02-Mar-2023

ଆଗଲପୁର, (ବିନୋଦ  କୁମାର ଦୀପ) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ଅନ୍ତର୍ଗତ ଉପରବାହାଲ ଗ୍ରାମ ପଞ୍ଚାୟତ ଅଧୀନ ଫଟାମୁଣ୍ଡା ଗ୍ରାମବାସୀ ଇନପୁଟ ସବସିଡି ପାଇ ନ ଥିବାରୁ ଆଜି ତହସିଲଦାର ସୁଶ୍ରୀ ସରୋଜା ବେହେରା ଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି  l  ୨୦୨୧-୨୩ ଆର୍ଥିକ ବର୍ଷରେ ଆଂଶିକ ବର୍ଷା ହେବାରୁ ଚାଷ ରେ ପ୍ରଭାବିତ ହୋଇଥିଲା ତେଣୁ ସରକାରଙ୍କ ନିର୍ଦ୍ଦେଶ କ୍ରମେ ମରୁଡି ଘୋଷଣା ହୋଇ ସରକାରୀ ପ୍ରୋତ୍ସାହନ ରାଶି ଉପଯୁକ୍ତ ଚାଷୀଙ୍କୁ ଚିହ୍ନଟ କରାଯାଇ କ୍ଷତି ପୂରଣ ଦେବା ପାଇଁ ଘୋଷଣା କରାଯାଇଥିଲା l ଏଣୁ ଗ୍ରାମ୍ୟ କୃଷି କର୍ମୀ ତହସିଲର କର୍ମଚାରୀଙ୍କ ଉଚିତ ଚାଷୀଙ୍କ ଫସଲ ନଷ୍ଟ ତଥା ଜମିକୁ ଯାଇ ଅନୁଧ୍ୟାନ କରି ବିବରଣୀ ଦେବା କଥା କିନ୍ତୁ ଉଭୟଙ୍କ କାଗଜପତ୍ରରେ ତାଲମେଲ ହେଉ ନ ଥିବାରୁ କେତେକ ଚାଷୀ ଏହି ଇନପୁଟ ସବସିଡି ପାଇବାରୁ ବଞ୍ଚିତ ହେଇଥିବା ଅଭିଯୋଗ କରିଛନ୍ତି l 

ଉକ୍ତ ବର୍ଷର ସରକାରୀ ତଦନ୍ତ ରିପୋର୍ଟ ମୁତାବକ ଉକ୍ତ ଗ୍ରାମ କୁ  ୧୮ହେକ୍ଟର ଜମିର କ୍ଷତି ପୂରଣ ହୋଇଥିବା ସୂଚନା ମିଳେ ଓ ଏହି ଗ୍ରାମ ପଞ୍ଚାୟତରେ ୭୭ହେକ୍ଟର ଜମି କ୍ଷତି ଗ୍ରସ୍ତ ରିପୋର୍ଟ ହୋଇ ଥିବା ତହସିଲ ରିପୋର୍ଟରୁ ପ୍ରକାଶ l ଏହି ଗ୍ରାମର ଚାଷୀ ମାନେ ଦାବି କରିଛନ୍ତି ଯେ ପୁନଃ ଚାଷ ଜମିର ତଦନ୍ତ ପୂର୍ବକ କ୍ଷତିପୂରଣ ପ୍ରଦାନ ପୂର୍ବକ ଉକ୍ତ ସମୟର ଭି.ଏ ଡ଼ବଲୁ , ଆର୍ ଆଇ ତଥା ଅନ୍ୟାନ୍ୟ କର୍ମଚାରୀଙ୍କ ପ୍ରତି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ବୋଲି କହିଛନ୍ତି l ଅପର ପକ୍ଷରେ ତହସିଲଦାର୍ ପ୍ରତିଶ୍ରୁତି ଦେଇଛନ୍ତି ଯେ ପୁନଃ ସମସ୍ତ ଚାଷୀ ନଥିପତ୍ର ଦେଲେ ଗତ ପ୍ରସ୍ତୁତ ନାମ ତାଲିକା ସହିତ ତାଲମେଲ କରି ଯଦି ସମ୍ଭବ ହୁଏ ତେବେ ଜିଲ୍ଲାପାଲଙ୍କ ଠାରୁ ଆର୍ଥିକ ସହାୟତା ରାଶି ଆଣିବେ ବୋଲି ମତପ୍ରକାଶ କରିଛନ୍ତି l