15-Jun-2023

ବ୍ରହ୍ମପୁର(ଝିଲ୍ଲି କୁମାରୀ ସାହୁ ): ସିସିରଭା ବ୍ୟାଡମିଣ୍ଟନ୍ ଏକାଡେମୀରେ ବ୍ୟାଡମିଣ୍ଟନ୍ ଗ୍ରୀଷ୍ମ ଶିବିରର ଉଦଯାପନି ଉତ୍ସବ ମହାସମାରୋହ ଆୟୋଜିତ ହୋଇଯାଇଛି | ପ୍ରମୋଦ ମହାଙ୍କୁଡ଼  ଦ୍ୱାରା ଆରମ୍ଭ ହୋଇଥିବା ଏବଂ ଓଡିଶା ରାଜ୍ୟ ବ୍ୟାଡମିଣ୍ଟନ ଏକାଡେମୀ ଦ୍ୱାରା ଅନୁମୋଦିତ ତଥା ଗଞ୍ଜାମ ବ୍ୟାଡମିଣ୍ଟନ ବିକାଶ କମିଟିର ସଦସ୍ୟଙ୍କ ସମର୍ଥିତ ଏହି ଗ୍ରୀଷ୍ମ ଶିବିର  ୬0 ଦିନ ପର୍ଯ୍ୟନ୍ତ ଚାଲିଥିଲା । ଏହି ଶିବିରରେ ଅଂଶଗ୍ରହଣ କରିଥିଲେ ୯୮ଜଣ ଛାତ୍ରଛାତ୍ରୀ | କ୍ୟାମ୍ପ ସମୟରେ ଇନଡୋର କାର୍ଯ୍ୟକଳାପ ବ୍ୟତୀତ ଛାତ୍ରଛାତ୍ରୀ ମାନଙ୍କୁ   ଅନ୍ୟାନ୍ୟ କାର୍ଯ୍ୟକଳାପ ସମ୍ପର୍କରେ ଅବଗତ କରାଯାଉ ଥିଲା l ସୋସିଆଲ ମିଡ଼ିଆ ଓ ମୋବାଇଲଫୋନରୁ ଦୁରେଇ ରହି ପିଲାମାନେ  ଯେମିତି କ୍ରୀଡା ପ୍ରତି ଧ୍ୟାନ ଦେବେ   ସେଥିପାଇଁ ଉତ୍ସାହିତ କରାଯାଇଥିଲା | କ୍ରୀଡା ପ୍ରଶିକ୍ଷକ

ସନ୍ଦୀପ ନାୟକ ଏବଂ ତୋଫାନ ବେହେରା ଏହି କ୍ରୀଡା ଶିବିରକୁ ସଫଳ ରୂପାୟନ ପାଇଁ  ଦାୟିତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ଉକ୍ତ କାର୍ଯ୍ୟକ୍ରମରେ ଵ୍ରହ୍ମପୁର ବିଧାୟକ ବିକ୍ରମ ପଣ୍ଡା, ଵ୍ରହ୍ମପୁର ସାଂସଦ ଚନ୍ଦ୍ରଶେଖର ସାହୁ, ଓ.ଏସ.ବି.ଏ ସଚିବ ନୀଲିନ୍ କୁମାର, ଜୋନାଲ ମୁଖ୍ୟ ଦୀପକ ରଂଜନ ମହାନ୍ତି, ଜିଲ୍ଲା ମୁଖ୍ୟ ଦୀପକ ତିବ୍ରୁୱାଲ ଏବଂ ମିତେନ୍ଦ୍ର ଭୂୟାଁ ବସି ସିରଭା ଏକାଡେମୀର ପ୍ରତିଷ୍ଠାତା ସନ୍ତୋଷ ପାଢ଼ୀ ସଭାପତିତ୍ୱ କରିଥିଲେ। ଅଂଶଗ୍ରହଣ କରିଥିବା ସମସ୍ତ ଛାତ୍ରଛାତ୍ରୀ ମାନଙ୍କୁ  ଅଂଶଗ୍ରହଣ ପ୍ରମାଣ ପତ୍ର ପ୍ରଦାନ କରାଯାଇ ଥିଲା   l ମ୍ୟାଚ୍ ରେ ବିଜୟୀ ହୋଇଥିବା ବିଜେତାମାନଙ୍କୁ ଟ୍ରଫି ସହ ପ୍ରମାଣ ପତ୍ର ପ୍ରଦାନ କରାଯାଇଥିଲା l