11-Aug-2023

ବଲାଙ୍ଗୀର,-ବଲାଙ୍ଗୀର ଜିଲ୍ଲାର ଟିଟିଲାଗଡ ବ୍ଲକ ଚାନ୍ଦୋତରାର ମୂଳନୀବାସୀ ତଥା ବଲାଙ୍ଗୀର ସହରର ପେଲେସଲାଇନରେ ରହୁଥିବା ପୂର୍ବତନ ବାୟୁସେନା କର୍ମଚାରୀ ଶଶିିକାନ୍ତ ନାୟକଙ୍କ ୭୯ବର୍ଷ ବୟସରେ ପରଲୋକ ହୋଇଯାଇଛି । ସ୍ୱାସ୍ଥ୍ୟଜନିତ କାରଣରୁ ସେ କିଛିଦିନ ହେଲା ଭୁବନେଶ୍ୱରର ଏକ ଘରୋଇ ହସପିଟାଲରେ ଚିକିତ୍ସାଧିନ ଥିବା ବେଳେ ଶୁକ୍ରବାର ଦିନ ପରଲୋକ ହୋଇଯାଇଛି । ଆଜି ତାଙ୍କ ମରଶରୀରର ବଲାଙ୍ଗୀର ଅଣାଯାଇ ତାଙ୍କ ଘରେ ଶେଷଦର୍ଶନ ପାଇଁ ରଖାଯାଇଥିଲା । ଏହି ଖବର ପ୍ରଚାରିତ ହେବାପରେ ବଲାଙ୍ଗୀର ସହରର ବିଭିନ୍ନ ସଂଗଠନର ସଦସ୍ୟମାନେ ତାଙ୍କର ଶେଷଦର୍ଶନ କରିଥିଲେ ଓ ପରେ ଟିଟିଲାଗଡ ରୋଡରେ ଥିବା ସ୍ମଶାନରେ ତାଙ୍କର ଶେଷକୃତ୍ୟ ସମ୍ପନ୍ନ ହୋଇଥିଲା । ସ୍ୱର୍ଗତ ନାୟକ ଭାରତୀୟ ବାୟୁସେନାରେ ତାଙ୍କ ଚାକିରୀଜୀବନ ସାରି ପରେ ବଡମାଳ ଗୋଲାବାରୁଦ କାରଖାନାରେ ମଧ୍ୟ ଚାକିରି କରିଥିଲେ । ସେଠାରୁ ଅବସର ନେଇ ବଲାଙ୍ଗୀର ଜିଲ୍ଲା ପୂର୍ବତନ ସୈନିକସଂଘର ସଭାପତି ଦାୟିତ୍ୱନେଇ ବିଭିନ୍ନ ସାମାଜିକ ସଂଗଠନମାନଙ୍କ ସହିତ ମିଶି ସାମାଜସେବାରେ ରହିଥିଲେ । ଆଜି ତାଙ୍କ ବିୟୋଗରେ ବଲାଙ୍ଗୀରରେ ଶୋକର ଛାୟା ଖେଳିଯାଇଛି । ବଲାଙ୍ଗୀର ଜିଲ୍ଲା ପୂର୍ବ ସୈନିକସଂଘର କର୍ମକର୍ତ୍ତା ଓ ଅନ୍ୟାନ୍ୟ ସଂଗଠନର କର୍ମକର୍ତ୍ତାମାନେ ତାଙ୍କର ଶେଷଦର୍ଶନ କରିବା ସହ ଶବାଧାରରେ ସାମିଲ ହୋଇଥିଲେ ।