଆଜି ସ୍ୱଭାବ କବି ଗଙ୍ଗାଧର ମେହେରଙ୍କ ୧୬୨ତମ ଜୟନ୍ତୀ ଉତ୍ସବ ପାଳିତ ହୋଇଯାଇଛି। ମହାବିଦ୍ୟାଳୟର ଯୁକ୍ତ ଦୁଇ ସ୍ରୋତର ଅଧ୍ୟକ୍ଷ ଅଶୋକ କୁମାର ପୁରୋହିତଙ୍କ ସଭାପତିତ୍ୱରେ ଆୟୋଜିତ ଏହି ସଭାରେ ମୁଖ୍ୟବକ୍ତା ଭାବରେ ଯୋଗଦେଇ ଡ. ଶ୍ୟାମ ସୁନ୍ଦର ଧର କହିଥିଲେ ଯେ,କବିଙ୍କ ପ୍ରତିଭା ବିଚାରରେ ତାଙ୍କ ମାତ୍ର କେତେକ କାବ୍ୟକୁ ନେଇ ସମାଲୋଚକମାନେ ବିଶ୍ଳେଷଣ କରୁଛନ୍ତି କିନ୍ତୁ ତାଙ୍କ କ୍ଷୁଦ୍ର କବିତା ଗୁଡିରେ ଯେଉଁ ଗଭୀର ଦର୍ଶନ ରହିଛି ତାହା ଅନେକ ସ୍ଥଳରେ ଲୋକ ଲୋଚନକୁ ଆସି ପାରୁନାହିଁ। ସେ କେବଳ କବିଙ୍କ  'ଅର୍ଘ୍ୟଥାଳୀ' ସଂକଳନର କବିତା ଗୁଡିକୁ ସାତ ଭାଗରେ ବିଭକ୍ତ କରି ଏହାର ସଦୃଷ୍ଠାନ୍ତ ଆଲୋଚନା କରିଥିଲେ।ଓଡିଆ ଅଧ୍ୟାପକ ବଳଦେବ ମହାକୁର ସ୍ୱଭାବ କବିଙ୍କ କାବ୍ୟାଦର୍ଶ ଉପରେ ଆଲୋଚନା କରିଥିବା ବେଳେ  ଅଧ୍ୟାପିକା ଗାୟତ୍ରୀ ଆଚାରୀ ତପସ୍ୱିନୀ କାବ୍ୟରେ ସୀତା ଚରିତ୍ର ଉପରେ ତାଙ୍କ ବକ୍ତବ୍ୟ ରଖିଥିଲେ। ସଭା ପୂର୍ବରୁ ଅଧ୍ୟାପକ ପଣ୍ଡିତ ବ୍ୟାସଦେବ ପଣ୍ଡା ବେଦମନ୍ତ୍ର ପାଠ କରିଥିବା ବେଳେ ଅଧ୍ୟାପିକା ସୁଦିପ୍ତା ଦାଶ ଓ ମୌସୁମୀ ଷଢଙ୍ଗୀଙ୍କ ସଂଯୋଜନାରେ ତ୍ରିଷ୍ନା ସୁନା,ବର୍ଷାରାଣୀ ସାହୁ,ହରିପ୍ରିୟା ପୋଢ,ତିବେଣୀ ପୋଢ ପ୍ରମୁଖ  ଛାତ୍ରୀମାନେ ପ୍ରାରମ୍ଭିକ ସଙ୍ଗୀତ ପରିବେଷଣ କରିଥିଲେ ଏହି ଅବସରରେ ଛାତ୍ରଛାତ୍ରୀଙ୍କ  ମଧ୍ଯରେ ଗଙ୍ଗାଧର କବିତା ଆବୃତି ପ୍ରତିଯୋଗିତା ଆୟୋଜିତ ହୋଇଥିଲା ଏଥିରେ ରେବତୀ ପଣ୍ଡା, ଶ୍ୟାମ ମେହେର, ବର୍ଷାରାଣୀ ସାହୁ ଯଥାକ୍ରମେ ପ୍ରଥମ, ଦ୍ୱିତୀୟ ଓ ତୃତୀୟ ସ୍ଥାନ ଅଧିକାର କରି ଅତିଥିଙ୍କ ଦ୍ୱାରା  ପୁରସ୍କୃତ ହୋଇଥିଲେ। ଅଧ୍ୟାପକ ରବିନ୍ଦ୍ରନାରାୟଣ ଠାକୁର ପ୍ରତିଯୋଗିତା ଓ ପୁରସ୍କାର ବିତରଣୀ କାର୍ଯ୍ଯକ୍ରମକୁ ସଂଯୋଜନା କରିଥିଲେ।ଶେଷରେ ଯୁକ୍ତ ତିନ ସ୍ରୋତର ଅଧ୍ୟକ୍ଷ ଅନିଲ ପ୍ରଧାନ ଧନ୍ୟବାଦ ଅର୍ପଣ କରିଥିଲେ। ସଭାରେ ଅନୁଷ୍ଠାନର ଛାତ୍ରଛାତ୍ରୀ ଅଧ୍ୟାପକ ଅଧ୍ୟାପିକାଙ୍କ ସମେତ ପୂର୍ବତନ ପରିଚାଳନା ସମିତିର ସଭାପତି ଦିଲୀପ କୁମାର ମହାପାତ୍ର,ଉପସଭାପତି ପରମାନନ୍ଦ ସିଟ,ସଦସ୍ୟ ତ୍ରିବିକ୍ରମ ମିର୍ଦ୍ଧା,ହରିବୋଲ ସେଠ,ନରେଶ ସେଠ ପୂର୍ବତନ ସଂପାଦକ ରବିନ୍ଦ୍ର ପୃଷ୍ଟି ପ୍ରମୁଖ ଉପସ୍ଥିତ ଥିଲେ।ସଞୟ ସାହୁ,ଦିପ୍ତୀରେଖା ପଣ୍ଡା,ସୁଶ୍ରୀତ  ଷଢଙ୍ଗୀ,ସଂଗ୍ରାମ କେଶରୀ ମିଶ୍ର,ରବିଶଙ୍କର ହୋତା ପ୍ରମୁଖ ଅଧ୍ୟାପକ କର୍ମଚାରୀ  କାର୍ଯକ୍ରମରେ ସହଯୋଗ କରିଥିଲେ।
ସମ୍ବଲପୁର ରୁ ସଂଜୀବପାଣିଗ୍ରାହୀ ସାମ୍ବାଦିକ