16-Aug-2023

ବଲାଙ୍ଗୀର(ପ୍ରେରଣା ଖବର ): ଗତ ସ୍ୱାଧୀନତା ଦିବସ ଅବସରରେ ବିଙ୍ଗ ହ୍ୟୁମାନ ଫାଉଣ୍ଡେସନ ତରଫରୁ  ପୁଇଁତଲା ବ୍ଲକ ସାତମାଇଲ ଛକ ଠାରେ ସେବାଶ୍ରମ ପାଇଁ ଭୂମି ପୂଜନ କାର୍ଯ୍ୟକ୍ରମ ଧୂମଧାମ ରେ ଅନୁଷ୍ଠିତ ହୋଇଯାଇଛି lସଂଗଠନର ପ୍ରତିଷ୍ଠାତା ସୋମନାଥ ମିଶ୍ର ଙ୍କ ସଂଯୋଜନା ରେ ଆୟୋଜିତ କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବରେ ପୁଇଁତଲା ବ୍ଲକ ଅଧକ୍ଷ ସରୋଜ ପଧାନ, ଅନୁଷ୍ଠାନର ଉପଦେଷ୍ଟା ବହଳପଦର ପଂଚାୟତ ର ସରପଞ୍ଚ ଅଦ୍ୱେତ କଣ୍ଣ,ସମିତି ସଭ୍ୟ ଶ୍ରୀପତି ବାଗ, ଅଙ୍କରିଆପଦର ସରପଞ୍ଚ ବିବେକାନନ୍ଦ ଖମାରି,ଲୋଟସ

ଷଡ଼ଙ୍ଗୀ, ଭଗବାନ ମିଶ୍ର, ଅମରେଶ ଖେତୀ,ବିଜୟ ବଗର୍ତି ପ୍ରମୁଖ ଉପସ୍ଥିତ ଥିବା ବେଳେ ଅନୁଷ୍ଠାନ ଶତାଧିକ ସଦସ୍ୟ ସଦସ୍ୟା ଉପସ୍ଥିତ ଥିଲେ...ପ୍ରକାଶ ଥାଉ କି ବିଙ୍ଗ ହ୍ୟୁମାନ ଫାଉଣ୍ଡେସନ ଦୀର୍ଘ ବର୍ଷ ଧରି ଅସହାୟ ଅବହେଳିତ ଲୋକଙ୍କ ପାଇଁ ସେବା ସମର୍ପଣ ପାଇଁ କେବଳ ବଲାଙ୍ଗୀର ଜିଲ୍ଲା ରେ ନୁହଁ ରାଜ୍ୟ ର ଅନ୍ୟତମ ପ୍ରମୁଖ ସଂଗଠନ ଭାବରେ କାର୍ଯ୍ୟ କରିଆସୁଛି lବିଭିନ୍ନ ଅଂଚଳ ରେ ସଂଗଠନ ର ଶାଖା ର ବହୁ ଯୁବକ ଯୁବତୀ ସେବା କାର୍ଯ୍ୟ  ଅନବରତ ଭାବରେ କରିଆସୁଛନ୍ତି l ସେବାଶ୍ରମ ସଂଗଠନ ର ସ୍ୱପ୍ନ ଥିଲା ଯାହା ଖୁବ ଶୀଘ୍ର ପୂରଣ ହୋଇ ଅସହାୟ ମୁହଁ ରେ ହସ ଫୁଟାଇବ ବୋଲି ଅନୁଷ୍ଠାନ ତରଫରୁ କୁହାଯାଇଛି...ଏହି ସେବାଶ୍ରମ ଅନୁଷ୍ଠାନ ର ପୁରୋଧା ସ୍ବର୍ଗତ ଲଳିତ ନାୟକ ଏବଂ ଉପଦେଷ୍ଟା ରାମ ପଧାନ ଙ୍କ ସୃତି ରେ କରାଯିବ ବୋଲି ସମସ୍ତେ ମତପ୍ରକାଶ କରିଥିଲେ l