11-Aug-2023

ବଲାଙ୍ଗୀର,(ପ୍ରେରଣା ଖବର)-ବଲାଙ୍ଗୀର ଜିଲ୍ଲା ଦେଓଗାଁ ବ୍ଲକର ଜରାସିଂହା ପେକ୍ସର ପରିଚାଳନା ବୋର୍ଡ ନିର୍ବାଚନ ଅନୁଷ୍ଠିତ ହୋଇଯାଇଛି । ବିଡିସିସି ବ୍ୟାଙ୍କର ପୂର୍ବତନ ସଭାପତି ତଥା ସମବାୟବିଦ ଲକ୍ଷ୍ମଣକୁମାର ମେହେର ଜରାସିଂହା ପେକ୍ସର ସଭାପତି ଭାବରେ ଆଜି ନିଦ୍ଦ୍ୱର୍ନ୍ଦରେ ନିର୍ବାଚିତ ହୋଇଛନ୍ତି । ଶ୍ରୀ ମେହେର ଏକମାତ୍ର ସଭାପତି ପ୍ରାର୍ଥି ଭାବରେ ନାମାଙ୍କନ ପତ୍ର ଦାଖଲ କରିଥିଲେ । ପ୍ରକାଶ୍ୟ ଯେ,ଜରାସିଂହା ପେକ୍ସ ହେଉଛି ଦେଓଗାଁ ବ୍ଲକର ଏକ ଗୁରୁତ୍ୱପୂର୍ଣ୍ଣ ପେକ୍ସ ରହିଆସିଛି । ଏହି ପେକ୍ସରେ ଜରାସିଂହା,ସାଲେପାଲି ଓ ଉଡାର ଗ୍ରାମପଞ୍ଚାୟତର ଶହଶହ ସଂଖ୍ୟାରେ ଚାଷିମାନେ ସଭ୍ୟ ରହିଛନ୍ତି । ଗତବର୍ଷ ବଲାଙ୍ଗୀର ସମବାୟ ଉପନିର୍ଦ୍ଦେଶକଙ୍କ ଅଧିନରେ ଥିବା ଜରାସିଂହା ବ୍ୟତିତ ବଲାଙ୍ଗୀର ଜିଲ୍ଲା ଓ ସୋନପୁର ଜିଲ୍ଲାର ସମସ୍ତ ପେକ୍ସରେ ନିର୍ବାଚନ ହୋଇଥିଲା । ସେତେବେଳେ ଜରାସିଂହା ପେକ୍ସର ନିର୍ବାଚନକୁ କୌଣସି କାରଣରୁ ବନ୍ଦ କରିଦିଆଯାଇଥିଲା । ଏବେ ସେହି ପେକ୍ସର ନିର୍ବାଚନ ହୋଇଛି ଓ ଶ୍ରୀ ମେହେର ଏଥିରେ ନିଦ୍ୱର୍ନ୍ଦରେ ନିର୍ବାଚିତ ହୋଇଛନ୍ତି । ଶ୍ରୀ ମେହେର ପୂର୍ବରୁ ବିଡିସିସି ବ୍ୟାଙ୍କର ୩ଥର ସଭାପତି,ଦେଓଗାଁ ବ୍ଲକର ୨ଥର ଅଧ୍ୟକ୍ଷ,ଜିଲ୍ଲାପରିଷଦ ସଭ୍ୟ ରହିଆସିଥିଲେ । ଏହା ସହିତ ରାଜ୍ୟସମବାୟ ବ୍ୟାଙ୍କର ନିର୍ଦ୍ଦେଶକ,ବୟନୀକାର ମଧ୍ୟ ନିର୍ଦ୍ଦେଶକ ରହିଥିଲେ । ବଲାଙ୍ଗୀର ବିଧାନସଭା କ୍ଷେତ୍ରରେ ୨୦୦୯ରେ ଥରେ ବିଧାୟକ ପ୍ରାର୍ଥି ମଧ୍ୟ ହୋଇଥିଲେ । ସେ ବଲାଙ୍ଗୀର କେନ୍ଦ୍ରସମବାୟ ବ୍ୟାଙ୍କର ନିର୍ଦ୍ଦେଶକ ମଧ୍ୟ ଏବେ ରହିଛନ୍ତି ।