27-Mar-2023

ବଲାଙ୍ଗୀର: ବଲାଙ୍ଗୀର ଡାକ ଅଧୀକ୍ଷକ ରାଜେନ୍ଦ୍ର କୁମାର ପଟ୍ଟନାୟକଙ୍କ ଜାଲ ସାଟିର୍ଫିକେଟ ସଂପର୍କିତ ରିପୋର୍ଟକୁ ଆଧାର କରି ବଲାଙ୍ଗୀର ଟାଉନ ଥାନା ପୋଲିସ ନକଲି ସାର୍ଟିଫିକେଟର ମାଷ୍ଟର ମାଇଣ୍ଡ୍ ମନୋଜ କୁମାର ମିଶ୍ରଙ୍କ ତାର ସହଯୋଗୀ ଆଲୋକ ଉଦ୍‌ଗାତାଙ୍କୁ ଗିରଫ କରିଛି । ଟାଉନ ଥାନା କେସ୍ ନମ୍ବର୧୪୧ ଦଫା ୪୬୭. ୪୬୮, ୪୭୧ ଓ ୩୪ ଆଇପିସିରେ ଏକ ମାମଲା ଦାୟର ହୋଇଛି । ଆଜି ଏ ସଂପର୍କରେ ବଲାଙ୍ଗୀର ଟାଉନ ଥାନା ପୋଲିସ ପକ୍ଷରୁ ଏକ ସାମ୍ବାଦିକ ସମ୍ମିଳନୀରେ ଏହି ସୂଚନା ଦିଆଯାଇଛି ।ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ବ୍ଲକ ଚାନ୍ଦୋତରା ଗାଁ ର ରଜତ କୁମାର ନାଏକଙ୍କ ଲିଖିତ ଅଭିଯୋଗକୁ ଆଧାର କର ନକଲି ସାର୍ଟିଫିକେଟ କାରବାରର ମୁଖ୍ୟ କରପଟଦାର୍ ମନୋଜ ମିଶ୍ର  ଓ ଆଲୋକ ରଂଜନ ଉଦ୍‌ଗାତାଙ୍କୁ ଗିରଫ କରାଯାଇଛି । ବଲାଙ୍ଗୀର ଡାକ ବିଭାଗରେ ଗ୍ରାମୀଣ ଡାକ ସେବକ ପଦବୀ ପାଇଁ ଆବେଦନ କରିଥିବା ୩୮ ଜଣଙ୍କ ସାର୍ଟିଫିକେଟ ଜାଞ୍ଚ କରିବା ପରେ ସନ୍ଦେହ ଜାତ ହେବାରୁ ଡାକ ନିରୀକ୍ଷକ ପୋଲିସ ନିକଟରେ ରିପୋର୍ଟ କରିଥିଲେ ।  ପୋଲିସ ସୂଚନା ମୁତାବକ ୧୯୯୮ମମସିହାରୁ ମିସନ ପଡିଆ ସାମ୍ନାରେ ରିଲାଏନ୍ସ ଏଜୁକେସନାଲ କଂପ୍ଲେକ୍ସ ନାମରେ ଏକ ଶିକ୍ଷାନୁଷ୍ଠାନ ଚଳାଇ ଆସୁଥିଲେ ମନୋଜ ମିଶ୍ର । ସେଠାରେ ଶ୍ରୀ ମିଶ୍ର ବିଭିନ୍ନ ଶ୍ରେଣୀର ଛାତ୍ରଛାତ୍ରୀ ମାନଙ୍କୁ କୋଚିଂ ଦେଇ ଆସୁଥିଲେ ।  ଏଥିସହ ବିଭିନ୍ନ ପ୍ରତିଯାଗିତାମୂଳକ ପରୀକ୍ଷା ପାଇଁ ମଧ୍ୟ ଏଠାରେ ଛାତ୍ରଛାତ୍ରୀ ମାନଙ୍କୁ କୋଚିଂ ଦିଆଯାଉଥିଲା ।  ତେବେ ପୋଲିସ ଅନୁସନ୍ଧାନରୁ ଜଣାପଡିଛି ଯେ, ୨ଠ୧୬ ମସିହାରୁ ଏଠାରେ ଏଠାରେ ନକଲି ସାର୍ଟିଫିକେଟ କାରାବାର ଚାଲି ଆସୁଥିଲା । ଚାକିରୀ ଆଶାୟୀ ପ୍ରାର୍ଥୀ ମାନଙ୍କୁ ବିଭିନ୍ନ ବୋର୍ଡ ଓ ବିଶ୍ୱବିଦ୍ୟାଳୟ ର ନକଲି ସାଟିର୍ଫିକେଟ ଯୋଗାଇବାର ପେଣ୍ଠସ୍ଥଳୀ ଥିଲା ଏହି ଶିକ୍ଷାନୁଷ୍ଠ।।ନ । ଗୋଟିଏ ଗୋଟିଏ ପ୍ରାର୍ଥୀ ମାନଙ୍କ ଠାରୁ ଜାଲ ସାର୍ଟିଫିକେଟ ପ୍ରଦାନ ବାବଦକୁ ୫ଠ ହଜାର ଠାରୁ ଆରମ୍ଭ କରି ୫ ଲକ୍ଷ ଟଙ୍କା ପର୍ଯ୍ୟନ୍ତ ସଂଗ୍ରହ କରାଯାଉଥିବା ପ୍ରାଥମିକ ତଦନ୍ତରୁ

ଜାଣିପାରିଛି ପୋଲିସ । ସବୁଠାରୁ ଆଶ୍ଚର୍ଯ୍ୟର ବିଷୟ ହେଲା  କେବଳ ବଲାଙ୍ଗୀର ନୁହେଁ ଏପରିକି ବରଗଡ଼, କଳାହାଣ୍ଡି, ବୌଦ୍ଧ, ସୋନପୁର, ଢେଙ୍କାନାଲ ଆଦି ଜିଲ୍ଲାରେ ମଧ୍ୟ ଏହି ଜାଲ ସାର୍ଟିଫେିକେଟ ରେକେଟ ସକ୍ରିୟ ଥିବା ଜଣାପଡିଛି ।  ଏହି ଅସାଧୁ କାରବରେ କିଛି ମଧ୍ୟସ୍ଥୀ ଓ ଦଲାଲ ସଂପୃକ୍ତ ଥିବା ପୋଲିସ ଅନୁସନ୍ଧାନରୁ ଜାଣିବାକୁ ପାଇଛି ।     ତେବେ ଚୋର ଘର ସବୁବେଳେ ଅନ୍ଧାର ନ ଥାଏ ଭଳିି ଶେଷରେ ପୋଲିସର ହାତରେ ଲାଗିଛି ଗୋଟି ଗୋଟି କରି ପ୍ରମାଣ ।   ବଲାଙ୍ଗୀର ପୋଷ୍ଟ ଅଫିସରେ ଗ୍ରାମୀଣ ଡାକସେବକ ପାଇଁ ପାଇଁ ଆବେଦନ କରିଥିବା କିଛି ଆବେଦନକାରୀଙ୍କ ୁତ୍ତଉତ୍ତପ୍ରଦେଶରୁ ମିଳିଥିବା ଜାଲ ସାଟିର୍ଫିକେଟକୁ ଜାଞ୍ଚ କରିବା ପରେ ସବୁ କଳାକାରନାମା ଉପରୁ ପର୍ଦ୍ଦା ହଟିଥିଲା ।  ଏହି ରେକେଟର ମାଷ୍ଟରମାଇଣ୍ଡ୍ ମନୋଜ ମିଶ୍ର  ଓ ଆଲୋକ ରଂଜନ ଉଦ୍‌ଗାତାଙ୍କ ସମେତ ଘଟଣାରେ ସଂପୃକ୍ତ ଥିବା ଆଉ ୧୭ ଜାଣଙ୍କୁ ଗିରଫ କରିଛି ବଲାଙ୍ଗୀର ଟାଉନ ଥାନା ପୋଲିସ । ଏଥିସହ ନକଲି ସାର୍ଟିଫିକେଟ କାରବାରରେ ବ୍ୟବହୃତ ୪ଟି କଂପ୍ୟୁଟର ସିଷ୍ଟମ, ୨ଟି ଲେପ୍‌ଟପ୍‌, ୩ଟି ପ୍ରିଣ୍ଟର, ଗୋଟିଏ ସ୍କେନର୍ ଗୋଟିଏ ଜରେକ୍ସ ମେସିନ୍‌, ଗୋଟିଏ ମୋବାଇଲ ଫୋନ୍ ସ ୩ଲକ୍ଷ ୬୭ ହଜରା ୬ଠଟ ଟଙ୍କା ଜବତ କରିଛି ।