17-Jul-2023

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ ): ଆଜି ଶ୍ରାବଣ ଦ୍ଵିତୀୟ ସୋମବାର ଉପଲକ୍ଷେ ସୁବର୍ଣ୍ଣପୁର ସହର ର ତ୍ରିବେଣୀ ସଙ୍ଗମ ଶ୍ରୀ ରାମେଶ୍ୱର ଶୈବ ପୀଠ, ଇଷ୍ଠ ଦେବ ଶ୍ରୀ ସୁବର୍ଣ୍ଣମେରୁ ପୀଠ, ଓଁ କାର ନାଥ, ଶ୍ରୀ ପଶ୍ଚିମ ସୋମନାଥ, ଶ୍ରୀ ଗୋକୋନେଶ୍ୱର, ଶ୍ରୀ ଲୋକନାଥ, ଶ୍ରୀ ପଞ୍ଚରଥ ମନ୍ଦିର ପ୍ରମୁଖ ଶୈବ ପୀଠ ମାନଙ୍କ ରେ ବୋଲବମ କାଉଡ଼ିଆ ଓ ଭକ୍ତ ଙ୍କ ପ୍ରବଳ ଭିଡ଼ ଲାଗି ଥିଲା l  ତ୍ରିବେଣୀ ସଙ୍ଗମ ଶ୍ରୀ  ରାମେଶ୍ୱର ମହାନଦୀ ଘାଟ ଓ ବିଭିନ୍ନ ଘାଟ ରେ  ବୁଡ ପକାଇ ହଜାର

ହଜାର ଭକ୍ତ ସହର ର ସମସ୍ତ ଶୈବ ପୀଠ ରେ ମହାପ୍ରଭୁ ଶିବ ଙ୍କୁ ଜଳ ଲାଗି କରିଥିଲେ l  ସହର ରେ ଆଜି କାଉଡ଼ିଆ ଙ୍କ  ଶଙ୍ଖ ଧ୍ୱନି ଓ ଶିବ ନାମ ହରି  ନାମ କୀର୍ତ୍ତନ ରେ ଏକ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇ ଥିବା ବେଳେ ମନ୍ଦିର କମିଟି ମାନଙ୍କ ପକ୍ଷ ରୁ ଭକ୍ତ ଙ୍କ ପାଇଁ ମାଗଣା ପ୍ରସାଦ ସେବନ ର ବ୍ୟବସ୍ଥା କରାଯାଇଛି l ଶାନ୍ତି ଶୃଙ୍ଖଳା ପାଇଁ କମିଟି, ବିଭିନ୍ନ ଅନୁଷ୍ଠାନ ଓ ପୋଲିସ  ପ୍ରଶାସନ ପକ୍ଷ ରୁ ସମସ୍ତ ବ୍ୟବସ୍ଥା ହୋଇଛି l ଶ୍ରାବଣ ସୋମବାର ରେ ଶିବ ପାର୍ବତୀ ଙ୍କୁ ଦର୍ଶନ ଓ

ଜଳ ଲାଗି କଲେ ଅଖଣ୍ଡ ସୌଭାଗ୍ୟ ପ୍ରାପ୍ତି ହୋଇ ଥାଏ ବୋଲି ଭକ୍ତ ଙ୍କ ଦୃଢ଼ ବିଶ୍ୱାସ ରହିଛି l ଏବଂ       ଦ୍ଵିତୀୟ ସୋମବାର ରେ ଚାରିଗୋଟି ସଂଯୋଗ ଯୋଗୁଁ ପାଣି ଢ଼ାଳିଲେ ମହା ପୁଣ୍ୟ ହୋଇ ଥାଏ ବୋଲି ବିଶ୍ୱାସ ରହିଛି ଯାହାକି  ସେମାବତୀ ଅମାବାସ୍ୟା, ହରିଆଳି ଅମାବାସ୍ୟା,, ରୁଦ୍ରା ଭିଷେକ ଓ ପୁନର୍ବସୁ ନକ୍ଷତ୍ର ସଂଯୋଗ ପଡୁଥିବାରୁ ସ୍ନାନ ଓ ଦାନ କଲେ ଆଜି ଅକ୍ଷୟ ପୁଣ୍ୟ ପ୍ରାପ୍ତି ହୋଇ ଥାଏ ବୋଲି ଲୋକ ଙ୍କ ବିଶ୍ୱାସ ରହିଛି l