01-Jul-2023

ବଲାଙ୍ଗିର(ପ୍ରେରଣା ଖବର) ବଲାଙ୍ଗିରର ଜୀବନରେଖା କୁହା ଯାଉଥିବା ଲୋୟର ସୁକତେଲ ଜଳ ସେଚନ ପ୍ରକଳ୍ପ ଅନେକ ସପକ୍ଷବାଦୀ ଓ ବିପକ୍ଷବାଦୀ ଆନ୍ଦୋଳନ ଘଟି ଯାଇଛି । ଏଥିପାଇଁ ବିଭିନ୍ନ ଲୋକଙ୍କୁ ବିଭିନ୍ନ ପ୍ରକାର ତ୍ୟାଗ କରିବାକୁ ପଡିଛି । କିଏ  ଭିଟାମାଟି ଛାଡିଛି ତ କିଏ ପ୍ରକଳ୍ପକୁ ସମର୍ଥନ କରି ଅତୀତରେ ଜନ ସମର୍ଥନ ହରେଇଛି । ସରକାରଙ୍କ ସହ ଲଢେଇ କରି ଗାଁଗଣ୍ଡାରେ ଲୋକମାନଙ୍କୁ ବୁଝେଇ ବିଶେଷ କରି ପ୍ରକଳ୍ପ ବିପକ୍ଷରେ ଥିବା ଗଡଶଙ୍କର ଡୁଙ୍ଗୁରିପାଲି ଓ ଖୁଣ୍ଟପାଲି ଲୋକେ ଯେତେବେଳେ ଲୋକେ ପ୍ରକଳ୍ପ ସପକ୍ଷରେ ବିସ୍ଥାପିତ ହୋଇବାକୁ ରାଜି ହୋଇଛନ୍ତି ସେତିକି ବେଳେ  ପ୍ରଶାସନ ମଧ୍ୟ ସେମାନଙ୍କ ପ୍ରତି ଉଦାର ହେବା ଦରକାର । ବିସ୍ଥାପିତ ହେବା ପାଇଁ ରାଜି ହୋଇଥିବା ଲୋକଙ୍କୁ ଜୋର ଜବରଦସ୍ତ ସେଠାରୁ ହଟେଇ  ସେମାନଙ୍କୁ ତାଙ୍କର ମୌଳିକ ଅଧିକାରରୁ ବଞ୍ଚିତ ନକରିବା ଦରକାର । ଏପରି ହେଲେ ଏହା ପ୍ରଶାସନ ଦ୍ୱାରା ମାନବ ଅଧିକାରର ଖୋଲାଖୋଲି ଉଲ୍ଲଂଘନ ହେଉଛି ବୋଲି ଧାରାଯିବ ବୋଲି ଆଜି ବୁଡି ଅଂଚଳ ଗଡଶଙ୍କର ଡୁଙ୍ଗୁରିପାଲି, ଖୁଣ୍ଟପାଲି ଅଂଚଳରୁ ଲୋକଙ୍କୁ ଜବରଦସ୍ତ ଉଠାଇବା ପାଇଁ ପ୍ରଶାସନ ପକ୍ଷରୁ ବିଜୁଳି ଓ ପାଣି ସଂଯୋଗ କାଟି ଦେଇଥିବା ପରିପେକ୍ଷୀରେ ପ୍ରେସ ବିବୃତ୍ତି ମାଧ୍ୟମରେ କ୍ଷୋଭ ପ୍ରକାଶ କରିଛନ୍ତି । ସେ ଆହୁରି କହିଛନ୍ତି ଯେ, ସେଠାରେ ସଂପୁର୍ଣ୍ଣ ବିସ୍ଥାପିତ ହେବା ପାଇଁ ଲୋକେ ଆଜି ବି ତାଙ୍କର ଉପଯୁକ୍ତ ପ୍ରାପ୍ୟ ପାଇଁ ଅପେକ୍ଷା କରିଛନ୍ତି । ଏପରିକି ପ୍ରଶାସନ ଦ୍ୱାରା ତିଆରି ହୋଇଥିବା ଅସ୍ଥାୟୀ ବିସ୍ଥାପନ କୋଲୋନୀ ଲୋକେ ରହିବୋ ପାଇଁ ପର୍ଯ୍ୟାପ୍ତ ତଥା ଉପଯୁକ୍ତ ନୁହେଁ ବୋଲି ଲୋକେ ଅଭିଯୋଗ କରୁଛନ୍ତି । ତେଣୁ ସେମାନଙ୍କୁ  ପ୍ରଶାସନ ଧମକ ଚମକ ଦେଇ ନିଜ ଅଂଚଳରୁ ହଟେଇବା  ସ୍ପଷ୍ଟ ଭାବେ ମାନବ ଅଧିକାର ର ଉଲ୍ଲ୍‌ଂଘନ ହେବ । ବିଜୁଳି ଓ ପାନୀୟ ଜଳ ପାଇବା ଲୋକଙ୍କ ମୌଳିକ ଅଧିକାର । ଯେ ପର୍ଯ୍ୟନ୍ତ ସେମାନଙ୍କୁ ସଂପୁର୍ଣ୍ଣ କ୍ଷତିପୁରଣ ପ୍ରଦାନ କରା ନଯାଇଛି ସେମାନଙ୍କୁ ତାଙ୍କର ମୌଳିକ  ଅଧିକାରରୁ ବଞ୍ଚିତ କରା ନଯାଉ । ଏ ଦିଗରେ ପ୍ରଶାସନ ସମ୍ବେଦନଶୀଳ ହେବା ସହ ଉଦାର ମନୋଭାବ ପୋଷଣ କରନ୍ତୁ ବୋଲି ଶ୍ରୀ ମିଶ୍ର ତାଙ୍କର ପ୍ରେସ ବିବୃତ୍ତି ମାଧ୍ୟମରେ କହିଛନ୍ତି । ଏଠାରେ ସୁଚନାଯୋଗ୍ୟ ଯେ, ଲୋୟର ସୁକତେଲ ଜଳ ସେଚନ ପ୍ରକଳ୍ପର ଭିତରକୁ ପ୍ରଥମ ବର୍ଷାଜଳ ଏବର୍ଷ ପ୍ରବେଶ କରିଥିବାରୁ ପ୍ରଶାସନ ତରଫରୁ ପରକଳ୍ପର ତଳ ମୁଣ୍ଡରେ ଥିବା ଗ୍ରାମବାସୀମାନଙ୍କୁ  ନଦୀ ଭିତରକୁ ନଯିବl ପାଇଁ ସଚେତନ କରିବା ସହ ବୁଡି ଅଂଚଳରେ ଲୋକମାନଙ୍କୁ ଜୋର୍ ଜବରଦସ୍ତ ବିସ୍ଥାପିତ ହେବା ପାଇଁ ବାଧ୍ୟ କରାଯାଉଥିବାର ଖବର ବିଭିନ୍ନ ଗଣମାଧ୍ୟମ ଦ୍ୱାରା ସାଧାରଣ ଜନତାମାନଙ୍କ ପକ୍ଷରୁ ଅଭିଯୋଗ ଆସୁଛି । ଯାହାକି ମାନବ ଅଧିକାରର ଉଲ୍ଲଂଘନ ବୋଲି ଚର୍ଚ୍ଚା ହେଉଛି ।