20-Jan-2023

ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ବ୍ଲକ ଅନ୍ତର୍ଗତ ସିନ୍ଧେକେଲା ପଲ୍ଲୀଶ୍ରୀ ଖେଳ ପଡ଼ିଆ ପାଲଟି ଯାଇଛି ମୁକ୍ତ ଆକାଶ । ୯ ମ ବିରାଟ ଧନୁଯାତ୍ରା ମହୋତ୍ସବ ର ମଥୁରା ନଗରୀ ଗତକାଲି ବୁଧବାର ସନ୍ଧ୍ୟା ୭ଟା ବେଳେ ଉଦଘାଟିତ ହୋଇଯାଇଅଛି । ଧନୁଯାତ୍ରା କମିଟି ସଭାପତି ବିରେନ୍ଦ୍ର ନାରାୟଣ ସିଂଦେଓ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ମହୋତ୍ସବରେ ସିନ୍ଧେକେଲା ଅଞ୍ଚଳର ଅଧିଷ୍ଠାତ୍ରୀ ଦେବୀ ମାଁ ଦ୍ବାରସେହ୍ନି ଙ୍କ ମୁଖ୍ୟ ସେବାୟତ ରାଜା
ଅରୁଣ ସିଂଦେଓ ମୁଖ୍ଯ ଅତିଥି ଭାବରେ ଯୋଗଦେଇ ଶୁଭ ଉଦଘାଟନ କରିଥିଲେ। ସିନ୍ଧେକେଲା ଅଧିଷ୍ଠାତ୍ରୀ ଦେବୀ ମାଁ ଦ୍ୱାରସେହ୍ନିଙ୍କୁ ପୂଜାର୍ଚ୍ଚନା କରି ଆଜ୍ଞାମାଲ ଆଣି ଉକ୍ତ ଉତ୍ସବର ଶୁଭ ଉଦଘାଟନ କରା ଯାଇଥିଲା। ଦୀର୍ଘ ସାତଦିନ ଧରି ପରିଚାଲିତ ହେବାକୁ ଥିବା ବିରାଟ ଧନୁଯାତ୍ରାରେ ଶାନ୍ତି ଶୃଙ୍ଖଳା ବଜାୟ ରଖି ଧନୁଯାତ୍ରା କୁ ସମ୍ପୁର୍ଣ୍ଣ ଭାବରେ ସଫଳ କରିବା ପାଇଁ କମିଟି ତରଫରୁ ଜନ ସାଧାରଣଙ୍କୁ ଅନୁରୋଧ କରିଥିଲେ । ଦ୍ୱାରସେହ୍ନି ମନ୍ଦିର ପୂଜକ ବିକ୍ରମ ଥନାପତି ପୂଜାଅର୍ଚ୍ଚନା କାର୍ଯ୍ୟ ସମ୍ପାଦନ କରିଥିଲେ । ସମ୍ମାନିତ ଅତିଥି ଭାବରେ ସ୍ଥାନୀୟ ସରପଞ୍ଚ ନରେଶ ଅଗ୍ରୱାଲ , ଧନୁଯାତ୍ରା କମିଟି ସାଧାରଣ ସମ୍ପାଦକ ଅନିଲ ନାଏକ , ଉପ ସଭାପତି ପଣ୍ଡିତ

ଉମା ଶଙ୍କର ତ୍ରିପାଠୀ ପ୍ରମୁଖ ଯୋଗଦେଇ ମତବ୍ୟକ୍ତ କରିଥିଲେ । ସାଂସ୍କୃତିକ ସମ୍ପାଦକ ସୁଧାକର ସାହୁ ମଞ୍ଚ ପରିଚାଳନା କରିବା ସହ ଧନୁଯାତ୍ରା ଆୟୋଜକ କମିଟି ତଥା ସହଯୋଗ କରୁଥିବା ସମସ୍ତ ସଦସ୍ୟ ବିଶେଷ ଓ ମିଡ଼ିଆ ବନ୍ଧୁମାନଙ୍କୁ ଅଭିନନ୍ଦନ ଜଣାଇଥିଲେ ।
ଉଦଘାଟନୀ ଉତ୍ସବ ପରେ ଧନୁଯାତ୍ରା ଆରମ୍ଭ ହୋଇଥିଲା । ସିନ୍ଧେକେଲା ମଥୁରା ନଗରୀ ସାଜିଥିବା ବେଳେ ତେଲସରାଇ ଗ୍ରାମକୁ ଗୋପପୁର ନାମରେ ନାମିତ କରାଯାଇଛି । ପ୍ରଥମ ରଜନୀ ମଥୁରା ନଗରୀ (ସିନ୍ଧେକେଲା) ରେ ମହାରାଜ ଉଗ୍ରସେନଙ୍କ ନଗର ପରିକ୍ରମା , ରଙ୍ଗମଞ୍ଚରେ ଦେବକୀ ବସୁଦେବଙ୍କ ବିବାହ , କଂସ ଙ୍କ ଦ୍ଵାରା ଉଗ୍ରସେନ ଗାଦିଚ୍ୟୁତ , କଂସଙ୍କ ରାଜ୍ୟାଭିଷେକ , ଦେବକୀ ବସୁଦେବଙ୍କ ବିବାହ , ଦୈଵବାଣୀ ଶୁଣି ଦେବକୀ ବସୁଦେବଙ୍କ ବନ୍ଦି ଆଦି କଥା ବସ୍ତୁ ନାଟ୍ୟ ଅଭିନୀତ ହୋଇଥିଲା । କଂସ ଭୂମିକାରେ ଝସକେତନ ପ୍ରଧାନ ଅଭିନୟ କରିଥିବା ବେଳେ ଉଗ୍ରସେନ ଭୂମିକାରେ ରୁଦ୍ର ନାରାୟଣ ମେହେର , ମହାମନ୍ତ୍ରୀ ଭୂମିକାରେ ନୀଳମଣି ଗଡ଼ତିଆ, ଅକ୍ରୁର ରେ ଘନଶ୍ୟାମ ସାହୁ , ବସୁଦେବରେ ଅଲେଖ ବୁଡେକ , ସେନାପତିରେ ପ୍ରମୋଦ ଭୁଏ , ସନ୍ତୋଷ ମହାକୁର , ଡ଼ଗର ରେ ରାଜୁ ମେହେର , ଦେବକୀ ରେ ରଶ୍ମି , ନୃତ୍ୟଙ୍ଗନା ରେ ମୋନାଲିସା , ମୌସମି , ରୁପା , ଚାଣ୍ଡୁର ଚତୁର୍ଭୁଜ ମେହେର , ଅର୍ଗାନ ମାଷ୍ଟର କୀର୍ତ୍ତି ବଗର୍ତ୍ତି , ତବଲା ମାଷ୍ଟର ଦିଲୀପ ମହାନନ୍ଦ , ପେଡ ମାଷ୍ଟର ମଣ୍ଟୁ ମହାନନ୍ଦ , ରୂପଶଯ୍ୟା ଚୈତ୍ୟନ୍ୟ ଭୋଇ ପ୍ରମୁଖ କରିଥିଲେ । କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ କମିଟିର ଉପ ସଭାପତି ସୁରେନ୍ଦ୍ର ନାରାୟଣ ସିଂଦେଓ , ସହ ସମ୍ପାଦକ ଫକୀର ତ୍ରିପାଠୀ , ଜୟନ୍ତ ଖମାରୀ , କୋଷାଧ୍ୟକ୍ଷ ଓମ ପ୍ରକାଶ ସାହୁ , ପ୍ରଚାର ପ୍ରସାର ସମ୍ପାଦକ ଦିନେଶ ବଛା , ସନ୍ତୋଷ ରଣା , କନ୍ଦର୍ପ ସାହୁ , ଗୋପୀ ସାହୁ , ପରମା ସାହୁ , ରିକୁ ସୁନା , ବାବୁଲାଲ ସାହୁ , ମିଡ଼ିଆ ପ୍ରଭାରୀ ଦିନେଶ ଜୈନ , ଅନିଲ ତ୍ରିପାଠୀ , ଅଭିମନ୍ୟୁ ବହିଦାର , ସୁଶାନ୍ତ ଥନାପତି ପ୍ରମୁଖ ବିଶେଷ ସହଯୋଗ କରିଥିଲେ ।