31-Aug-2023

ଆଗଲପୁର, (ବିନୋଦ କୁମାର ଦୀପ)  ଅଜି ଆଗଲପୁର ବ୍ଲକ ର  ଆଗଲପୁର ଦୂର୍ଗମଣ୍ଡପ ଠାରେ ସ୍ଵଭାବ କବି ଗଙ୍ଗାଧର ମେହେରଙ୍କ ଙ୍କ ଜୟନ୍ତୀ ପାଳିତ ହୋଇଥିଲା l ସର୍ବ ପ୍ରଥମେ ପ୍ରାରମ୍ଭିକ ସଙ୍ଗୀତ ଯଥା ବିଶ୍ଵ ଦେଖ ମଧୁମୟରେ ଜୀବନ ସଙ୍ଗୀତ ଗାନ କରାଯାଇ ଗଙ୍ଗାଧର ଙ୍କ ଫଟୋ ଚିତ୍ରରେ ମାଲ୍ୟାର୍ପଣ ଓ ଦୀପ ପ୍ରଜ୍ବଳନ କରି ସଭା କାର୍ଯ ଆରମ୍ଭ କରଯାଇଥିଲା l ଏହି ଅବସରରେ ସମାଜର ସଭାପତି ଶ୍ରୀ ଗଙ୍ଗାଧର ମେହେର ଙ୍କ ସଭାପତିତ୍ୱରେ ସଭା ଅନୁଷ୍ଠିତ ହୋଇଥିଲା। ଏହି ପ୍ରାରମ୍ଭିକ ସଙ୍ଗୀତକୁ ନୋଡାଲ ସ୍କୁଲ୍ ର ଛାତ୍ରୀ ମାନେ ଅତି ସୁନ୍ଦର ଭାବରେ ପରିବେଷଣ କରିଥିଲେ l ଏହି ସଭାରେ ମୁଖ୍ୟଅତିଥି ଭାବେ ଲୋଇସିଂହା ବିଧାୟକ  ଡ. ମୁକେଶ ମହାଲିଙ୍ଗ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ବ୍ଲକ ଅଧ୍ୟକ୍ଷା ଶ୍ରୀମତୀ ଗୀତାଞ୍ଜଳି ଦାସ , ମୁଖ୍ୟବକ୍ତା ଭାବରେ ସରସ୍ଵତୀ ନନ୍ଦ, ଓ ପ୍ରଭାତୀ ନନ୍ଦ ଯୋଗ ଦେଇଥିଲେ।ବଲାଙ୍ଗୀର ଜିଲ୍ଲା ର ଭୂଳିଆ ସମାଜ ର ସଭାପତି ହରେକୃଷ୍ଣ ମେହେର ମଞ୍ଚଷିନ ଅତିଥି ଭାବେ ଯୋଗଦେଇ ଥିଲେ l ଆଗଲପୁର ମେହେର ତଥା ଭୂଲିଆ ସମାଜ ର ସଂପାଦକ ପ୍ରଦୀପ ମେହେର ମଞ୍ଚ ପରି ଚାଳନା କରି ଥିଲେ l ସମସ୍ତ ଅତିଥି ମାନଙ୍କୁ ଫୁଲତୋଡ଼ା ଓ ଉତ୍ତରୀୟ ଦେଇ କମିଟି ତଥା ଭୁଲିଆ ସମାଜ ର ଭାଇ ମାନେ ସମ୍ମାନିତ କରିଥିଲେ l ସମସ୍ତ ଅତିଥି ମାନେ ଗଙ୍ଗାଧର ଙ୍କ ଜୀବନୀ,ତାଙ୍କ ରଚିତ କାବ୍ୟ,କବିତା ଉପରେ ଆଲୋକପାତ କରିଥିଲେ l ସର୍ବ ପ୍ରଥମେ ଆଜି ସକାଳେ ସ୍ଵଭାବ କବି ଗଙ୍ଗାଧର ମେହେର ଙ୍କ ଜୟନ୍ତୀ ଅବସରରେ ଏକ ଶୋଭାଯାତ୍ରା ଆଗଲପୁର ଅଞ୍ଚଳ ପରିଭ୍ରମଣ କରିଥିଲା l ଗଙ୍ଗାଧର ମେହେର ଅମର ରହେ ଧ୍ବନିରେ ଅଞ୍ଚଳ ପ୍ରକମ୍ପିତ ହୋଇଥିବାର ଦେଖିବାକୁ ମିଳିଥିଲା l ସଭାକାର୍ଯ୍ୟ ସମୟରେ ରଙ୍ଗା ରଙ୍ଗ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ସଭା ଶେଷରେ ସଭାପତି ସମସ୍ତ ଅତିଥିଙ୍କୁ ନିଜର ବହୁମୂଲ୍ୟ ସମୟ ଦେଇ ସଭାକୁ ସାଫଲ୍ୟ ମଣ୍ଡିତ କରିଥିବାରୁ ଧନ୍ୟବାଦ ଦେଇଥିଲେ। ଶେଷରେ ମୁଖ୍ୟବକ୍ତା ଙ୍କ ଦ୍ଵାରା ଲେଖା ହୋଇଥିବା କିଛି ପୁସ୍ତକ ଅତିଥି ମାନଙ୍କ ଦ୍ଵାରା ଉନ୍ମୋଚନ କରା ଯାଇଥିଲା l ଏହି କାର୍ଯ୍ୟକ୍ରମରେ ହଜାର ହଜାର ସଂଖ୍ୟାରେ ଲୋକେ ରୁଣ୍ଡ ହୋଇ କାର୍ଯ୍ୟକ୍ରମ କୁ ବେଶ୍ ଆନନ୍ଦରେ ଉପଭୋଗ କରିଥିଲେ l