17-Jul-2023

ବରଗଡ଼: ଦୀର୍ଘ ଦୁଇଦିନ ଧରି ପଦ୍ମପୁର ସ୍ଥିତ ଉପ ଜିଲ୍ଲାପାଳଙ୍କ କାର୍ଯ୍ୟାଳାୟ ସମ୍ମୁଖରେ ହନୁମାନ ପୂଜା କମିଟି ତରଫରୁ ଅଞ୍ଜନି ପୁତ୍ର ହନୁମାନଙ୍କ ବିଗ୍ରହ ପ୍ରତିଷ୍ଠା ମହୋତ୍ସବ ଅନୁଷ୍ଠିତ ହୋଇଯାଇଛି। ପ୍ରଥମ ଦିବସର ଗୋଧୂଳି ବେଳାରେ ଏକଭବ୍ୟ କଳସ ଶୋଭାଯାତ୍ରା ପଦ୍ମପୁର ସହର ପରିକ୍ରମା କରିଥିଲେ।ଏହି ପ୍ରତିଷ୍ଠା ମହୋତ୍ସବ ପଣ୍ଡିତ ଆଶୁତୋଷ ପାଣିଗ୍ରାହୀଙ୍କ ପ୍ରତ୍ଯକ୍ଷ ତତ୍ତ୍ବାବଧାନରେ ରୀତିନୀତି ସହକାରେ ହୋଇଥିଲା। ଚୈତନ୍ୟ ଭୋଇ ଓ ସପତ୍ନୀ ବଲ୍ଲଭି ଭୋଇ କର୍ତ୍ତା ଭାବରେ ଯୋଗଦାନ କରିଥିଲେ।ବିଗ୍ରହ ପ୍ରତିଷ୍ଠା,  ଧ୍ବଜା ରୋହଣ , ହନୁମାନ ଚାଳିସା ପାଠ, ହୋମ, ବିଶ୍ଵଶାନ୍ତି ପାଠ ରୀତିନୀତିରେ ସମ୍ପନ୍ନ ହୋଇଥିଲା।ଏ ଅବସରରେ ପଦ୍ମପୁର କର୍ମକାଣ୍ଡିୟ ସମିତିର ସଭାପତି ପଣ୍ଡିତ କାହ୍ନୁ ଚରଣ ଦାଶ, ବ୍ରାହ୍ମଣ ସମାଜ ସଭାପତି ଜୟ ନାରାୟଣ ତ୍ରିପାଠୀ ଓ ଅବସର ପ୍ରାପ୍ତ ବିଚାରପତି ରାମଚନ୍ଦ୍ର ତ୍ରିପାଠୀଙ୍କୁ ସମର୍ଦ୍ଧନା  ଦିଆଯାଇଥିଲା। ଶୁଭ ସଂନ୍ଧ୍ୟାରେ ଦୁବଲାବାହାଲର ମାଁ ଭଗବତୀ ସଂର୍କିତନ୍ୟ ମଣ୍ତଳୀ ତରଫରୁ ଭକ୍ତି ସଙ୍ଗୀତ ପରିବେଷଣ ହୋଇଥିଲା। ଏହି ପ୍ରତିଷ୍ଠା ମହୋତ୍ସବରେ ପ୍ରଫେସର କେଶରଞ୍ଜନ ପ୍ରଧାନ, ନାଟ୍ୟକାର ଅଶୋକ ବହିଦାର, ଉପହାରସୁଇଟ୍  ର ମାଲିକ ଅଶୋକ ଦାଶ, ପ୍ରଦୀପ ପଟ୍ଟନାୟକ, ଡାକ୍ତର ପ୍ରଦୀପ କୁମାର ଦୋରା, ସୁରେଶ ରାମଚନ୍ଦାନୀ, ପ୍ରମୋଦ କୁମାର ସାହୁ,  ସହଦେବ ଦେବତା, ରାଜେଶ ଗୁର୍ଲା, ରମେଶ ଗୁର୍ଲା ସମେତ ଶତାଧିକ ଶ୍ରଦ୍ଧାଳୁ ଉପସ୍ଥିତ ହୋଇ ସମ୍ପୁର୍ଣ୍ଣ ଭାବେ ସହଯୋଗ କରିଥିଲେ।