15-Feb-2023

କର୍ଲାମୁଣ୍ଡା(ପ୍ରଦିପ କୁମାର ସାହୁ) କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ର ବିଭିନ୍ନ ପଞ୍ଚାୟତ  କାର୍ଯଳୟ ରେ ବିଜେଡି ପକ୍ଷରୁ ବିଜେଡି କର୍ମୀମାନେ ବିକ୍ଷୋଭ ପ୍ରଦର୍ଶନ ସହ ଦାବିପତ୍ର ପ୍ରଦାନ କରିଛନ୍ତି।ପ୍ରଧନମନ୍ତ୍ରୀ ଗରିବ କଲ୍ୟାଣ ଅନ୍ନ ଯୋଜନାରେ ରାଜ୍ୟର ଗରିବ ପରିବାରକୁ ମୁଣ୍ଡପିଛା  ପାଞ୍ଚ କେଜି ଚାଉଳ ଯୋଗାଣ ରୁ କେନ୍ଦ୍ର ସରକାର ବଞ୍ଚିତ କରିଥିବା ନିଷ୍ପତି ବିରୋଧରେ ସର୍ଗୁଲ ମାଳପଡା ଗ୍ରାମପଞ୍ଚାୟତ କାର୍ଯ୍ୟାଳୟ ସମ୍ମୁଖରେ ବ୍ଲକ ବିଜେଡି ଯୁବ ସଭାପତି ସଙ୍ଗୀତ ଭୋଇ ଙ୍କ ନେତୃତ୍ୱରେ ପଞ୍ଚାୟତ  ସଭାପତି ସୁରେନ୍ଦ୍ର ସାହୁ ,  ପୂର୍ବତନ ସରପଞ୍ଚ ସଂଯୁକ୍ତା ସାହୁ ,ମହେନ୍ଦ୍ର ସାହୁ, ଦଇତାରୀ ସାହୁ, ଅନନ୍ତ ବାଗ ପ୍ରମୁଖ ବିଜେଡି କର୍ମୀ ଓ ଖାଉଟି ଯୋଗ ଦେଇ ଦାବିପତ୍ର ପ୍ରଦାନ କରିଥିଲେ।ସେହିପରି ରିଂଜା ପଞ୍ଚାୟତ ରେ ପଞ୍ଚାୟତ ବିଜେଡି ସଭାପତି ଗିରିଧାରୀ ମାଝୀ ଙ୍କ ନେତୃତ୍ୱରେ କର୍ମୀମାନେ ଦାବିପତ୍ର  ପ୍ରଦାନ କରିଥିବା ବେଳେ ରାଜପୁର ପଞ୍ଚାୟତ ରେ ମଧ୍ୟ ବିଜେଡି ନେତା ତଥା ଜିଲ୍ଲା ପରିଷଦ ସଭ୍ୟ ମହେନ୍ଦ୍ର ରଣା, ବିଜେଡି କର୍ମୀ ସ୍ଵାଗତ ଭୋଇ ଓ ବିଜେଡି କର୍ମୀମାନେ ଦାବିପତ୍ର ପ୍ରଦାନ କରିଥିଲେ।

ରିଷିଡା ପଂଚାୟତ ରେ ଅନୁଷ୍ଠିତ କାର୍ଯ୍ୟକ୍ରମରେ ବିଜେଡି ପଂଚାୟତ ସଭାପତି ନନ୍ଦକିଶୋର ରଣା ଙ୍କ ନେତୃତ୍ୱରେ ଜିଲ୍ଲା ପରିଷଦ ସଭ୍ୟ ମହେନ୍ଦ୍ର ରଣା, ସରପଞ୍ଚ ସେବତୀ ରଣା, ଛାତ୍ର ବିଜେଡି ସଭାପତି ସଲିମ ଶେଖର ରଣା, ତ୍ରିଶଙ୍କ ରଣା, ପ୍ରେମାନନ୍ଦ ପାତ୍ର, ଅନ୍ତର୍ଯ୍ୟାମୀ ସାହୁ, ରଞ୍ଜନ ନାଏକ, ମୁକେଶ ନାଏକ, ତାରାଚନ ପୋଡ଼ ପ୍ରମୁଖ ସାମିଲ ହୋଇ ଦାବିପତ୍ର ପ୍ରଦାନ କରିଥିଲେl