13-Aug-2023

ନୂଆପଡ଼ା(ବିଶି ଚନ୍ଦନ ମାଝୀ): ନୂତନ ତଥା ନିରନ୍ତର  ରକ୍ତଦାତା ସୃଷ୍ଟି, ରକ୍ତଦାନ ପ୍ରତି ସଚେତନତା ଜାଗ୍ରତ କରାଇବା ଓ ରକ୍ତଭାବ ଦୂରୀକରଣ ଉଦ୍ଧେଶ୍ୟରେ ବିପଦର ବନ୍ଧୁ ଓଡିଶା ଆନୁକୂଲ୍ୟରେ ଜିଲ୍ଲା ମୁଖ୍ୟ ଚିକିତ୍ସାଳୟ, ନୂଆପଡାଠାରେ ଆୟୋଜିତ ହୋଇଥିଲା ଏକ ରକ୍ତଦାନ ଶିବିର। ଏହି ଶିବିରରେ ଷ୍ଟୁଡେଣ୍ଟସ୍ ରକ୍ତଦାତା ମହାସଂଘ ପ୍ରମୁଖ ସହଯୋଗ

କରିଥିଲେ। ଉକ୍ତ ରକ୍ତଦାନ ଶିବିରରେ ସର୍ବମୋଟ ୨୫ ଜଣ ସ୍ବେଚ୍ଛାକୃତ ରକ୍ତଦାତା ରକ୍ତଦାନ କରିଥିଲେ। କାର୍ଯ୍ୟକ୍ରମରେ ବିପଦର ବନ୍ଧୁ ଓଡିଶା ସଙ୍ଗଠନର ସକ୍ରିୟ ସଦସ୍ୟ ରାଜେଶ୍ୱର ଦର୍ଜି, ସଞ୍ଜୟ ଦର୍ଜି, ରେବତୀ ନାୟକ, ତୋଷନ ବାଗ, କେଶବ କୁମାର ମିଶ୍ର ଏବଂ ଷ୍ଟୁଡେଣ୍ଟସ୍ ରକ୍ତଦାତା ମହାସଂଘର ସଦସ୍ୟ ପବିତ୍ର ମହାନନ୍ଦ, ହର୍ଷବର୍ଧନ ବାଗ, ପ୍ରତିଭା ପଟେଲ, ଲକ୍ଷ୍ମୀ ଗହୀର, ବିଶ୍ୱଜିତ ରଣା, ମନୋଜ କୁମାର ସାହୁ ଆଦି ପରିଚାଳନା କରିଥିଲେ। ଉକ୍ତ ଶିବିରରେ ନୂଆପଡା ରକ୍ତଭଣ୍ଡାର ସଦସ୍ୟ ରକ୍ତ ସଂଗ୍ରହ କରିଥିଲେ।