26-Jan-2023

ଖପ୍ରାଖୋଲ(ପ୍ରେରଣା ଖବର)-ବଲାଙ୍ଗୀର ଜିଲ୍ଲା ଖପ୍ରାଖୋଲ ବ୍ଲକ ରେଙ୍ଗାଲି ପଂଚାୟତରେ  ଗତ ଜାନୁୟାରୀ ୨୪ ତାରିଖରୁ ଆରମ୍ଭ ହୋଇଥିବା ତିନିଦିନିଆ କ୍ରୀଡା ମହୋତ୍ସବ ଉଦ୍‌ଯାପିତ ହୋଇଯାଇଛି । ଆଜି ଉଦ୍‌ଯାପନୀ ଦିବସରେ ମୁଖ୍ୟ ଅତିଥି ଭାବରେ ପାଟଣାଗଡ଼ ବିଧାୟକ ସରୋଜ ମେହେର ଯୋଗ ଦେଇ ଖେଳାଳି ମାନଙ୍କୁ ଉତ୍ସାହିତ କରିବା ସହ ବିଜୟୀ ଦଳକୁ ପୁରସ୍କୃତ କରିଥିଲେ । ଅନ୍ୟତମ ଅତିଥି ଭାବରେ ଖପ୍ରାଖୋଲ ବ୍ଲକ ଅଧ୍ୟକ୍ଷା ନିରୂପମା ପଟେଲ ଓ ଉପାଧ୍ୟକ୍ଷ ସୁଖୀରାମ ଷାଣ୍ଢ, ରଙ୍ଗେଲି ସରପଂଚ ଉମାକାନ୍ତ ମେହେର ଓ ନାଏବ ସରପଂଚ ବିନୋଦିନୀ ନାଗ ପ୍ରମୁଖ ମଂଚାସୀନ ଥିଲେ । କ୍ରୀଡା ମହୋତ୍ସବ ଅବସରରେ ପଂଚାୟତରେ ଏକ ମଶାଲ ଶୋଭାଯାତ୍ରା ର ଆୟୋଜନ କରାଯାଇଥିଲା । କ୍ରୀଡା ମହୋତ୍ସବରେ ୨ଠଟି ବିଭିନ୍ନ ଆଉଟଡୋର୍ ଗେମ ଖେଳାଯିବା ସହ ପ୍ରାୟ ୧୩ଠରୁ ଅଧିକ ପ୍ରତିଯୋଗୀଙ୍କୁ ପୁରସ୍କୃତ କରାଯାଇଥିଲା ।

ଜଳନ୍ଧର ବେହେରା, ଅଶୋକ ରଣା ଓ ମାଧବନ ସାହୁ ଖେଳକୁ ପରିଚାଳନା କରିଥିଲେ ।  ତୁଳସୀ ଦୀପ, ଦାଶରଥୀ ମଲ୍ଲିକ, ପବିତ୍ର ବାଗ, ଯୋଗେଶ୍ୱର ପୁଟା, ସୁରଥ ଗଡତିଆ, ରାମ ଦୀପ, ସୁନ୍ଦରକାନ୍ତ ବେହେରା, ଘନ ଧରୁଆ ପ୍ରମୁଖ କ୍ରୀଡା ମହୋତ୍ସବକୁ ସଫଳ କରିବାରେ ବିଶେଷ ସହଯୋଗ କରିଥିଲେ ।  ଏହି କ୍ରୀଡା ମହୋତ୍ସବକୁ ସଫଳ କରିବାରେ ମିଶନ ଶକ୍ତିର ମହିଳା, ଗାଁ ସାଥୀ ଓ ପଂଚାୟତର ସମସ୍ତ ସମିତି ସଭ୍ୟ/ସଭ୍ୟା ସହଯୋଗ କରିଥିଲେ ।