21-Jun-2023

ବଲାଙ୍ଗିର (ପ୍ରେରଣା ଖବର ): ବଲାଙ୍ଗିର ସହର ଭିତରେ ବିଭିନ୍ନ ସଂଗଠନ ଦ୍ୱାରା ଅନ୍ତର୍ଜାତୀୟ ଯୋଗ ଦିବସ ପାଳିତ ହୋଇଯାଇଛି | ସକାଳୁ ସକାଳୁ ବିଭିନ୍ନ ପ୍ରକାର ଯୋଗ କରିଥିଲେ ସାଧାରଣ ଲୋକେ | ଏସବୁ ଭିତରେ କିନ୍ତୁ ସହଯୋଗ ଫାଉଣ୍ଡେସନ ଦ୍ୱାରା ତଥା ଜିଲ୍ଲାର ଅଗ୍ରଣୀ ଶିକ୍ଷାନୁଷ୍ଠାନ ଡି ଏନ୍ ଏ ସହାୟତାରେ ସ୍ଥାନୀୟ ଗାନ୍ଧୀ ଷ୍ଟାଡିୟମ ଠାରେ ମହା ଆଡ଼ମ୍ବର ସହକାରେ ପାଳିତ ହୋଇଛି ଯୋଗାଦିବସ |

 ସ୍ୱାମୀ ବିଜ୍ଞାନ ଚୈତନ୍ୟ ଜି ମହାରାଜ ଯୋଗ ଶିକ୍ଷା ଦେଇଥିଲେ | ଏହି ଯୋଗ କାର୍ଯ୍ୟକ୍ରମରେ ବଲାଙ୍ଗିର ସାଂସଦ ସଂଗୀତା କୁମାରୀ ସିଂହ ଦେଓ ଯୋଗ ଦେଇ ନିଜେ ମଧ୍ୟ ଯୋଗ କରିଥିଲେ | କାର୍ଯ୍ୟକ୍ରମରେ ବଲାଙ୍ଗିର ଜିଲ୍ଲାପାଳ ଚଞ୍ଚଳ ରାଣା ଏବଂ ଏସ. ପି ଋଷିକେଶ ଖିଲାରୀ ମଧ୍ୟ ସାମିଲ ହୋଇଥିଲେ | ଏଥିରେ ସହଯୋଗ ଫାଉଣ୍ଡେସନ ର ସଭ୍ଯ ସଭ୍ୟା , କର୍ମକର୍ତ୍ତା , ଡି ଏନ୍ ଏ ଇନଷ୍ଟିଚ୍ୟୁଟ ର ଛାତ୍ରଛାତ୍ରୀ, ନିର୍ଦ୍ଦେଶକ ବିନୀତ ଅଗ୍ରୱାଲ , ସି ଏ ସୁମିତ୍ ଅଗ୍ରୱାଲ ପ୍ରମୁଖ ବିଶେଷ ସହଯୋଗ କରିଥିଲେ l