16-Jun-2023

ନବରଙ୍ଗପୁର(ମିହିର ଶଙ୍କର ପାତ୍ର )
ନବରଙ୍ଗପୁର ଜିଲ୍ଲା ଏକ ବଣ ଜଙ୍ଗଲ,ପାହାଡ଼ ପର୍ବତ ଘେରା ଆଦିବାସୀ ଅଧ୍ୟୁଷିତ ଅଂଚଳ। ଏଠାକାର ମୁଖ୍ୟ ଜୀବିକା ହେଉଛି ଚାଷ । ଆମ ଜିଲ୍ଲାର ପ୍ରାୟ 80 ପ୍ରତିଶତ ଆଦିବାସୀ ଚାଷ ଉପରେ ନିର୍ଭରଶୀଳ । ଏଠାକାର ମୁଖ୍ୟ ଫିସଲ ଗୁଡିକ ହେଲେ ଧାନ ସାଙ୍ଗକୁ ମକା, ବିରି, କୋଳଥ, କାନ୍ଦୁଳ, ମାଣ୍ଡିଆ ଆଦି ଫସଲ ଚାଷ କରି ସେମାନେ ଜୀବିକା ନିର୍ବାହ କରିଥାନ୍ତି ।ଚଳିତ ବର୍ଷ ଆଦୌ ବର୍ଷା ନଥିବାରୁ ଜମି ପ୍ରସ୍ତୁତ କରି ମୌସୁମୀ କୁ ଅପେକ୍ଷା କରିଛି ଚାଷୀ । ଅଣ ଜଳସେଚିତ ଏହି ଜିଲ୍ଲା ରେ କୃଷକମାନେ ସାଧାରଣତଃ ଖରିପ ଚାଷ ପାଇଁ ବର୍ଷା ଉପରେ ନିର୍ଭର କରିଥାନ୍ତି | ଏବର୍ଷ ବର୍ଷାର ଦେଖାନାହିଁ | ପାଣିପାଗ ବିଭାଗର  ସୂଚନା ପ୍ରକାରେ ଏବର୍ଷ ମୌସମୀ  ବିଳମ୍ବରେ ଆସିବ l ପାହାଡିଆ ଜମି ସବୁ ଶୁଖିଲା ପଡିଛି । ଚାଷୀମାନେ ହଳଲଙ୍ଗଳ କରି କ୍ଷେତକୁ ପ୍ରସ୍ତୁତ କରି ରଖିଛନ୍ତି । କେତେକ ଚାଷୀ ଘରେ ପ୍ରସ୍ତୁତ କରୁଥିବା ଗୋମାତାର ଗୋବରରୁ ତିଆରି ଜୈବିକ ଖତକୁ ନେଇ ଜମିରେ ପକାଉଛନ୍ତି।|ବିଭିନ୍ନ କିସମର ବିହନ ସାଙ୍ଗକୁ ରାସାୟନିକ ସାର ଓ କୀଟନାଶକ ସବୁ କିଣି ଘରେ ସାଇତି ରଖିଛନ୍ତିକିଛି ଚାଷୀ ଭାଇ |ବର୍ଷା ହେଲେ ଧାନ ବୁଣିବେ ଓ ତଳି ପକେଇବେ ବୋଲି ବର୍ଷକୁ ଅପେକ୍ଷା କରିଛି ଚାଷୀଭାଇ |ନାଳ ଓ ତଳିଆ ଜମି ଗୁଡିକରେ ଜମି ପ୍ରସ୍ତୁତ ହୋଇସାରିଛି ଚାଷପାଇଁ | ଟିକିରାବେଡା ବା ଢ଼େପ ଜମି ଗୁଡିକରେ ମଧ୍ୟ ଚାଲୁଛି ହଲଲଙ୍ଗଳ |ପହିଲି ବର୍ଷା କୁ ଚାତକ ପରି ଅନେଇ ବସିଛି ଚାଷୀ । କୃଷି ଭିତ୍ତିକ ପର୍ବ ରଜ ଆସିଲାଣି  କିନ୍ତୁ ବର୍ଷାର ଦେଖା ନାହିଁ,ଚିନ୍ତରେ ଚାଷୀକୁଳ??? ମୌସୁମୀ ବର୍ଷା ଆସିଲେ ଚାଷ କାମ ଆରମ୍ବ ହେବ ।ବର୍ତ୍ତମାନ ଭଗବାନଙ୍କ ଭରସାରେ ଅଛନ୍ତି ଚାଷୀ ଭାଇମାନେ।