24-Jan-2023

ବଙ୍ଗୋମୁଣ୍ଡା ବ୍ଲକ ଅନ୍ତର୍ଗତ ସିନ୍ଧେକେଲା ସ୍ଥିତ ପଲ୍ଲିଶ୍ରୀ ହାଇସ୍କୁଲ ଖେଳ ପଡ଼ିଆରେ ଚାଲିଥିବା ବିରାଟ ଧନୁଯାତ୍ରା ଗତକାଲି ପଞ୍ଚମ ଦିବସରେ ପହଞ୍ଚିଥିଲା । ସନ୍ଧ୍ୟାରେ ମହାରାଜ କଂସ ହାତି ଉପରେ ବସି ନଗର ଭ୍ରମଣ କରିଥିଲେ । ପଞ୍ଚମ ଦିବସରେ ଗୋପୀଙ୍କ ମଥୁରାରେ ଦଧିବିକା, ଯମୁନା ନଦୀ ନାମରେ ନାମିତ କରାଯାଇଥିବା ତେଲସରାଇ ନିକଟସୁଜାନବନ୍ଧ ରେ ନାବକେଳୀ ଦୃଶ୍ୟ, ବଣଭୋଜି , କାଳିଆ ଦଳନ ରେ କଂସ ଚିନ୍ତିତ, ନାରଦଙ୍କ ଆଗମନ , ରଙ୍ଗସଭା ପାଇଁ ଆମନ୍ତ୍ରଣ, ଧନୁଯାତ୍ରାରମ୍ଭ , ଅକ୍ରୁରକୁ ଗୋପ କୁ ପ୍ରେରଣ ଆଦି କଥା ବସ୍ତୁ ଉପରେ ଆଧାରିତ ନାଟକ ଅଭିନୀତ ହୋଇଥିଲା । କଂସ ଦରବାରରେ ରାଜକୀୟ ଅତିଥିଭାବେ

ସିନ୍ଧେକେଲା ନାଗରିକ କମିଟି ସଭାପତି ସୁରିୟା ସାହୁ , ଜେଏମଡ଼ି ଇଂଲିସ ମିଡିୟମ ସ୍କୁଲ ପ୍ରତିଷ୍ଠାତା ଅନିଲ ଜୈନ , ଉପଦେଷ୍ଟା ଗଣପତି ସାହୁ, ଝଲପ ପୂର୍ବତନ ସରପଞ୍ଚ ରାଜାରାମ ବେହେରା , ହାଇସ୍କୁଲ ପ୍ରଧାନ ଶିକ୍ଷକ ଲୋକନାଥ ମେହେର ପ୍ରମୁଖ ଯୋଗଦେଇ ଧନୁଯାତ୍ରା ଆୟୋଜନ କରୁଥିବା କମିଟିର ବହୁ ପ୍ରଶଂସା କରିଥିଲେ । 
ସାଂସ୍କୃତିକ କାର୍ଯ୍ୟକ୍ରମରେ ସ୍ଥାନୀୟ ଜେଏମଡ଼ି ସ୍କୁଲର ଛାତ୍ରୀମାନଙ୍କ ଦ୍ଵାରା ସମ୍ବଲପୁରୀ ରିମିକ୍ସ ନୃତ୍ୟ ଓ ଭବାନୀପାଟଣା ରୁ ଆସିଥିବା ନଟରାଜ୍ ସାଂସ୍କୃତିକ ଅନୁଷ୍ଠାନ ପକ୍ଷରୁ ଆଦିବାସୀ  ନୃତ୍ୟ ପରିବେଷଣ ଆଦି ଦର୍ଶକଙ୍କୁ ବିଳମ୍ବିତ ରାତ୍ରି ପର୍ଯ୍ୟନ୍ତ ବାନ୍ଧି ରଖିଥିଲା ।  ସାଂସ୍କୃତିକ ସମ୍ପାଦକ ସୁଧାକର ସାହୁ ମଞ୍ଚ ପରିଚାଳନା କରିଥିବାବେଳେ କାର୍ଯ୍ୟକ୍ରମରେ କମିଟି ସଭାପତି ବିରେନ୍ଦ୍ର ନାରାୟଣ ସିଂଦେଓ ,

ଉପ ସଭାପତି ଉମାସଙ୍କର ତ୍ରିପାଠୀ , ସୁରେନ୍ଦ୍ର ନାରାୟଣ ସିଂଦେଓ , ସାଧାରଣ ସମ୍ପାଦକ ଅନିଲ ନାଏକ , କୋଷାଧ୍ୟକ୍ଷ ଓମ ସାହୁ , ସହ ସମ୍ପାଦକ ଫକୀର ତ୍ରିପାଠୀ , ଜୟନ୍ତ ଖମାରୀ , ମିଡ଼ିଆ ଓ ପବ୍ଲିକ ରିଲେସନ ସମ୍ପାଦକ ଅନିଲ କୁମାର ତ୍ରିପାଠୀ, ଦିନେଶ ଜୈନ, ଅଭିମନ୍ୟୁ ବହିଦାର, ପ୍ରଚାର ପ୍ରସାର ସମ୍ପାଦକ ଦିନେଶ ବଛା , ସଞ୍ଜୟ ସିଂଦେଓ , ସନ୍ତୋଷ ରଣା , ଖଲି ସାହୁ , ପରମା ସାହୁ , ବାବୁଲାଲ ସାହୁ ପ୍ରମୁଖ ସହଯୋଗ କରିଥିଲେ ।