07-May-2023

ବୀରମହାରାଜପୁର, (ବିନୋଦ ପାଣ୍ଡେ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଥାନ ଅନ୍ତର୍ଗତ ବଡ଼ମାଳ ଗ୍ରାମରେ ଅବକାରୀ ବିଭାଗ ଚଢ଼ାଉ କରି ବେଆଇନ ଭାବେ ଗଚ୍ଛିତ ଥିବା ମହୁଲ ଜବତ କରିବା ସହ ଜଣକୁ ଗିରଫ କରିଥିବା ଜଣାଯାଇଛି। ସୂଚନା ମୁତାବକ, ଆଜି ବୀରମହାରାଜପୁର ଅବକାରୀ ବିଭାଗ କୈାଣସି ସୁତ୍ରରୁ ଖବର ପାଇ ବଡ଼ମାଳ ଗ୍ରାମର ବେଆଇନ ଭାବେ ମହୁଲ ଗଚ୍ଛିତ ରଖିଥିବା ଖବର ପାଇ ଏକ ଟିମ ମନୁ ମହାକୁର ଘରେ ଚଢାଉ କରିଥିଲେ। ଉକ୍ତ ଘରୁ ବେଆଇନ ଭାବେ ୧୨ କୋଇଣ୍ଟାଳ  ମହୁଲ ଜବତ କରିଥିବା ବେଳେ ମନୁ ମହାକୁର କୁ ଗିରଫ କରି ଥିଲେ। ଅବକାରୀ କେସ ୨୧ ରେ ଏକ ମାମଲା ରୁଜୁ କରି ଉକ୍ତ ବ୍ୟକ୍ତି ଙ୍କୁ କୋର୍ଟ ଚାଲାଣ କରାଯାଇଛି। ଏଥିରେ ଏସ ଆଇ ସୁମିତ୍ରା ହେମ୍ବ୍ରମ, ଏ ଏସ ଆଇ ଚିତ୍ତରଞ୍ଜନ ଦାଶ, କନେଷ୍ଟବଳ ଗୋପାଳ ଝାଙ୍କର, ସୀତାରାମ ପଧାନ,ଉରଭୀ ମାଝୀ ପ୍ରମୁଖ ଚଢ଼ାଉ ରେ ସାମିଲ ହୋଇଥିଲେ।