01-Mar-2023

ପାଟଣାଗଡ଼-ଆଜି ପାଟଣାଗଡ଼ ବ୍ଲକ କେନ୍ଦୁମୁଣ୍ଡି ଠାରେ ସୁବ୍ରତ ସ୍ମାରକୀ ଶ୍ରୀ ଶ୍ରୀ ଜଗନ୍ନାଥ ମନ୍ଦିରର ପ୍ରତିଷ୍ଠା ସମାରୋହ ପାଳିତ ହୋଇଯାଇଛି । ପ୍ରତିଷ୍ଠା ଦିବସ ଅବସରରେ ନାମଯଜ୍ଞ, ରାମାୟଣ ପରାୟଣ, ପ୍ରବଚନ ଆଦି ଆଧ୍ୟାତ୍ମିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ମନ୍ଦିରର ପ୍ରତିଷ୍ଠାତା ଶ୍ରୀମତୀ ରାଜକୁମାରୀ ମେହେର, ଘନଶ୍ୟାମ ମେହେର ଓ କେନ୍ଦୁମୁଣ୍ଡି ଗ୍ରାମବାସୀଙ୍କ ସହଯୋଗରେ ଏହା ଫେବୃୟାରୀ ୨୨ ତାରିଖରୁ ଆରମ୍ଭ ହୋଇ ମାର୍ଚ୍ଚ ୧ ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବ । ପ୍ରତ୍ୟେକ ଦିନ କଂସ ଦରବାର , ଭଗବତ ପଠନ, ଅପେରା, ଦଣ୍ଡନୃତ୍ୟ , ୨୪ପ୍ରହର ନାମଯଜ୍ଞ ଓ ପ୍ରସାଦ ସେବନ ରେ ଭକ୍ତ ମାନେ ଭାଗ ନେଉଛନ୍ତି । ଏଥିରେ ଅତିଥି ଭାବରେ ରାଜ୍ୟ ସଭା ସାଂସାଦ ନିରଂଜନ ବିଶି ବଲାଙ୍ଗୀର ନାଗରିକ କମିଟିର ସଂପାଦକ ମନୋରଂଜନ ସାହୁ ଓ ସିଏ ଶ୍ରୀକାନ୍ତ ଶର୍ମା ଯୋଗ ଦେଇ ଥିଲେ । ସୂଚନାଯୋଗ୍ୟ ଯେ କେନ୍ଦୁମୁଣ୍ଡିର ଏହି ଜଗନ୍ନାଥ ମନ୍ଦିର ଟି କେନ୍ଦୁମୁଣ୍ଡିର ଗ୍ରାମବାସୀଙ୍କ ସଂପୂର୍ଣ୍ଣ ଶ୍ରମଦାନରେ ଠିଆ ହୋଇଛି । ଏହାର ପ୍ରତିଷ୍ଠାତା ଘନଶ୍ୟାମ ମେହେର ନିଜର ପୁତ୍ର ସ୍ୱର୍ଗତ ଇଂ ସୁବ୍ରତ ମେହେରଙ୍କ ସ୍ମୃତିରେ ଏହ ମନ୍ଦିରକୁ ନିର୍ମାଣ କରିଛନ୍ତି