03-Dec-2020

ସମ୍ବଲପୁର,(ସଞ୍ଜିବ ପାଣିଗ୍ରାହୀଙ୍କ ରିପୋର୍ଟ): କୁଚିଣ୍ଡା   ଅରୁଣୋଦୟ ମାନସିକ ଭିନ୍ନକ୍ଷମ ବିଦ୍ୟାଳୟ ଠାରେ ଆଜି ଆନ୍ତର୍ଜାତୀୟ ଭିନ୍ନକ୍ଷମ ଦିବସ ପାଳିତ ହୋଇଯାଇଅଛି।ଏହି ଅବସରରେ ମୁଖ୍ୟ ଅତିଥି ଭାବରେ କୁଚିଣ୍ଡା ପଞ୍ଚାୟତ ସମିତି ର ବରିଷ୍ଠ କିରାଣୀ  ଶଶାଙ୍କ ଶେଖର ମିଶ୍ର ଉପସ୍ଥିତ ଥିବା ବେଳେ ସମ୍ମାନୀୟ ଅତିଥି ଭାବରେ କୁଚିଣ୍ଡା ବ୍ଲକର ବିଏସଏସଓ ଦୀପକ କୁମାର ପଟେଲ, କୁଟୁରାଚୁଆଁ କଲେଜ ଅଧ୍ୟକ୍ଷ ସୁବାଷ ଚନ୍ଦ୍ର ନାୟକ ଓ ଚାଇଲଡ଼ ଲାଇନ ନିର୍ଦେଶକ ପ୍ରଦୀପ କୁମାର ମହାକୁଳ  ପ୍ରମୁଖ ଯୋଗଦାନ କରିଥିଲେ l  ମୁଖ୍ୟ ଅତିଥି ଏବଂ ସମ୍ମାନୀୟ ଅତିଥିଗଣ  ନିଜର ବକ୍ତବ୍ୟରେ ଭିନ୍ନକ୍ଷମ ହେବାର ନିଜକୁ ହେୟ ମନେ ନ କରି ସ୍ୱାବଲମ୍ବୀ ସହିତ ଜାଗୃତ ହେବାର ଆହ୍ୱାନ କରିଥିଲେ। ଏହା ସହିତ ଏହି ଦିବସ ରେ କୁଚିଣ୍ଡା ବିଜ୍ଞାପିତ ପରିଷଦ ଅଞ୍ଚଳ ର ମାନସିକ ଭିନ୍ନକ୍ଷମ ଶିଶୁ ୱାର୍ଡ ନଂ.୩ ର ଜ୍ୟୋସ୍ନା ଛତ୍ରୀଆ ଏବଂ ମନ୍ତ୍ରିମୁଣ୍ଡା ଗ୍ରାମର ରେଶମା କିଶାନଙ୍କୁ କୁଚିଣ୍ଡା ବ୍ଲକ କାର୍ଯ୍ୟାଳୟ ତରଫରୁ ଫିଜିଓଥେରାପି କିଟ ପ୍ରଦାନ କରାଯାଇଥିଲା। ଏହା ସହିତ କୁଚିଣ୍ଡା ୱାର୍ଡ ନଂ.୭ ଜ୍ୟୋତିପଡା ର ୪ ଜଣ ଅସହାୟ ଶିଶୁ ପୂଜା ଛତ୍ରୀଆ, ରାଖୀ ମୁଣ୍ଡା, ଵିଷ୍ଣୁପ୍ରିୟା ଛତ୍ରୀଆ ଓ ଯଶୋବନ୍ତି ବାଘଙ୍କୁ ଚାଇଲଡ଼ ଲାଇନ ତରଫରୁ ଶୀତବସ୍ତ୍ର ପ୍ରଦାନ କରାଯାଇଥିଲା। ଏହି ଭିନ୍ନକ୍ଷମ ଦିବସରେ କୃଷି କର୍ମୀ ରୋଜାଲିନ ପ୍ରଧାନ, ଚାଇଲଡ଼ ଲାଇନ ଟିମ ଲିଡର ତୃପ୍ତିମୟୀ ଦାଶ, ଟିମ ମେମ୍ବର ନାମାନି ହେମ୍ରମ ଏବଂ ସ୍ବେଛାସେବୀ ବିନତା ଛତ୍ରୀଆ ସହଯୋଗ କରିଥିଲେ।