25-Jan-2023

ବଲାଙ୍ଗିର(ପ୍ରେରଣା ଖବର) - ଜିଲ୍ଲା ଶିଶୁ ସୁରକ୍ଷା ୟୁନିଟ ବଲାଙ୍ଗିର ତରଫରୁ ସପ୍ତାହ ବ୍ୟାପି ଶିଶୁ କନ୍ୟା ଦିବସ ପାଳନର ଶୁଭାରମ୍ଭ ଅବସରରେ ଜିଲ୍ଲାପାଳଙ୍କ କାର୍ଯ୍ୟାଳୟ ସାମନାରୁ ପୁଇଁନ୍ତଲା ଓ ବଲାଙ୍ଗିର ବ୍ଲକର ପ୍ରାୟ ୩୫୦ ଜଣ ହାଇସ୍କୁଲ ଓ ଯୁକ୍ତ ଦୁଇ  ଛାତ୍ର ଛାତ୍ରୀ ଏକ ସଚେତନତା ଶୋଭାଯାତ୍ରା ବାହାରି ଟାଉନ ବାଳିକା ଉଚ୍ଚ ବିଦ୍ୟାଳୟ ବଲାଙ୍ଗିର ପର୍ଯ୍ୟନ୍ତ ବିଭିନ୍ନ ସ୍ଲୋଗାନ ଦେଇ ପହଞ୍ôଚ ଥିଲା । ଏହି ଶୋଭାଯାତ୍ରାକୁ ଜିଲ୍ଲା ଶିଶୁ ସୁରକ୍ଷା ଅଧିକାରୀ ଲକ୍ଷ୍ମୀ ସିଂହ ଓ ସହକାରୀ ଜିଲ୍ଲାପାଳ, ରାଜସ୍ୱ ବଲାଙ୍ଗିର ର ଡା. ଇପ୍‌ସିତା ପାତ୍ର ମିଳିତ ଭାବେ ସବୁଜ ପତାକା ହଲାଇ ଶୁଭାରମ୍ଭ କରାଇଥିଲେ । ଶୋଭାଯାତ୍ରା ଉଦ୍‌ଘାଟନି ସମାରୋହରେ ଅନ୍ୟମାନଙ୍କ ମଧ୍ୟରେ  ସୁରକ୍ଷା ଅଧିକାରୀ ଜୟନ୍ତି ମହାନ୍ତି, ଟାଉନ ବାଳିକା ବିଦ୍ୟାଳୟର ପ୍ରଧାନ ଶିକ୍ଷକ ନରେନ୍ଦ୍ର ମିଶ୍ର, ଶିକ୍ଷକ, ଶିକ୍ଷୟତ୍ରୀ ସରୋଜ ମାଝି, ସତ୍ୟାନନ୍ଦ ବିଶ୍ୱାଲ, ସତ୍ୟଜିତ ବୁଡେକ, ନନ୍ଦିନୀ ସାହୁ,  ରଂଜିତା ତରିଆ, ଅରୁନ୍ଧତି ବଢେଇ, ତପସ୍ମିନୀ ମହାପାତ୍ର ପ୍ରମୁଖ ଶୋଭାଯାତ୍ରାକୁ ଉପସ୍ଥିତ ରହି ପରିଚାଳନା କରିଥିଲେ । ଶୋଭାଯାତ୍ରାଟି ଟାଉନ ବାଳିକା ଉଚ୍ଚ ବିଦ୍ୟାଳୟ ରେ  ପହଞ୍ôଚବା ପରେ  ଲକ୍ଷ୍ମୀ ସିଂହଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉଦ୍‌ଘାଟନି ଉତ୍ସବରେ ବଲାଙ୍ଗିର ଜିଲ୍ଲା  ଅତିରିକ୍ତ ଶିକ୍ଷାଧିକାରୀ କେଶବ ମେହେର ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ବିଇଓ ଲୋକନାଥ ସୁନା, ସୁରକ୍ଷା ଅଧିକାରୀ ଜୟନ୍ତି ମହାନ୍ତି ସମ୍ମାନିତ ଅତିଥି ଭାବେ ଯୋଗ ଦେଇଥିଲେ ।

ଏହା ପରେ ଛାତ୍ର ଛାତ୍ରୀମାନଙ୍କୁ ନେଇ କୁଇଜ, ବକ୍ତୃତା, ନୃତ୍ୟ ପ୍ରତିଯୋଗିତା ଏବଂ ଆତ୍ମରକ୍ଷା କୌଶଳ ପ୍ରଦର୍ଶନ ହୋଇଥିଲା ।  ପ୍ରତିଯୋଗିତାର ଫଳାଫଳକୁ  ଡିଆଇଟି ବଲାଙ୍ଗିର ର ପ୍ରଶିକ୍ଷିକା ଚିନ୍ମୟି ସାହୁ, ଅଳକା ସାମଲ, ସପ୍ନା ସେଠ ବିଚାର କରିଥିଲେ ।  ଏହାପରେ କୃତି ପ୍ରତିଯୋଗିମାନଙ୍କୁ ମୁଖ୍ୟ ଅତିଥି ଉପ-ଜିଲ୍ଲାପାଳ ବଲାଙ୍ଗିର କୁମାର ନାଗଭୂଷଣ ମେଡାଲ ଓ ପ୍ରମାଣପତ୍ର ପ୍ରଦାନ କରିଥିଲେ ।  ପୁରସ୍କାର ବିତରଣ ସମୟରେ ସମ୍ମାନିତ ଅତିଥି ଭାବେ ତହସିଲଦାର ବଲାଙ୍ଗିର ଡା. ପଣ୍ଡା ଓ ଅଧ୍ୟକ୍ଷ  ସିଡବ୍ଲୁସି ବଲାଙ୍ଗିର ଲମ୍ବୋଦର ଦୀପ ଉପସ୍ଥିତ ଥିଲେ । ଶେଷରେ ଡିସିପିୟୁର ଦିଗମ୍ବର କର ଧନ୍ୟବାଦ ଦେଇଥିବା ବେଳେ ସମସ୍ତ କାର୍ଯ୍ୟକ୍ରମକୁ ସଂପୃକ୍ତ ସ୍କୁଲ ଓ କଲେଜର ଶିକ୍ଷକ ଶିକ୍ଷକ, ଅଧ୍ୟପକା, ଅଧ୍ୟାପିକା, ଡିସିପିୟୁର ଚୁଡାମଣି ପଣ୍ଡା, ଅରୁଖ ଖୁଆସ, ସୁଧାଂଶୁ କୁମ୍ଭାର ସକ୍ରିୟ ସହଯୋଗ କରିଥିଲେ ।