21-May-2023

ବୀରମହାରାଜପୁର, (ବିନୋଦ ପାଣ୍ଡେ): ସୁବର୍ଣ୍ଣପୁର ଜିଲ୍ଲାର ବୀରମହାରାଜପୁର ସଦର ସ୍ଥିତ ସରକାରୀ ବାଳିକା ହାଇସ୍କୁଲରେ ନୂତନ ପ୍ରକଳ୍ପ ଉଦଘାଟିତ ହୋଇଯାଇଛି।‌ ଉକ୍ତ ପ୍ରକଳ୍ପକୁ ସ୍କୁଲର ପ୍ରଧାନ ଶିକ୍ଷୟିତ୍ରୀ କିମ୍ବା ଅନ୍ୟ କୌଣସି ବିଶିଷ୍ଟ ଅତିଥିମାନଙ୍କ ଦ୍ବାରା ଉଦଘାଟନ ହୋଇନଥିଲା। ଚଳିତ ମାଟ୍ରିକ ପରୀକ୍ଷାରେ ସ୍କୁଲ ପାଇଁ ଗୈାରବ ଆଣିଥିବା ପ୍ରଥମ ଥର ୯୨.୫ ପ୍ରତିଶତ ନମ୍ବର ରଖି ଏ-୧ ଗ୍ରେଡ ପାଇଥିବା ଛାତ୍ରୀ ବିଶ୍ଵରୂପା ସାହୁଙ୍କ ଦ୍ବାରା ସ୍କୁଲ ସମ୍ମୁଖରେ ନିର୍ମାଣ ହୋଇଥିବା ଜଳ ଫୁଆର ପ୍ରକଳ୍ପ (ଫାଉଣ୍ଡେନ )କୁ ଉଦଘାଟନ କରିଥିଲେ। ଉକ୍ତ ଛାତ୍ରୀ ପୂର୍ବରୁ ବହୁବାର ଜିଲ୍ଲା ତଥା ରାଜ୍ୟସ୍ତରୀୟ ବକ୍ତୃତା ଓ କୁଇଜ ପ୍ରତିଯୋଗିତାରେ ପ୍ରଥମ ହୋଇଛନ୍ତି। ବିଦ୍ୟାଳୟ ପ୍ରତିଷ୍ଠା ହେବା ଦିନଠାରୁ ଆଜି ଯାଏଁ ବିଦ୍ୟାଳୟ କୈାଣସି ଛାତ୍ରୀ ଏତିକି ପ୍ରତିଶତ ନମ୍ବର ରଖିନଥିଲେ।  ଏହି ଅବସରରେ ବିଦ୍ୟାଳୟ ପକ୍ଷରୁ ସ୍ବତନ୍ତ୍ର ଭାବେ ବିଶ୍ଵରୂପା ଙ୍କୁ ବିଦ୍ୟାଳୟକୁ ଅଣାଯାଇ ଫୁଲତୋଡ଼ା ଦେଇ ସମ୍ବର୍ଦ୍ଧିତ କରାଯାଇଥିଲା। ଉକ୍ତ ସମ୍ବର୍ଦ୍ଧନା ଉତ୍ସବରେ ପ୍ରଧାନ ଶିକ୍ଷୟିତ୍ରୀ ଅନିତାରାଣି ହୋତା,, ସରକାରୀ ଶିକ୍ଷୟିତ୍ରୀ ନମିତା ଡାଙ୍ଗ, ଏସ. ଏସ ପ୍ରିୟଦର୍ଶିନୀ, ଅରୁନ୍ଧତୀ ମଲ୍ଲିକ, ଆନନ୍ଦ ଦାୟିନୀ ସିଂ,ଭୂମିସୂତା ଜଗଦଲା, ରାଜେନ୍ଦ୍ର ସାହୁ, ରବିନ ମଲ୍ଲିକ ପ୍ରମୁଖ ଉପସ୍ଥିତ ଥିଲେ।