21-Jul-2023

ବଲାଙ୍ଗୀର(ପ୍ରେରଣା ଖବର )- ଲାଞ୍ଚ ନେବା ହେଲା କାଳ ।ବଲାଙ୍ଗୀର ଡିପିସି ଅଫିସ ର ଜେଣ୍ଡର କୋର୍ଡିନେଟର ପୁଷ୍ପାଙ୍ଗିନି ଯୋଷୀ ଲାଞ୍ଚ ନେଇ ଭିଜଲାନ୍ସ ଜାଲରେ । ୩୧ ହଜାର ଟଙ୍କା ଲାଞ୍ଚ ନେବାବେଳେ ଭିଜିଲାନ୍ସ ହାତରେ ଧରାପଡିଲେ। ପୁଷ୍ପାଙ୍ଗିନି ଙ୍କ ଠାରୁ ଲାଞ୍ଚ ଟଙ୍କା ଜବତ ପୂର୍ବକ ତାଙ୍କୁ ଭିଜିଲାନ୍ସ ଗିରଫ କରିଛି।ପାଟଣାଗଡ଼ ବ୍ଲକ ସୋଲବନ୍ଧ କସ୍ତୁରବା ଗାନ୍ଧୀ ବାଳିକା ବିଦ୍ୟାଳୟ ର ପୂର୍ବତନ ପ୍ରଧାନ ଶିକ୍ଷକ ମିତ୍ରଭାନୁ ମାଝୀ ତାଙ୍କର ବକେୟା ବିଲ ଆଡଜଷ୍ଟ - ମେଣ୍ଟ ଓ ଏନ୍ଓସି ସାର୍ଟିଫିକେଟ ପାଇଁ ବଲାଙ୍ଗୀର ଡିପିସି ଅଫିସ ର ଜେଣ୍ଡର କୋର୍ଡିନେଟର ପୁଷ୍ପାଙ୍ଗୀନୀ ଙ୍କ ପାଖକୁ ଯାଇ ନିଜର ବିଲ କରିଦେବା ପାଇଁ କହିଥିଲେ ।ବିଲ କରିଦେବି କହି ପୁଷ୍ପାଙ୍ଗିନି ଦିନ ଗଡାଉଥିଲେ ।
    ପରେ ବିଲ କରିବା ପାଇଁ ପୁଷ୍ପାଙ୍ଗୀନୀ ମିତ୍ରଭାନୁ ଙ୍କୁ ୩୧ ହଜାର ଟଙ୍କା ଲାଞ୍ଚ ମାଗିଥିଲେ ।ମିତ୍ରଭାନୁ ଭିଜିଲାନ୍ସ ବିଭାଗକୁ ଏହି ବିଷୟ ଜଣାଇଥିଲେ । ଯୋଜନା ମୁତାବକ ଭିଜିଲାନ୍ସ ଅଧିକାରୀ ଛକି ରହିଥିଲେ । ପୁଷ୍ପାଙ୍ଗୀନୀ ମିତ୍ରଭାନୁ ଠାରୁ ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାତରେ ଧରା ପଡ଼ିଥିଲେ ।ଭିଜିଲାନ୍ସ ପୁଷ୍ପାଙ୍ଗୀନି ଙ୍କ ଠାରୁ ରଙ୍ଗବୋଲା ଟଙ୍କା ଜବତ କରିବା ସହ ଗିରଫ କରିଥିଲା ।