07-May-2023

ବଲାଙ୍ଗିର(ଦେବାଶିଷ ବହିଦାର)ଏ ବର୍ଷ ଶେଷ ସୁଦ୍ଧା ଲୋୟର ଶୁକତେଲ ଜଳ ସେଚନ ପ୍ରକଳ୍ପରେ ପାଣୀ ଗଚ୍ଛିତ ରଖାଯିବା ପାଇଁ  ପ୍ରଶାସନ ଓ ସରକାର ତରଫରୁ ସୁଚନା ଦିଆଯାଇଛି । ଏପରିକି ବର୍ଷ ଶେଷରେ ବଲାଙ୍ଗିର ର ଜିବନ ରେଖା କୁହାଯାଉଥିବା ଏହି ପ୍ରକଳ୍ପ ସଂପୁର୍ଣ୍ଣ ହେବ ବୋଲି ସରକାରଙ୍କ ଜଳ ସେଚନ ମନ୍ତ୍ରୀ ସୁଚନା ଦେଇଛନ୍ତି । କିନ୍ତୁ ଏହି ପ୍ରକଲ୍ପ ର ଗ୍ରାଉଣ୍ଡଜିରୋ ରିପୋର୍ଟ ଦେଖିଲେ ଆଜି ମଧ୍ୟ ଏ ପ୍ରକଳ୍ପ ସଂପୁଣ୍ଣ କରିବା ପାଇଁ ଆଉ ଏକ ବର୍ଷ ଆବଶ୍ୟକ ବୋଲି ଅନୁଭବ ହୁଏ । ସରକାରୀ ସ୍ତରରେ ଏହି ପ୍ରକଲ୍ପ ଯୋଗୁଁ ବିସ୍ଥାପିତ ହେବକୁ ଥିବା ଲୋକେ ପ୍ରାୟତଃ ସମସ୍ତ ପ୍ରକାର କ୍ଷତି ପୁରଣ ପାଇ ପାରିଛନ୍ତି ବୋଲି ପ୍ରଶାସନ କହୁଛି । ଥଇଥାନକୁ ନେଇ ମଧ୍ୟ ସମସ୍ତ କାମ ସରି ଯାଇଥିବା ସୁଚନା ଦିଆଯାଉଛି । କିନ୍ତୁ ପ୍ରକଳ୍ପ ଦ୍ୱାରା କ୍ଷତିଗ୍ରସ୍ତ ହେଉଥିବା ଗାଁ କୁ ଯାଇ ଆଲୋଚନା କଲେ ଜଣା ଯାଉଛି ଯେ ପ୍ରକଳ୍ପର ଅକ୍ଷ ସ୍ଥଳରେ ଥିବା ଗାଁ ପରଧିଆପାଲିର ଆଜି ବି କିଛି ପରିବାର ଗାଁ ଛାଡି ନାହାନ୍ତି । ଗାଁରେ ଏପରି ବି ଏକ ପରିବାର ଅଛନ୍ତି ଯୋଉମାନେ କୌଣସି କ୍ଷତି ପୁରଣ ଆଜି ପର୍ଯ୍ୟନ୍ତ ପାଇ ପାରି ନାହାନ୍ତି ।

ସଂପୁର୍ଣ୍ଣ ବିସ୍ଥାପିତ ଗାଁର ସ୍କୁଲ ଛୁଆ କେଉଁ ଗାଁ ସ୍କୁଲରେ ପଢିବେ, ସେହି ସ୍କୁଲର ଶିକ୍ଷକ କ୍ଷମତା କେତେ, ସ୍କୁଲ କୋଠା ସ୍ଥିତି କଣ , ଆଙ୍ଗନବାଡି କେନ୍ଦ୍ରର ସ୍ଥିତି ଆଜି ପର୍ଯ୍ୟନ୍ତ ସ୍ଥିରିକୃତ ହୋଇ ପାରି ନଥିବାରୁ ସ୍କୁଲ ଛାତ୍ରାଛାତ୍ରୀମାନଙ୍କ ପଢା, ପଞ୍ଚାୟତ ଓ ଆଙ୍ଗନବାଡି ତରଫରୁ ଛୋଟ ଛୋଟ ଛୁଆ ଓମାଁ ମାନଙ୍କ ପାଇଁ ଚାଲିଥିବା ପୃଷ୍ଟିକର ଖାଦ୍ୟ ଯୋଜନା ସଂପୁଣ୍ଣ ରୁପେ ବ୍ୟାଘାତ ହେଉଛି । ତାସହ ଥଇଥାନ ଓ ପୁନର୍ବାସ କଲୋନୀ ମାନଙ୍କରେ ମଧ୍ୟ ଥଇଥାନ ହୋଇଥିବା ଲୋକଙ୍କ ସମସ୍ତ ମୌଳିକ ଅଧିକାର ପ୍ରତି ଦୃଷ୍ଟି ଦିଆ ଯାଇ ପାରି ନାହିଁ । ତେଣୁ ମାନ୍ୟବର ବଲାଙ୍ଗିର ବିଧାୟକ ଉତ୍ତରାଞ୍ଚଳ ରାଜସ୍ୱ କମିଶନର ସୁରେଶ ଚନ୍ଦ୍ର ଦଳେଇଙ୍କୁ ଚିଠି ଲେଖି ଯେତେ ଶିଘ୍ର ହେବ ଆରପିଡଏସି ବୈଠକ ଡାକିବା ପାଇଁ ଅନୁରୋଧ କରିଛନ୍ତି ।

ଏଠାରେ ସୁଚନା ଯୋଗ୍ୟ ଯେ ଗତ ୩ ତାରିଖରେ ମାନ୍ୟବର ବିଧାୟକ ବୁଡି ଅଂଚଳର ଗ.ଶ ଡୁଙ୍ଗୁରିପାଲି ଓ ପରଧିଆପାଲି ଗ୍ରାମକୁ ଯାଇ ବିସ୍ଥାପିତଙ୍କ ସମସ୍ୟା ଉପରେ ଆଲୋଚନା କରିଥିଲେ । ଏହି ଗସ୍ତ ସମୟରେ ଶୁକତେଲ ପ୍ରକଳ୍ପର ବିସ୍ଥାପନ ଓ ଥଇଥାନ ପ୍ରକଳ୍ପ ଅଧିକାରୀ ମହେନ୍ଦ୍ର ମହାପାତ୍ର, ସ୍ୱତନ୍ତ୍ର ଭୁ ଅର୍ଜନ ଅଧିକାରୀ ତଥା ଉପ ଜିଲ୍ଲାପାଳ କୁମାର ନାଗ ଭୁଷଣ ଏବଂ ଉପଖଣ୍ଡ ପୋଲିସ ଅଧିକାରୀ ତୋଫାନ ବାଗ ମଧ୍ୟ ଉପସ୍ଥିତ ଥିଲେ । ପ୍ରକଳ୍ପରେ ବର୍ଷା ରୁତୁରେ ପାଣି ଭରିଯିବା ଆଶଙ୍କାରେ ଲୋକେ ଆତଙ୍କିତ ଥିବା ବେଳେ ଥଇଥାନ ଓ କ୍ଷତିପୁରଣକୁ ନେଇ ମଧ୍ୟ ଅସନ୍ତୋଷ ଥିଲେ । ତେଣୁ ଏସବୁ ସମସ୍ୟାରେ ସମାଧାନ ପାଇଁ ବିଧାୟକ ଶ୍ରୀ ମିଶ୍ର ଉତ୍ତରାଞ୍ଚ କମିଶନର ଙ୍କୁ ଆରପିଏସି ବୈଠକ କରିବା ପାଇଁ ଚିଠି ଲେଖିଥିବା ପ୍ରକାଶ କରିଛନ୍ତି ।