14-Mar-2023

ବଲାଙ୍ଗୀର - ବଲାଙ୍ଗୀର ଜିଲ୍ଲା ପ୍ରାକୃତିକ ପ୍ରାଚୂର୍ଯ୍ୟ ରେ ଭରପୁର ।ବଲାଙ୍ଗୀର ଜିଲ୍ଲା ଅଗନା ଅଗନି ବନସ୍ତ ଏବଂ ପାହାଡ଼ ପର୍ବତ  ଘେରା ରେ ଅବସ୍ଥିତ ।ସହରରୁ ମାତ୍ର ୫ କିଲୋମିଟର ଗଲେ ପାହାଡ଼ ଏବଂ ଜଙ୍ଗଲ ଆରମ୍ଭ ହୁଏ ।ଜିଲ୍ଲାରେ ଥିବା ଜଙ୍ଗଲ ମାନଙ୍କରେ ବହୁ ମୂଲ୍ୟବାନ ବୃକ୍ଷମାନ ଅଛି । ଅନେକ ଔଷଧୀୟ ବ୍ରୁକ୍ଷମାନ ମଧ୍ୟ ଜଙ୍ଗଲରେ ପରିପୂର୍ଣ୍ଣ ରହିଛି । ପଥର ମାଫିଆ ମାନଙ୍କ ଯୋଗୁ ଜଙ୍ଗଲରେ ଥିବା ଅନେକ ନଭଶ୍ଚୁମ୍ଭି ପାହାଡ଼ ଭାଙ୍ଗି ଚୁରମାର ହୋଇଗଲାଣି । ଯଦ୍ୱାରା ସହରରେ ଗ୍ରୀଷ୍ମ ର ଭୟାବହ ପ୍ରଭାବ ଦେଖାଦେଇଛି । ଜଙ୍ଗଲ ମାଫିଆ ମାନଙ୍କ ପାଇଁ ବଲାଙ୍ଗୀର ଜିଲ୍ଲାର ଜଙ୍ଗଲ ଭୂସ୍ବର୍ଗ ପାଳଟି ଯାଇଛି ।ଜଙ୍ଗଲ ବିଭାଗ ର ନାକ ତଳୁ ହଜାର ହଜାର ଗଛ କଟି ଚୋରା ଚାଲାଣ ହେଉଥିବା ବେଳେ ନାମ ମାତ୍ରକୁ ଧର୍ମକୁ ଆଖି ଠାର ଭଳି ଚୋରା ଚାଲାଣ କାଠ ଧରି ବାହା ବାହା ନେଉଥିବା ପରିଲକ୍ଷିତ ହୁଏ । ସହର ତଥା ଅନତି ଦୂରରେ ଜଙ୍ଗଲ ଭିତରେ ଜଙ୍ଗଲ ର ସହ ସହ ଗଛ କୁ କାଟି ଇଟା ଭାଟି ମାନ କରି ଜଙ୍ଗଲ ଧ୍ଵଂସ କରୁଥିବା ଇଟା ମାଫିଆ ମାନଙ୍କୁ ଅଣଦେଖା କରି ବଟି ଅସୁଲ କରୁଥିବା ଚର୍ଚ୍ଚା ଜୋର ଧରିଛି।କିଛି ଟଙ୍କା ପାଇଁ ମାଁ ସଦୃଶ ଜଙ୍ଗଲ କୁ ଇଟା ଭାଟି ମାଫିଆ ହାତରେ ଟେକି ଦେଇଥିବା ଚର୍ଚ୍ଚା ହେଉଛି। କାଠ ଚୋରା ଚାଲାଣ ରୋକିବା ପାଇଁ ବିଗତ ଦିନରେ ସହର ବାହାରେ ଫରେଷ୍ଟ ଟୋଲ ଗେଟ୍ ମାନ ଥିଲା ।କେଉଁ କାରଣରୁ ଫରେଷ୍ଟ ଟୋଲ ଗେଟ୍  ଉଠାଇ ଦିଆଗଲା ଜଣା ପଡୁ ନାହିଁ । ଯେଉ ପରିମାଣରେ ଜଙ୍ଗଲ କଟୁଛି,ତାକୁ ରୋକା ନ ଗଲେ ଆଗାମୀ ଦିନରେ ବଲାଙ୍ଗୀର ଜଙ୍ଗଲ ଶୂନ୍ୟ ହୋଇଯିବ ।ଏଣୁ ଜଙ୍ଗଲ ବିଭାଗ ସଜାଗ ରହିବା ଉଚିତ୍ ବୋଲି ବୁଦ୍ଧିଜୀବୀ ମହଲରେ ଚର୍ଚ୍ଚା ହୁଏ ।