21-Jul-2023

 ବୌଦ୍ଧ(ପ୍ରେରଣା ଖବର ): ହରଭଙ୍ଗା ଥାନା ଅଧିକାରୀ ଏକ ଲକ୍ଷ ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାତରେ ଧରା ପଡିଛନ୍ତି ।ସେ ହେଉଛନ୍ତି ହରଭଙ୍ଗା ଥାନା ଅଧିକାରୀ ପୁଷ୍ପଲତା ରାଉତରାୟ । ଗୋଟିଏ ବାଲି ବୋଝେଇ ଗାଡ଼ିକୁ ଛାଡ଼ି ଦେବା ପାଇଁ ଲାଞ୍ଚ ନେବାବେଳେ ଭିଜିଲାନ୍ସ ହାତରେ ଧରାପଡ଼ିଛନ୍ତି ।
 ସୂଚନା ମୁତାବକ ହରଭଙ୍ଗା ର ବାଲିଘାଟ ଠିକା ନେଇଥିବା ବ୍ୟକ୍ତି ଜଣକ ହେଉଛନ୍ତି ଶରତ ବେହେରା ।କୌଣସି କାରଣ ବଶତଃ ବେହେରା ଙ୍କ ଏକ ବାଲି ବୋଝେଇ ଗାଡ଼ିକୁ ପୁଷ୍ପଲତା ରାଉତ୍ ରାୟ ଜବତ କରି ହରଭଙ୍ଗା ଥାନାରେ ଅଟକ ରଖି ଏକ ଲକ୍ଷ ଟଙ୍କା ଲାଞ୍ଚ ମାଗିଥିଲେ।
 ଶରତ ୮୦ ହଜାର ଟଙ୍କା ଦେବାରୁ ପୁଷ୍ପଲତା ଅରାଜି ପ୍ରକାଶ କରି ଆଉ ୨୦ ହଜାର ଟଙ୍କା ଦାବି କରିଥିଲେ ।ଶରତ ଉପରୋକ୍ତ ବିଷୟକୁ ନେଇ ଭିଜିଲାନ୍ସ ବିଭାଗକୁ ଜଣାଇଥିଲେ । 
 ଯୋଜନା ମୁତାବକ ଶରତ ଏକ ଲକ୍ଷ ଟଙ୍କା ନେଇ ଥାନା ଅଧିକାରୀ ପୁଷ୍ପଲତା ରାଉତରାୟ ଙ୍କୁ ଦେଇଥିଲେ ।ପୂର୍ବ ଯୋଜନା ମୁତାବକ ଭିଜିଲାନ୍ସ ରଙ୍ଗବୋଲା ଟଙ୍କା ଜବତ କରିବା ସହ ପୁଷ୍ପଲତା ଙ୍କୁ ଗିରଫ କରି ଅଧିକ ପଚରାଉଚରା କରିବା ପାଇଁ ଫୁଲବାଣୀ କୁ ନେଇଥିବା ସୂଚନାରୁ ଜଣାପଡିଛି।ଏହି ଚଢ଼ାଉ ରେ ବୌଦ୍ଧ ଏବଂ ବ୍ରହ୍ମପୁର ଭିଜିଲାନ୍ସ ମିଳିତ ଭାବେ ଚଢ଼ାଉ କରିଥିବା ଜଣାପଡିଛି ।
 ବଲାଙ୍ଗୀର ଡିପିସି ଅଫିସ ର ଜେଣ୍ଡର କୋର୍ଡିନେଟର ପୁଷ୍ପାଙ୍ଗିନି ୩୧ ହଜାର ଟଙ୍କା ଲାଞ୍ଚ ନେବାବେଳେ ଭିଜିଲାନ୍ସ ହାତରେ ଧରା ପଡ଼ିଥିବା ବେଳେ ବୌଦ୍ଧ ଜିଲ୍ଲା ହରଭଙ୍ଗା ଥାନା ଅଧିକାରୀ ପୁଷ୍ପଲତା ଏକ ଲକ୍ଷ ଟଙ୍କା ଲାଞ୍ଚ ନେଇ ଭିଜିଲାନ୍ସ ହାତରେ ଧରାପଡ଼ିଛନ୍ତି ।ପୁଷ୍ପା ଏବଂ ପୁଷ୍ପ ଦୁଇଜଣଙ୍କ ଲାଞ୍ଚଖୋର୍ ମନୋବୃତ୍ତି ନିନ୍ଦନୀୟ ।