07-Feb-2023

ଉଲୁଣ୍ଡା(ଗୌରଚନ୍ଦ୍ର ପରିଛା) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ କୋଟସମଲେଇ ଠାରେ ନବନିର୍ମାଣ କୃଷକ ସଂଗଠନର ଏକ ବୈଠକ ଅନୁଷ୍ଠିତ ହୋଇଯାଇଛି । ନିତିନ ପଧାନଙ୍କ ସଭାପତିତ୍ୱରେ ହୋଇଥିବା ଏହି ବୈଠକରେ ପୁରୀ ଜିଲ୍ଲା କୃଷକ ସଂଗଠନର ପ୍ରଭାରୀ ଚିନୁ ଦାସ ଅତିଥି ଭାବରେ ଯୋଗଦେଇଥିଲେ । ବୈଠକରେ ଚାଷୀ ମାନଙ୍କର ରହିଥିବା ବିଭିନ୍ନ ସମସ୍ୟା ଉପରେ ଆଲୋଚନା କରିଥିଲେ । ବିଶେଷକରି ପଡୋଶୀ ରାଜ୍ୟ ଆନ୍ଧ୍ର ଏବଂ ତେଲେଙ୍ଗାନା ସରକାର ଚାଷିଙ୍କୁ ଧାନର ଉଚିତ ମୁଲ୍ୟ ଦେବା ସହ ବାର୍ଦ୍ଧକ୍ୟ ଭତା ଦୁଇ ହଜାର ଟଙ୍କା ପ୍ରଦାନ କରୁଛନ୍ତି । କିନ୍ତୁ ଓଡିଶା ସରକାର ଚାଷିଙ୍କୁ ଅଣଦେଖା କରିବା ସହ ବାର୍ଦ୍ଧକ୍ୟ ଭତା ୫ଶହ ଟଙ୍କା ଦେଉଛନ୍ତି । ଫଳରେ ଚାଷୀ ମହଲରେ ଅସନ୍ତୋଷ ଦେଖାଦେଇଛି । ଏଣୂ ଆଗାମି ୮ ତାରିଖ ଦିନ ବିଭିନ୍ନ ଦାବି ଯଥା ବାର୍ଦ୍ଧକ୍ୟ ଭତା ୨ହଜାର ପ୍ରଦାନ କରିବା,ଧାନ କ୍ୱିଂଟାଲ ପିଛା ୨୯୩୦ ଟଙ୍କା ଘୋଷଣା କରିବା, କୃଷିରୂଣ ଛାଡ କରିବା, ଚାଷିଙ୍କ ପାଇଁ ଏକର ପିଛା ୧୦ହଜାର ଟଙ୍କା ପ୍ରୋତ୍ସାହନ ରାଶି ପ୍ରଦାନ କରିବା, ଚାଷ କାର୍ଯ୍ୟପାଇଁ ମାଗଣା ବିଦ୍ୟୁତ ପ୍ରଦାନ କରିବା, ସମସ୍ତ ବକେୟା ବିଦ୍ୟୁତ ବିଲ ଛାଡ କରିବା ଆଦି ବିଭିନ୍ନ ଦାବି ନେଇ ଜିଲ୍ଲାପାଲଙ୍କ ଅଫିସ ଘେରାଉ କରାଜିବା ନେଇ ପ୍ରସ୍ତାବ ହୋଇଥିଲା । ଏହି ଆନ୍ଦୋଳନରେ ହଜାର ହଜାର ଚାଷି ସାମିଲ ହେବା ପାଇଁ କୃଷକ ସଂଗଠନର ପ୍ରଭାରୀ ଶ୍ରୀଯୁକ୍ତ ଦାସ ଆହ୍ୱାନ ଦେଇଥିଲେ । ବୈଠକରେ ଅନ୍ୟମାନଙ୍କ ମଧ୍ୟରେ ମହାଦେବ ତରିଆ, ତ୍ରୀଲୋଚନ ନାକଏ, ବୀର ପଧାନଙ୍କ ସମେତ ବହୁ ଚାଷୀ ଉପସ୍ଥିତ ରହିଥିଲେ ।