06-Dec-2020

ସମ୍ବଲପୁର,(ସଞ୍ଜିବ ପାଣିଗ୍ରାହୀଙ୍କ ରିପୋର୍ଟ): କୁଲତା ସମାଜ ସମ୍ବଲପୁର ର ନୂତନ ସଭାପତି ଭାବରେ ପୁଣି ଥରେ ଯଶୋବନ୍ତି ନାୟକ ମନୋନୀତ ହୋଇଥିବା ବେଳେ ଦେବତ୍ତମ ପ୍ରଧାନ ସାଧାରଣ ସମ୍ପାଦକ ଭାବେ ମନୋନୀତ ହୋଇଛନ୍ତି I ବରିଷ୍ଠ ସଭ୍ୟା ଦମୟନ୍ତୀ ପ୍ରଧାନ ଓ କୃପାସିନ୍ଧୁ ଖମାରି (ଉପ ସଭାପତି ), ଚୁଡା ମଣି ବାରିକ ଓ  ଅକ୍ଷୟ ପ୍ରଧାନ (ସହ ସମ୍ପାଦକ) ରଞ୍ଜନ ପାତ୍ର ସାଙ୍ଗଠନିକ ସମ୍ପାଦକ ଏବଂ ଅଭିରାମ ଖମାରି ପୁଣି ଥରେ କୋଷାଧକ୍ଷ ମନୋନୀତ  ହୋଇଛନ୍ତି I ସ୍ଥାନୀୟ ରାମଚଣ୍ଡୀ ସେବାସଦନ ଠାରେ କରୋନା କଟକଣା, ସାମାଜିକ ଦୂରତ୍ୱ ଅବଲମ୍ବନ ପୂର୍ବକ  ଅନୁଷ୍ଠିତ ଏହି କାର୍ଯ୍ୟକ୍ରମ କୁ ନିର୍ବାଚନ ଅଧିକାରୀ ପ୍ର. କାମଦେବ ସାହୁ ଏବଂ ସଦାନନ୍ଦ ପ୍ରଧାନ ପରିଚାଳନା କରିଥିଲେ l ଏହା ସହିତ ଶିକ୍ଷା, ସ୍ୱାସ୍ଥ୍ୟ, କୃଷି, ସଂସ୍କୃତି ଆଦି ବିଭିନ୍ନ ଉପ କମିଟି ଗଠନ କରାଯାଇଛି l ଏହି କମିଟି ଆଗାମୀ ୩ ବର୍ଷ ପର୍ଯ୍ୟନ୍ତ କାର୍ଯ୍ୟକରିବ l ଦିଲ୍ଲୀ ରେ ଚାଲିଥିବା କୃଷକ ଆନ୍ଦୋଳନ କୁ ସଭାରେ  ସମର୍ଥନ କରିବା ସହିତ ସ୍ୱାମୀ ନାଥନ କମିଶନ ଙ୍କ ସୁପାରିଶ କୁ ଶୀଘ୍ର  କାର୍ଯ୍ୟକାରି କରାଯାଉ ବୋଲି ଦାବି କରାଯାଇଥିଲା l