01-Mar-2023

ନାକଟିଦେଉଳ(କନ୍ଦର୍ପ ବେହେରା) - ରାଜ୍ୟର ବିଭିନ୍ନ ଅଂଚଳରେ ବର୍ତମାନ ନିଆଁ ଲାଗିବା ଆରମ୍ଭ ହୋଇଥିବା ବେଳେ ଜଙ୍ଗଲରେ କିପରି ନିଆଁ ନ ଲାଗିବ ସେ ସଂପର୍କରେ ଖଲାଶୁଣି ରେଞ ଅଂଚଳରେ ଏକ ଦାଶକାଠିଆ ମାଧ୍ୟମରେ ଜନସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।
ବାମରା ଡିଭିଜନ୍ ଖଲାଶୁଣି ରେଞ ଅଧିନସ୍ଥ ରଙ୍ଗିଆଟିକିରା , କୁହ୍ଲିଆନାଳି , ଗିରିଶ୍ଚନ୍ଦ୍ରପୁର, ଦଣ୍ଡାଢିପ, ପୋଡାଖୁଳ, ମହୁଲପାଲି , ହିକପାଲି ଆଦି ଗ୍ରାମ ଗୁଡିକରେ ଦାଶକାଠିଆ ମାଧ୍ୟମରେ ଜଙ୍ଗଲରେ କିପରି ନିଆଁ ନ ଲାଗିବ ସେ ସଂପର୍କରେ ଜନସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ବନବିଭାଗ ତରଫରୁ ଏଭଳି ପ୍ରୟାସ ଯୋଗୁଁ ଲୋକମାନଙ୍କ ମଧ୍ୟରେ ସଚେତନତା ସୃଷ୍ଟି ହେଉଥିବା ଜଣା ପଡିଛି । ଜଙ୍ଗଲରେ ନିଆଁ ଲାଗିଲେ ପରିବେଶ ତଥା ଜୀବ ଜନ୍ତୁମାନଙ୍କ ଉପରେ କି ପ୍ରକାର ପ୍ରଭାବ ପଡୁଛି ସେ ସଂପର୍କରେ ଦାଶକାଠିଆ ମାଧ୍ୟମରେ ସଚେତନତା କରାଯାଉଛି । ଆଗାମୀ ଦିନରେ ବାମରା ଡିଭିଜନ ତରଫରୁ ବିଭିନ୍ନ ଗ୍ରାମକୁ ଯାଇ ଏଭଳି କାର୍ଯ୍ୟକ୍ରମ ହାତକୁ ନିଆଯିବ ବୋଲି ବନବିଭାଗ ପ୍ରକାଶ କରିଛି । ଜଙ୍ଗଲରେ ନିଆଁ ନ ଲଗାଇବା ପାଇଁ ଦାଶକାଠିଆ କଳାକାରମାନଙ୍କର ନିଖୁଣ ଅଭିନୟ ଦର୍ଶକଙ୍କୁ ଅଭିଭୁତ କରିପକାଉଛି । ବନବିଭାଗ କର୍ମଚାରୀମାନେ ଏହି ଦାଶକାଠିଆ କାର୍ଯ୍ୟକ୍ରମରେ ସହଯୋଗ କରିଥିଲେ । ରେଞ ଅଧିକାରୀ ରବିନ୍ କିସକୋ , ଅନୁରାଧା ଖରସେଲ୍ ତଥା ବନବିଭାଗର କର୍ମଚାରୀମାନେ ଏହି କାର୍ଯ୍ୟକ୍ରମରେ ସହଯୋଗ କରିଥିଲେ ।