02-Sep-2023

ବୀରମହାରାଜପୁର,(ବିନୋଦ ପାଣ୍ଡେ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଥାନା ଅନ୍ତର୍ଗତ ମୁର୍ଷୁଣ୍ଢି ପଞ୍ଚାୟତ ଅନ୍ତର୍ଗତ କର୍ଡାପାଲ ଗ୍ରାମରେ ଗାଧୋଇବାକୁ ଯାଇଥିବା ବେଳେ ପୋଖରୀ ରେ ବୁଡି ଜଣକ ଙ୍କ ମୃତ୍ୟୁ ହୋଇଥିବା ‌ବେଳେ ଆଉ ଜଣେ ଗୁରୁତର ହୋଇଛନ୍ତି।ମୃତ ବ୍ୟକ୍ତି ଜଣକ ହେଲେ ସମ୍ବଲପୁର ଜିଲ୍ଲା ଚାରମାଳ ଥାନା ଅନ୍ତର୍ଗତ ଭରତାପୁର ଗ୍ରାମ ପଞ୍ଚାୟତ ର ବିଶ୍ଵନାଥପୁର ଗ୍ରାମର ଉଦ୍ଧବ ପଧାନ(୮୦) ବୋଲି ଜଣା ପଡିଛି l ମିଳିଥିବା ସୂଚନା ମତେ ମୃତକ ଉଦ୍ଧବ ଓ ତାଙ୍କ ସ୍ତ୍ରୀ ମାଳତୀ ପଧାନ ଗୁରୁବାର ଦିନ କର୍ଡାପାଲ ଗ୍ରାମ କୁ ଆସିଥିଲେ। କର୍ଡାପାଲ ଗ୍ରାମ ର ତାଙ୍କ ଜ୍ବାଇଁ ବାଇଧର ବିଶ୍ବାଳ କିଡନୀ ରୋଗରେ ଆକ୍ରାନ୍ତ ହୋଇ ଏବେ ବୌଦ୍ଧ ରେ ଡ଼ାଇଲୋଷିସ ହେଉଛନ୍ତି l ତାଙ୍କୁ ଦେଖିବାକୁ ଉଭୟ ସ୍ବାମୀ ଓ ସ୍ତ୍ରୀ ଆସିଥିଲେ l ଉଭୟ ସ୍ବାମୀ ସ୍ତ୍ରୀ ମଧ୍ୟାହ୍ନ ରେ ଗ୍ରାମର ପାନଖିଆ ବନ୍ଧ କୁ ଗାଧୋଇବାକୁ ଯାଇଥିଲେ l ଗାଧୋଇବା ବେଳେ ସ୍ବାମୀ ଉଦ୍ଧବ ଙ୍କ ଗୋଡ ଖସି ଯିବାରୁ ସେ ପାଣିରେ ବୁଡି ଯାଇଥିଲେ l ତାଙ୍କୁ ଉଦ୍ଧାର କରିବାକୁ ଯାଇ ତାଙ୍କ ସ୍ତ୍ରୀ ମାଳତୀ ମଧ୍ୟ ଗୁରୁତର ହୋଇପଡ଼ିଥିଲେ l ଖବର ପାଇ ବୀରମହାରାଜପୁର ବ୍ଲକ୍ ଉପାଧ୍ୟକ୍ଷ ନାରାୟଣ ଲୁହା ଅଗ୍ନିଶମ ବାହିନୀ କୁ ଖବର ଦେଇ ଘଟଣା ସ୍ଥଳରେ ପହଞ୍ଚି ଥିଲେ l  ଉଭୟଙ୍କୁ ଉଦ୍ଧାର କରି ବୀରମହାରାଜପୁର ଡାକ୍ତରଖାନାରେ ଭର୍ତ୍ତି କରାଯାଇଥିଲା l ଡାକ୍ତର ଉଦ୍ଧବ ଙ୍କୁ ମୃତ ଘୋଷଣା କରିଥିଲେ l ଖବର ଲେଖାଯିବା ପର୍ଯ୍ୟନ୍ତ ମୃତକଙ୍କ ସ୍ତ୍ରୀ ର ସ୍ବାସ୍ଥ୍ୟାବସ୍ଥା ଠିକ୍ ଥିବା ଜଣାପଡିଛି l ପୋଲିସ ମୃତଦେହ ଜବତ କରି ଶବ ବ୍ୟବଚ୍ଛେଦ ପରେ  ପରିବାର ବର୍ଗଙ୍କୁ ହସ୍ତାନ୍ତର କରିଛି l ଏନେଇ ବୀରମହାରାଜପୁର ଥାନାରେ କେସ ନଂ ୧୭/୨୩ ରେ ଏକ ଅପମୃତ୍ୟୁ ମାମଲା ରୁଜୁ ହୋଇଥିବା ଥାନା ଅଧିକାରିଣୀ ରଜେଶ୍ୱରୀ ଭୋଇ ପ୍ରକାଶ କରିଛନ୍ତି l