22-Jun-2023

 ବଲାଙ୍ଗିର (ଦେବାଶିଷ ବହିଦାର ): ପଶ୍ଚିମ ଓଡ଼ିଶା ମହିଳା ସଙ୍ଗଠନ  ତରଫ ରୁ ବାର ଘଣ୍ଟିଆ ବଲାଙ୍ଗୀର ବନ୍ଦ ଡାକରା |  ଆଜି ସକାଳୁ ସକାଳୁ ପିକେଟିଙ୍ଗ କରି ବନ୍ଦ କରିଲେ  ହେଡ ପୋଷ୍ଟ ଅଫିସ | 

ବଲାଙ୍ଗିର ଜିଲ୍ଲାରେ ବଢିଚାଲିଥିବା ନାରୀ ନିର୍ଯ୍ୟାତନା ପ୍ରତିବାଦରେ, ଆଜି ବାର ଘଣ୍ଟିଆ ବନ୍ଦ ଡାକରା ଦେଇଛି ଆଜି ପଶ୍ଚିମ ଓଡ଼ିଶା ମହିଳା ସଙ୍ଗଠନ ତରଫରୁ ୧୨ ଘଣ୍ଟିଆ ବଲାଙ୍ଗୀର ବନ୍ଦ ଡାକରା  ଦିଆଯାଇଛି | କେବଳ ବଲାଙ୍ଗିର ସଦର ମହକୁମାରେ ଏହି ବନ୍ଦ ଡାକରା ଦିଆଯାଇଛି | ସକାଳ  ୬ ଟାରୁ ସଂଧ୍ୟା ୬ ଟା ପର୍ଯ୍ୟନ୍ତ ସହର ଭିତରେ ଚକ, ଅଖ, ସ୍କୁଲ, କଲେଜ, ସରକାରୀ ବେସରକାରୀ ଅଫିସ ବନ୍ଦ ଡାକରା ଦିଆଯାଇଛି | ବନ୍ଦ ଡାକରାକୁ ସହରର ବିଭିନ୍ନ ସଂଗଠନ ସମର୍ଥନ କରୁଛନ୍ତି | ଏପରିକି ନଗର କଂଗ୍ରେସ ମଧ୍ୟ ସମର୍ଥନ ଦେଇଛି | ଯାହା ଫଳରେ ଆଜି ସକାଳୁ ସକାଳୁ ମହିଳା ସଂଗଠନର କର୍ମକର୍ତା ପିକେଟିଙ୍ଗ ଆରମ୍ଭ କରିଦେଇଛନ୍ତି | ବିଶେଷ କରି ୨୦୧୫ ମସିହା ଖପ୍ରାଖୋଲ ଥାନା ସ୍ନେହଲତା ଛତ୍ରିଆ ହତ୍ୟା ଘଟଣାର ଚାର୍ଜସିଟ ଦାଖଲ ନହେବା ଏବଂ ଅନ୍ୟାନ୍ୟ ମହିଳା ନିର୍ଯ୍ୟାତନା ଘଟଣାର ନ୍ୟାୟ ପ୍ରଦାନ ଦାବିରେ,ଏହି ବନ୍ଦ ଡାକରା ଦିଆଯାଇଛି |