22-Jun-2023

ବୀରମହାରାଜପୁର ( ବିନୋଦ ପାଣ୍ଡେ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର - ରେଢ଼ାଖୋଲ ମୁଖ୍ୟ ରାସ୍ତା ଜଟେସିଂହା ହରିହର ଜୋର ପୋଲ ଉଭୟ ପାର୍ଶ୍ଵରେ ଲାଗିଥିବା ଲୁହା ସୁରକ୍ଷା ବାଡ ଖୋଲି ରାସ୍ତା ଉପରକୁ ମାଡି ରହିଥିବା ଦେଖିବାକୁ ମିଳିଛି। ନିର୍ମାଣର ଏକ ବର୍ଷ ମଧ୍ୟରେ ଏପରି ଅବସ୍ଥା ହୋଇଥିବାରୁ ଲୋକେ ନିର୍ମାଣ କାର୍ଯ୍ୟକୁ ନେଇ ଅସନ୍ତୋଷ ପ୍ରକାଶ କରିଛନ୍ତି। ନିର୍ମାଣ କାରୀ ସଂସ୍ଥା ନିମ୍ନମାନର କାର୍ଯ୍ୟ କରିଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି। ଉକ୍ତ ରାସ୍ତା ଦେଇ ପ୍ରତ୍ୟେକ ଦିନ ବହୁ ଜନସାଧାରଣ ଯିବା ଆସିବା କରିଥିବା ବେଳେ ଅନେକ ଭାରିଯାନ ଗାଡି ଚଳାଚଳ କରିଥାଏ। ଏଠାରେ ଲାଗିଥିବା ସୁରକ୍ଷା ବାଡ ଖୋଲି ରାସ୍ତା ଉପରକୁ ଅବରୋଧ ଯୋଗୁଁ ବିଭିନ୍ନ ସମୟରେ ଛୋଟ ବଡ ଦୁର୍ଘଟଣା ଘଟିଥିଲା ସ୍ଥାନୀୟ ଲୋକେ ଅଭିଯୋଗ କରିଛନ୍ତି। ଜନସାଧାରଣ ଙ୍କ ସୁରକ୍ଷା ଦୃଷ୍ଟିରୁ ବିଭାଗୀୟ କର୍ତ୍ତୃପକ୍ଷ ତୁରନ୍ତ ଆବଶ୍ୟକ ପଦକ୍ଷେପ ନେବାକୁ ଦାବି ହେଉଛି।