22-Jun-2023

ଲୋଇସିଂହା, (ବିନୋଦ କୁମାର ଦୀପ) ମହାଲିଙ୍ଗ କଟାହିଡ଼ ଜବରଦଖଲ ଉଛେଦ ଓ ପୋଖରୀ କୁ ଯାଇଥିବା ମୁଖ୍ୟରାସ୍ତା ଚି଼ହ୍ନଟିକରଣ ପାଇଁ ଆଜି ଲୋଇସିଂହା ବ୍ଲକ ବାଦିମୁଣ୍ଡା ପଂଚାୟତ ଅଧିନସ୍ଥ ବିରକେଲ ଗ୍ରାମବାସୀ ଲୋଇସିଂହା ବିଡ଼ିଓ ଓ ତହସିଲଦାର ଙ୍କ ଦ୍ୱାରସ୍ତ ହୋଇଛନ୍ତି l ଗ୍ରାମବାସୀ ଙ୍କ କହିବାନୁଯାୟୀ ବିରକେଲ ଗ୍ରାମରେ 1800 ଜନସଂଖ୍ୟା ଥାଇ ଶୁଦ୍ଧl ଗୋଟିଏ ମାତ୍ର ପୋଖରୀ ଅଛି ତାହାପୁଣି ଶୁଖିଲା ପଡ଼ିଯାଉଛି l ପୋଖରୀ ଚତୁଃର୍ପାଶ୍ୱ ସଂଲଗ୍ନ ଆଡି କୁ ଗ୍ରାମର କିଛି ମୁଷ୍ଟିମେୟ ଲୋକ ନିଜ ଅଧୀନରେ ରଖି ଗାଧୋଇବା ପରି ବିଭିନ୍ନ କାର୍ଯ୍ୟରେ ଲୋକଙ୍କୁ ବାଧା ସୃଷ୍ଟି କରୁଛନ୍ତି l

ଅନ୍ୟ ପକ୍ଷରେ ପୋଖରୀ ଉନ୍ନତିକରଣ ପାଇଁ ମଂଜୁର ହୋଇ ଆସୁଥିବା ଅନୁଦାନ ସବୁ କାର୍ଯ୍ୟ ନ ହୋଇ ଫେରିଯାଉଛି l ବର୍ତମାନ ମହାଲିଙ୍ଗ କଟା ର ପଙ୍କ ଉଦ୍ଧlର ପାଇଁ ୫ ଲକ୍ଷ ମଞ୍ଜୁର ହୋଇ ହିଡ଼ ପାର୍ଶ୍ୱରୁ ମାଟି ଉଠାହୋଇ ହିଡରେ ପକା ଯାଉଅଛି l ଯାହା ବର୍ଷା ହେବାମାତ୍ରେ ପୋଖରୀ ଭିତରକୁ ଖସି ପଡ଼ିବାର ସମ୍ଭାବନା ସୁନିଶ୍ଚିତ l ଏଣୁ ଉକ୍ତ ପୋଖରୀର ସୀମା ନିର୍ଧାରଣ ଓ ପୋଖରୀ କୁ ଯାଇଥିବା ମୁଖ୍ୟରାସ୍ତା କୁ ଚି଼ହ୍ନଟ କରି ପଙ୍କଉଦ୍ଧlର କାର୍ଯ୍ୟ ପୋଖରୀ ର ମଧ୍ୟ ଭାଗରୁ ଆରମ୍ଭ ହୋଇ ପୋଖରୀ ବାହାରେ ପକାଯାଉ, ଯଦ୍ୱାରା ଶୁଷ୍କ ପୋଖରୀର ଜଳଧାରଣ କ୍ଷମତା ବଢ଼ିଯିବ ଓ ପୋଖରୀ ସୀମା ଚି଼ହ୍ନଟ କରାଗଲେ ଗ୍ରାମର ଜନ ସାଧାରଣ ଇଛା ଅନୁସାରେ ଗାଧୋଇ ପାରିବେ ବୋଲି ଏହାର ଲିଖିତ ଅଭିଯୋଗ ଲୋଇସିଂହା ବିଡ଼ିଓ ଆକାଶରଞ୍ଜନ ସାହୁ ଓ ତହସିଲଦାର ସୁଶ୍ରୀ ସଂଘମିତ୍ରା କଲୋ ଙ୍କୁ ଦିଆଯାଇଛି l  ଅଭିଯୋଗ ଗ୍ରହଣ କରି ତଦନ୍ତ ପରେ ହିଁ ଏହି ସମସ୍ୟା ର ସମାଧାନ ର ରାସ୍ତା ବାହାର କରାଯିବ ବୋଲି ତହସିଲଦାର ସଂଘମିତ୍ରା କଲୋ ପ୍ରକାଶ କରିଥିଲେ l ଗ୍ରାମବାସୀ ଙ୍କ ଜରିଆରେ ଅଭିଯୋଗକାରୀ ହେଲେ ବିରକେଲ ଗ୍ରାମର ହରିବୋଲ ପଟେଲ, ରଘୁନାଥ ପଟେଲ, ଦାମୋଦର ପଟେଲ, କପିଳେଶ୍ଵର ପଟେଲ, ତ୍ରିନାଥ ପଟେଲ ସହ ଗ୍ରାମବାସୀ ବୃନ୍ଦ l