11-Jun-2023

ବିନିକା(ହିମାଂଶୁ ଶେଖର ପୁଟେଲ): ବିନିକା ସ୍ପୋର୍ଟସ କ୍ଲବ ତରଫରୁ ସ୍ଥାନୀୟ ବିଜୁ ପଟ୍ଟନାୟକ ଷ୍ଟାଡିୟମ ଠାରେ ଆଇପିଏଲ ଢାଞ୍ଚାରେ ଚାଲିଥିବା ବିପିଏଲ ସିଜନ-୩ କ୍ରିକେଟ ଟୁର୍ଣ୍ଣାମେଣ୍ଟର ଶନିବାର ଅନୁଷ୍ଟିତ ଫାଇନାଲ ମ୍ୟାଚରେ ସିଦ୍ଦୀକ୍ଷାକୁ ହରାଇ ବାଦୀ ବ୍ରଦରସ ଚଳିତ ବର୍ଷ ବିପିଏଲ ଚମ୍ପିୟାନ ହୋଇଚ୍ଛି । ଟଚ ଜିଣି ବାଦୀ ପ୍ରଥମେ ବ୍ୟାଟିଂ କରି ୧୦ଓଭରରେ ୫ୱିକେଟ ହରାଇ ୯୪ରନ କରିଥିଲା ତାର ଜବାବରେ ସିଦ୍ଦିକ୍ଷା ରେଵେଲସ ସମସ୍ତ ୱିକେଟ ହରାଇ

ଓଭରରେ ୬୯ରନ କରି ପରାଜିତ ହୋଇଥିଲା । ମ୍ୟାଚକୁ ବିନୋଦ ପାତ୍ର ଓ ରଞ୍ଜିତ ପଣ୍ଡା ପରିଚାଳନା କରିଥିବା ବେଳେ ସ୍କୋରର ଭାବେ ହାଡୁ ବଢେଇ,ସରୋଜ ମହାନ୍ତି ଓ ମ୍ୟାଚର ଧାରାବିବରଣୀ ମାନସ ଦାଶ,ଭବାନୀ ଶଙ୍କର ଜଗଦଲା ପ୍ରଦାନ କରିଥିଲେ ।ସ୍ପୋର୍ଟସ କ୍ଲବ ସଭାପତି ସୋମନାଥ ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ପୁରସ୍କାର ବିତରଣୀ ଉତ୍ସବରେ ମୁଖ୍ୟଅତିଥି ଭାବରେ ବୀରମହାରାଜପୁର ବିଧାୟକ ପଦ୍ମନାଭ ବେହେରା,ସମ୍ମାନିତ ଅତିଥି ଭାବେ ବିନିକା ନଗରପାଳ ସୁବାସ ଚନ୍ଦ୍ର ଭୋଇ, ବିନିକା ସେବା ସମବାୟ ସମିତି ସଭାପତି ଆନନ୍ଦ ବାବୁ,ଅବସରପ୍ରାପ୍ତ କାର୍ଯ୍ୟନିର୍ବାହୀ ଅଧିକାରୀ ଦୁଃଖୀରାମ ନାଏକ,ସୁବର୍ଣ୍ଣପୁର ଜିଲ୍ଲା କ୍ରିକେଟ ସଂଘର ପୂର୍ବତନ ସଭାପତି ପଠାଣ ପଣ୍ଡା,ବିନିକା ବଣିକ ସଂଘ ସଭାପତି ଅଶ୍ଵିନୀ କୁମାର ସୁବୁଦ୍ଧି,ଯୁବ ଉଦ୍ୟୋଗୀ ସୁଜିତ କୁମାର ବଡ଼ପଣ୍ଡା,ବଲାଙ୍ଗୀର ପ୍ରେରଣା ଖବରକାଗଜ ସମ୍ପାଦକ ରଘୁନନ୍ଦନ ସିଂ ପ୍ରମୁଖ ଯୋଗଦେଇ ବେଷ୍ଟ ଫିଲଡର ଆଶୁତୋଷ ଦାଶ,ବ୍ୟାଟ୍ସମ୍ୟାନ ଓ ମ୍ୟାନ ଅଫ ଦି ମ୍ୟାଚ ରିଣ୍ଟୁ ମେହେର,ବେଷ୍ଟ ବୋଲର/ମ୍ୟାନ ଅଫ ଦି ସିରିଜ କିରଣ ରାଉତ ଏବଂ ବିଜେତା ଦଳ ବାଦୀକୁ ନଗଦ ୨୦ହଜାର ସହ ଟ୍ରଫି ଓ ଉପ ବିଜେତା ଦଳ ସିଦ୍ଦିକ୍ଷାକୁ ନଗଦ ୧୦ହଜାର ସହ ଟ୍ରଫି ଆଦି ପୁରସ୍କାର ପ୍ରଦାନ କରାଯାଇଥିଲା ।ସେହିପରି ବେଷ୍ଟ ଅମ୍ପାୟାର ଭାବେ ବିନୋଦ ପାତ୍ର,ରଞ୍ଜିତ ପଣ୍ଡା,ପ୍ରଦୀପ ମହାଲିଙ୍ଗ,ସବ୍ୟସାଚୀ ମିଶ୍ର,ବେଷ୍ଟ ସ୍କୋରର ଭାବେ ଆଲୋକ ସେଠୀ,ହାଡୁ ବଢେଇ ଆଦିଙ୍କୁ ଅତିଥି ମାନେ ସମ୍ବର୍ଦ୍ଧିତ କରିଥିଲେ । ଦୀର୍ଘ ଏକମାସ ବ୍ୟାପି ଚାଲିଥିବା ଏହି ଟୁର୍ଣ୍ଣାମେଣ୍ଟରେ ଅଂଶ ଗ୍ରହଣ କରିଥିବା ଖେଳାଳୀ ମାନଙ୍କୁ ଉତ୍ସାହିତ କରିବା ପାଇଁ ଦୈନନ୍ଦିନ ପଡିଆର ଚାରିପଟେ ଦର୍ଶକ ଓ କ୍ରୀଡାପ୍ରେମୀ ଶାନ୍ତିଶୃଙ୍ଖଳା ସହିତ ମ୍ୟାଚ ଉପଭୋଗ କରିଥିବାରୁ ଆୟୋଜକ ସ୍ପୋର୍ଟସ କ୍ଲବ ତରଫରୁ କୃତଜ୍ଞତା ଜ୍ଞାପନ କରାଯାଇଥିଲା ।