13-Jul-2023

ସୋନପୁର-ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ଅନ୍ତର୍ଗତ ମାୟାବର୍ହା ହାଇସ୍କୁଲ ରେ ବିଶ୍ୱ ଜନସଂଖ୍ୟା ଦିବସ ପାଳିତ ହୋଇଯାଇଛି । ଆୟୋଜିତ ହୋଇଥିବା ଭବ୍ୟ ସଭାରେ ସ୍କୁଲର ପ୍ରଧାନଶିକ୍ଷକ ରବିଚନ୍ଦ୍ର ପଶାୟତ ଅଧ୍ୟକ୍ଷତା କରିଥିଲେ । ବରିଷ୍ଠ ଶିକ୍ଷକ ଦିନବବନ୍ଧୁ ପ୍ରଧାନ ସ୍ୱାଗତ ଅଭିଭାଷଣ ଦେବା ସହିତ ଜନସଂଖ୍ୟା ଦିବସ ପାଳନର ଆଭିମୁଖ୍ୟ ବିଷୟରେ ମତବକ୍ତ କରିଥିଲେ । ଭାରତରେ ଜନସଂଖ୍ୟା ଦୃତଗତିରେ ବଢୁଛି । ଆଗାମି ଦିନରେ ସମସ୍ତଙ୍କ ସଂସାଧନ ପାଇଁ ପରିସ୍ଥିତି ଆହୁରି ଭୟଙ୍କର ହୋଇପାରେ । ଯୋଜନାବଦ୍ଧ ଭାବରେ ଏହାକୁ ନିୟନ୍ତ୍ରଣ କରିବାର ତ୍ୱରିତ ପଦକ୍ଷେପା ନେବାର ସମୟ ଆମ ହାତରେ ଅଛି ।

ଏହାର କାରଣ ଓ ପ୍ରତିଫଳନ ଦେଶରେ ବିକାଶରେ କେତେ ପ୍ରଭାବିତ କରୁଛି ସେ ବିଷୟରେ ମଂଚାସୀନ ଶିକ୍ଷକ, ଦଶମ ଶେଣୀ ର ଶୀତୁ ସାହୁ, ତନୁଶ୍ରୀ ଯୁଆଡି, ପ୍ରୀନସ, ନବମ ଶ୍ରେଣୀର ଲିପସା ଯୁଆଡି ଛାତ୍ରଛାତ୍ରୀ ମାନେ ନିଜସ୍ୱ ମତାମତ ପ୍ରକାଶ କରିଥିଲେ । କାର୍ଯ୍ୟକ୍ରମରେ ଶିକ୍ଷକ ନନ୍ଦି ଘୋଷ ବାରିକ, ପ୍ରହଲ୍ଲାଦ ଦାଶ , କିରଣ ପୁଟେଲ, ସ୍ନିଗଧା ପ୍ରଧାନ ଉପସ୍ଥିତ ରହି ସହ ଯୋଗ କରିଥିଲେ । ସଂଜୀବ କୁମାର ପୂଜାରୀ ଧନ୍ୟବାଦ ଅର୍ପଣ କରିଥିଲେ ।