24-Jan-2023

ସିନ୍ଧେକେଲା / ସାଧାରଣତଃ ମାନସିକ ବିକୃତ ହୋଇଥିବା ଲୋକେ ନିଜ ଉପରେ ନିଜର ନିୟନ୍ତ୍ରଣ ହରାଇ ସେମାନେ କଣ କରୁଛନ୍ତି କଣ ନାଇ କିଛି ଜାଣି ପାରନ୍ତି ନାହିଁ। ସେଥିପାଇଁତ ମାନସିକ ବିକୃତ ହୋଇଥିବା ପାଗଳ ପାଗଳୀ ମାନେ କିଏ ଚୁପଚାପ ରୁହେ ତ କିଏ ବିଶୃଙ୍ଖଳିତ ଆଚରଣ କରିଥାନ୍ତି। କିନ୍ତୁ ସିନ୍ଧେକେଲା ରେ ବହୁ ବର୍ଷ ଧରି ଏକ ମାନସିକ ବିକୃତ ମହିଳା (ବୟସ ୪୦) ସିନ୍ଧେକେଲା କୁ ଚାଳି ଆସିଥିଲେ । ପ୍ରଥମେ ପ୍ରଥମେ ଲୋକେ ପାଗଳୀ ଭାବି ଭୟ କରି ପାଖକୁ ଯାଉନଥିଲେ ଛୋଟଛୋଟ ଛୁଆ ମାନେ ପଥର ଗୋଡି ମାଟି ଫୋପାଡୁଥିଲେ ଓ ଘଉଡାଇ ଦେଉଥିଲେ। ସେ ସମୟରେ ବୟସ କମ ଥିବାରୁ କିଛି ଅସାମାଜିକ ଲୋକେ ତାକୁ ହଇରାଣ ହରକତ କରୁଥିଲେ ହେଁ ସେ ମଧ୍ଯରେ କେହି କେହି ସହୃଦୟ ବ୍ୟକ୍ତି ଓ ମହିଳା ତାକୁ ଖାଦ୍ୟ ଓ କପଡା ଦେଇ ସାହାଯ୍ଯ କରି ତା ପ୍ରତି ସହାନୁଭୁତି ଦେଖାଇବାରୁ ଧିରେ ଧିରେ ଖୋଲା ଦେହରେ ବୁଲି ବୁଲି ଗାଳିଗୁଲଜ କରୁଥିବା ପାଗଳୀ ମହିଳାଙ୍କ ଆଚରଣରେ ପରିବର୍ତ୍ତନ ହୋଇ ସେ ଲୋକଙ୍କ ଘର ଦୁଆର

ରାସ୍ତା ଘାଟ ପରିଷ୍କାର ପରିଚ୍ଛନ୍ନ କରିବା ଆରମ୍ଭ କରିଥିଲା। ଓ ପରେ ପରେ ଏହା ତା ନିଶା ପାଲଟିଗଲା। ତା ପରିଚୟ ବି ବଦଳିଗଲା ଏବଂ ତାର ନାଁ ହୋଇଗଲା ରସଖାଇ । ଆଜି ପର୍ଯ୍ୟନ୍ତ ସେ ଅନବରତ ଭାବେ ରାସ୍ତାଘାଟ ପରିସ୍କାର କରିଚାଲିଛି। କେବେ କେବେ ତା ମନକୁ ଲାଗିଲେ ସାମ୍ନାରେ ଯାହାକୁ ଦେଖିଲେ ଟଙ୍କା ଗୋଟିଏ ମାଗିଥାଏ। ବୋଧହୁଏ ସେ କଏନ କୁ ହିଁ ଟଙ୍କା ଭାବୁଥିବାରୁ ନୋଟ ଦେଲେ ଫିଙ୍ଗି ଦିଏ ଓ ଗୋଲ କଏନ ମାଗିଥାଏ। ତା ପାଇଁ ସିନ୍ଧେକେଲା ର ଅଧିକାଂଶ ରାସ୍ତା ବି ସଫା ରହୁଛି। ପାଗଳୀ ହେଲେ ବି କାହାର କେବେ କିଛି କ୍ଷତି କରିନାହିଁ। ହେଲେ ବିଧିରବିଧାନ କିଛି ଅଲଗା ତେଣୁ ଜାଣିନି ସେ ତା ବର୍ତ୍ତମାନ,  ଭୁତ ଓ ଭବିଷ୍ୟତ ଘର, ପରିବାର ସତେ ଯେମିତି ସ୍ବଛ୍ଛ ଭାରତର ନିଶା ରେ ରାସ୍ତା ଘାଟ ପରିଷ୍କାର ପରିଚ୍ଛନ୍ନ କରିବା ହିଁ ତା ଜିବନର ଲକ୍ଷ। ଦୁନିଆ ର ସବୁ ସୁଃଖ ଦୁଃଖ ଭୁଲି ହାତରେ ଝାଡୁ ଟିଏ ଧରି ରାସ୍ତାଘାଟ ପରିସ୍କାର ପରିଚ୍ଛନ୍ନ କରି ଚାଳିଛି ଅନବରତ।  ଲୋକେ ବି ତାର ଏପରି କାମ ଦେଖି କିଏ ଖାଇବାକୁ ଦିଏ ତ କିଏ କପଡା ଦେଇ ଥାନ୍ତି ଏବଂ କହନ୍ତି ପାଗଳୀ ହେଲେ ବି କାମ ତା ମହାନ ।