05-Mar-2023

ବୀରମହାରାଜପୁର,(ବିନୋଦ ପାଣ୍ଡେ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ବାଗବର ହାଇସ୍କୁଲ ପଡ଼ିଆରେ ‌ଚତୁର୍ଥ  ମାଁ' ମାହେଶ୍ୱରୀ ଭେଟରେନ ଫୁଟବଲ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି। ଫାଇନାଲ ମ୍ୟାଚରେ ଏମ ଏମ ଭି ସି ବାଗବରକୁ ଟାଇବ୍ରେକର ଜରିଆରେ ହରାଇ ବଲାଙ୍ଗୀର ଦଳ ଚାମ୍ପିଅନ ହୋଇଥିଲା । ଏହି ଫୁଟବଲ ଟୁର୍ଣ୍ଣାମେଣ୍ଟ ବଲାଙ୍ଗୀର, ସୋନପୁର, ବୁର୍ଲା,ଗୋଡଭଗା ଓ ବାଗବର ଦଳ ଅଂଶଗ୍ରହଣ କରିଥିଲେ।ଉଦଘାଟନୀ ଦିବସରେ ବୀରମହାରାଜପୁର ବ୍ଲକ ଉପାଧ୍ୟକ୍ଷ ନାରାୟଣ ଲୁହା ମୁଖ୍ୟ ଅତିଥି ବରିଷ୍ଠ ସାମ୍ବାଦିକ ରବିନ୍ଦ୍ର ହୋତା ସମ୍ମାନିତ ଅତିଥି ଭାବେ ଯୋଗଦେଇ ଫୁଟବଲ ଟୁର୍ଣ୍ଣାମେଣ୍ଟ ର ଶୁଭାରମ୍ଭ କରିଥିଲେ। ପୁରସ୍କାର ବିତରଣ ଉତ୍ସବରେ ବୀରମହାରାଜପୁର ବିଧାୟକ ପଦ୍ମନାଭ ବେହେରା ମୁଖ୍ୟ ଅତିଥି, ପୂର୍ବତନ ବ୍ଳକ ଅଧ୍ୟକ୍ଷ ରଞ୍ଜିତ କୁମାର ରଥ, ବିହାରୀ ଲାଲ ମିଶ୍ର,ହିଲୁଙ୍ଗ ସମିତି ସଭ୍ୟ ଶୈଳରଞ୍ଜନ ବାଦି, ଉପଖଣ୍ଡ ପୋଲିସ ଅଧିକାରୀ ଡୋଳାମଣି ଭୋଇ, ଇଣ୍ଡିଆନ ଅଭରସି ବ୍ୟାଙ୍କ ମ୍ୟାନେଜର, ବାଗବର ସରପଞ୍ଚ ନିରୂପମା ବଗର୍ତ୍ତି ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ଉଭୟ ଦଳକୁ ପୁରସ୍କାର ବିତରଣ କରିଥିଲେ। ପ୍ରଶାନ୍ତ ସେଠୀ, ଟିକୁ ବଡ଼ପଣ୍ଡା ଓ ରାଜେଶ ଥନାପତି ଖେଳ ପରିଚାଳନା କରିଥିବା ବେଳେ ଅଭିମନ୍ୟୁ ବଗର୍ତ୍ତି ଓ ସାମ୍ବାଦିକ ସନାତନ ନାଗ ଧାରାବିବରଣୀ ପ୍ରଦାନ କରିଥିଲେ । କମିଟିର ସଭାପତି ଆଲୋକ କୁମାର ଦେହୁରୀ, ସମ୍ପାଦକ ଭଗବାନ କର୍ଣ,ଅରିବିନ୍ଦ ଦେହୁରୀ, ରଞ୍ଜନ ମହାକୁର, ଆର୍ତ୍ତତ୍ରାଣ ଭୋଇ, ଭକ୍ତରାମ କ୍ଷେତି,ରୁଦ୍ରମଣି ବଗର୍ତ୍ତି,  ଗୁରୁ ଚରଣ ଡାଙ୍ଗ, ସିଦ୍ଧାର୍ଥ ପାତ୍ର ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ।