01-Aug-2023

ବରଗଡ:-ପଶ୍ଚିମ ଓଡିଶା ରେ ଏକ ଅଗଷ୍ଟ ସମ୍ବଲପୁରୀ ଦିବସ କୁ ନେଇ ବେସ ଉତ୍ସାହ ପରିଲକ୍ଷିତ ହୋଉ ଥିବା ବେଳେ ଏହି ଦିନ କୁ ଏକ ନିଆରା ଢଙ୍ଗ ରେ ପାଳନ କରିଛି ବରଗଡ଼ ର ଅଗ୍ରଣୀ ମହିଳା ସ୍ବେଛାସେବୀ ଅନୁଷ୍ଠାନ ଇନରହ୍ଵିଲ କ୍ଲବ ଅଫ ବରଗଡ଼. ଏହି ଅବସରରେ କ୍ଲବ ସଦସ୍ୟା ବରହାଗୁଡାରେ ବୁଣାକାର ବସ୍ତି କୁ ଯାଇ ସେଠାରେ ରହୁଥିବା ପ୍ରାୟ 200 ପରିବାରଙ୍କ ସହ ସମ୍ବଲପୁରୀ ଦିବସ ପାଳନ କରି ଥିବା ବେଳେ କ୍ଳବ ପକ୍ଷରୁ ଦୁଇ ମହିଳା ବୁଣାକାର ମୁକ୍ତାରାନୀ ମେହେର ଏବଂ ନାଲିନୀ ମେହେରଙ୍କୁ ସମ୍ବର୍ଦ୍ଧିତ କରିଥିଲେ। ବିଭିନ୍ନ ଗୁଣବତ୍ତା ଏବଂ ଡିଜାଇନର ମନପସନ୍ଦ ର ସମ୍ବଲପୁରୀ ଲୁଗା ବୁଣିବା ଦ୍ୱାରା ସମ୍ବଲପୁରୀ ବସ୍ତ୍ର କୁ ବିଶ୍ୱ ପ୍ରସିଦ୍ଧ କରିବାରେ ଏହି ବୁଣାକାରଙ୍କ ଅବଦାନକୁ ଅସ୍ୱୀକାର କରାଯାଇପାରିବ ନାହିଁ. ଏହି କଳାକୁ ଉତ୍ସାହିତ କରିବା ଏବଂ ମହିଳା ସଶକ୍ତିକରଣକୁ ପ୍ରୋତ୍ସାହିତ କରିବା ଉଦ୍ଦେଶ୍ୟରେ ଉକ୍ତ ମହିଳା ବୁଣାକାର ମାନଙ୍କୁ ସମ୍ବର୍ଦ୍ଧିତ କରା ଯାଇଛି ବୋଳି ପୂର୍ବ ଡିଷ୍ଟ୍ରିକ୍ଟ ଚେୟାରମେନ ମମତା ପୁରୋହିତ ପରିପ୍ରକାଶ କରିଥିଲେ. କ୍ଲବ ସଭାନେତ୍ରୀ ସୁମନ ଅଗ୍ରୱାଲ, ସମ୍ପାଦିକା ଅସୀମା ବୀସୋଇ, ସହ ସମ୍ପାଦିକା ରିତୁ ସାନନ, ଆଇଏସଓ ମୁସ୍କାନ ଅଗ୍ରୱାଲ, ନବେଦିତା ପୂଜାରୀ, ଜୟନ୍ତି ବେହେରା ପ୍ରମୁଖ ଏହି ଉତ୍ସବରେ ଉପସ୍ଥିତ ରହି ବୁଣାକାର ମାନଙ୍କୁ ଉତ୍ସାହିତ କରିଥିଲେ।