17-Jul-2023

ବଲାଙ୍ଗିର (ପ୍ରେରଣା ଖବର ): ଗତକାଲି ବଲାଙ୍ଗିର ଜିଲ୍ଲା ପୁଇଁତଳା ବ୍ଳକ ଅନ୍ତର୍ଗତ ବିଲେଇସର୍ଡl ଗାଁ ଜଗନ୍ନାଥ ମନ୍ଦିର ପ୍ରାଙ୍ଗଣରେ ଗ୍ରାମବାସୀ, ସଚେତନ ନାଗରିକ ଓ ବୟୋଜ୍ୟେଷ୍ଠ ବ୍ୟକ୍ତି ମାନଙ୍କୁ ନେଇ ଏକ ବୈଠକ ଅନୁଷ୍ଠିତ ହୋଇଯାଇଛି l ଏଥିରେ ଆମନ୍ତ୍ରିତ ଅତିଥି ଭାବରେ ପୁଇଁତଳା ବ୍ଳକ ଅଧ୍ୟକ୍ଷ ସରୋଜ ପ୍ରଧାନ ଯୋଗ ଦେଇ ରାଜ୍ଯସରକାର ଗ୍ରାମାଞ୍ଚଳର

ବିକାଶକୁ ପ୍ରାଧାନ୍ୟ ଦେଇ ଗାଁ ର ଢାଞ୍ଚା କୁ ପରିବର୍ତ୍ତନ କରିବାର ଲକ୍ଷ୍ୟ ରେ ସଂକଳ୍ପବଦ୍ଧ ବୋଲି କହିଥିଲେ l ରାଜ୍ୟ ସରକାରଙ୍କ 'ମୋ ଓଡ଼ିଶା ନବୀନ ଓଡ଼ିଶା' ଯୋଜନାର ବିଭିନ୍ନ ଦିଗ ଓ ଏହାର କାର୍ଯ୍ୟକାରିତା ସମ୍ପର୍କରେ ଆଲୋଚନା ହୋଇଥିଲା l ପୁଇଁତଳା ବ୍ଳକ କୁ ଜିଲ୍ଲାର ଏକ ଅଗ୍ରଣୀ ବ୍ଲକ ଭାବରେ ଗଢି ତୋଳିବା

ପାଇଁ  ବ୍ଲକ ଅଧ୍ୟକ୍ଷ ଶ୍ରୀ ପ୍ରଧାନ ଜନସାଧାରଣ ଙ୍କ ସହଯୋଗ କାମନା କରିଥିଲେ ଏଥିରେ ବିଲେଇସର୍ଡl ପଞ୍ଚାୟତ ଅଧିନସ୍ଥ ଗାଁ ଗୁଡିକର ଅଧିବାସୀ ଯୋଗ ଦେଇ  ବିଭିନ୍ନ ଗଠନମୂଳକ ପ୍ରସ୍ତାବ ଦେଇଥିଲେ l