18-Apr-2023

ବରଗଡ(ନିରଂଜନ ତ୍ରିପାଠୀ): ବିକାଶ ହାଇଅର୍ ଏଜୁକେସନାଲ ଇଂଷ୍ଟିଚ୍ୟୁସନ୍ସ ଅନ୍ତର୍ଗତ ବିକାଶ ଡିଗ୍ରୀ କଲେଜ୍ ର ଏନ.ଏସ୍‌.ଏସ୍ ସେଲ୍ ଦ୍ୱାରା ନିିକଟବର୍ତି ନାଗେନପାଲି ଗ୍ରାମରେ ଏନ୍‌.ଏସ୍‌.ଏସ୍ ନିଟ୍ ସର୍ଭେ ର ଶୁଭାରମ୍ଭ କରାଯାଇଛି । ଏହି ଅବସରରେ ସହିଦ ଯୁବକ ସଂଘ, ନାଗେନପାଲି କାର୍ଯ୍ୟାଳୟ ପରିସରରେ ଗୋବର୍ଦ୍ଧନ ପାତ୍ରଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ବିକାଶ ଗ୍ରୁପର ଏକ୍‌ଜିକ୍ୟୁଟିଭ୍ ଡାଇରେକ୍ଟର ଡି. ନାଗେଶ୍ୱର ରାଓ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ ଏବଂ ବିକାଶ ଏନ୍‌.ଏସ୍‌.ଏସ୍ ର ଛାତ୍ରଛାତ୍ରୀ ମାନଙ୍କୁ ନିଷ୍ଠାର ସହିତ ସମାଜଭିତ୍ତିକ କାର୍ଯ୍ୟକ୍ରମରେ  ଅଂଶ ଗ୍ରହଣ କରିବା ପାଇଁ ଉତ୍ସାହିତ କରିଥିଲେ । ବିକାଶ ଡିଗ୍ରୀ କଲେଜର ଅଧ୍ୟକ୍ଷ ତଥା ନର୍ଦ୍ଦେଶକ ଡ. ସମରେନ୍ଦ୍ର ନାଥ ପଣ୍ଡା ୫୦ ଜଣ ଏନ୍‌.ଏସ୍‌.ଏସ୍ ଛାତ୍ରଛାତ୍ରୀ ଦ୍ୱାରା ୭ଦିନ ପର୍ଯ୍ୟନ୍ତ ହେବାକୁ ଥିବା ଉକ୍ତ ସର୍ଭେର ଅଭିମୁଖ୍ୟ ଉପସ୍ଥାପନା କରିଥିଲେ । ଯୁବକ ସଂଘ ତରଫରୁ କିଶୋର ବିଶ୍ୱାଳ ସ୍ୱାଗତ ଭାଷଣ ଦେଇଥିବାବେଳେ ସଚିବ ଶିଶିର ଖମାରି ଧନ୍ୟବାଦ ଅର୍ପଣ କରିଥିଲେ । ସାଂସ୍କୃତିକ ସମ୍ପାଦକ ଶ୍ରୀ ସୁଶିଳ ପ୍ରଧାନ ଏବଂ     ଉପାଧ୍ୟକ୍ଷ ଶ୍ରୀ ଆର୍‌.ଏସ୍‌.ଭି କ୍ରୀଷ୍ଣାଙ୍କ ତତ୍ୱାବଧାନରେ ଅନୁଷ୍ଠିତ ଉକ୍ତ କାର୍ଯ୍ୟକ୍ରମର ସଂଯୋଜନା ଦାୟିତ୍ୱ ଏନ୍‌.ଏସ୍‌.ଏସ୍ ପ୍ରୋଗ୍ରାମ ଅଫିସର ରଜତ କୁମାର ପାଣିଗ୍ରାହୀ ତୁଳାଇଥିଲେ । ୫୦ଜଣ ଛାତ୍ରଛାତ୍ରୀ ଏନ୍‌.ଏସ୍‌.ଏସ୍ ଦ୍ୱାରା ନର୍ଦ୍ଦେଶିତ ବିଧିରେ ନାଗେନପାଲି ଗ୍ରାମରେ ନିଟ୍ ସର୍ଭେର ଶୁଭାରମ୍ଭ କରିଥିଲେ ।